عين ما صلت على النبي

أمووووت و اعرف منو هاللي صكني بعيييييين هههههه ، ما أدري شو إستوى فيه إستويت أنسى إنه عندي مدونة ..

أحين إلا يالسه و إذكرت و إستوووويت مووول ما أدخل و لا أشووف شو منزلين إنتوا و الله تولهت على التدوين و على مدوناتكم ..

إنزين أخباركم و علوومكم.؟؟

الحين ببدأ أتصفح تدويناتكم .. بشوف سوااالفكم ..

نطالب بإقالة الوزيرة مريم الرومي

غضب إماراتي بعد فاجعة وفاة " العبدولي " الذي لم يبلغ من العمر بعد 33 سنة، ذلك الرجل البسيط الذي أرد أن يسد جوعه و جوع عائلته دون التطرق إلى السرقة أو الطلب من الناس و ذهب إلى وزارة الشؤون الإجماعية لكي تساعده و حيث قيل بأن المتوفي وقف مرة أمام باب الوزارة ليتكلم مع الوزيرة لتوفر له وظيفة إلى أنها وعدته و لم تقم بتقديم له أية وظيفة .. و كانت لهذه الوزيرة بعض الخطوط الحمراء التي أثارت الشعب الإماراتي منها..

"ولكن القشة التي قصمت ظهر البعير وأحيت آمال هؤلاء في النظر في أمر الوزيرة هي وفاة مواطن إماراتي كان قد تقدم بطلب إلى الوزارة لمساعدته على ظروف حياته الصعبة، بعد إصابته بخمس جلطات، ولكن الوزارة اكتفت بتقديم معونة شهرية مؤقتة له انقطعت عنه قبل شهر رمضان الماضي، وتسببت هذه الوفاة في صدور أمر من الشيخ محمد بن راشد المكتوم رئيس مجلس الوزراء حاكم دبي في تشكيل لجنة للتحقيق حول الوفاة، وأمر آخر بوقف قرار خفض المساعدات الاجتماعية التي كانت الوزيرة على وشك تنفيذه، وهنا يرى الكثيرون أن هذا هو أول الغيث وأن القرار الذي طالما انتظروه اقترب كثيرا من التحقق، وأنها مسالة وقت فقط.

ولم تكن هذه المشكلة الأولى التي أثارت حول الوزيرة الرومي الكثير من التساؤلات حول سياستها في الوزارة، فقد لاحقتها الكثير من الشكاوى والملاحظات منذ توليها هذا المنصب، ففي سنة 2008 اتهم المجلس الوطني الاتحادي وزيرة الشؤون الاجتماعية مريم الرومي بعدم الاكتراث بشكاوى المواطنين التي ترد المجلس، وقال رئيس لجنة فحص الطعون والشكاوى في المجلس الوطني الاتحادي آنذاك، الدكتور مغيّر الخيلي أن الرومي لم تستجب، على الرغم من إجراء اتصالات هاتفية مع مكتبها عن طريق مكتب رئيس المجلس مرّات عدّة، معلقاً بأن لا حياة لمن تنادي.

وفي أمر آخر طالب الكاتب الإماراتي عبدالله رشيد عبر عموده “دبابيس” في صحيفة الإتحاد الإماراتية في سنة 2006 أن يكون صندوق الزواج في أيد أمينة، وذلك بعد أن تعرض الصندوق لهزات وضربات من تحت الحزام عندما أمرت الوزيرة الرومي بأن لا يستفيد من تجاوز راتبه الشهري عشرة آلاف درهم من خدمات الصندوق، وعندما حاول الكاتب حينذاك أن يبحث عن إجابة لهذا القرار التعسفي على حد قوله وجد أن الوزيرة مشغولة بالاجتماعات والزيارات، تاركة جزءا كبيرا من الشباب المواطنين يندبون حظهم ويبحثون عمن يحل لهم هذه المشكلة كما يقول الكاتب. " منقول

أتمنى أن يقيل محمد بن راشد وزيرة الشؤون الإجتماعية  مريم الرومي اليوم و لا تأخير في ذلك، كما حدث مع وزير الصحة المقال حنيف قاسم

منو عنده آيفون عندي سؤال سريع ؟؟

ما أصدق من زمان ما دخلت النت، والله من خلص العيد كنت مكرووفه كراف في الشغل مارووم أتنفس هههه أحين بدا يخف الحمد الله

بس عندي سؤال حق اللي يدخلوون البلوقر من الآيفوون ممكن تعطوووني الخطوات، لأنه أحس الصراحة ساعات أبا أدخل لكن ماعندي وقت أو أكون في المحكمة أتريا الجلسة و يالسه جي .. أنا دخل من الآيفون لكن ما عرفت وين أسوي ساين أب دخلت هني بس مافهمت اللي يعرف لا يبخل عليه و اللي بيرد فاله طيب كل يوم أنا في البلوق مالكم بحشركم هههه ..

جزيرة صير بني ياس " الجزء الثالث و الأخير " wadi walk

هلا و الله 

سوري على التأخــــير 

رحلة وادي ووك .. 

قبل لا أبدأ بذكر الرحلة، في هالفندق عندهم ميزة حلوة، ممكن تختار جنس المرشد اللي بيوديك الرحلة، تختار ريال أو حرمة، و الحلو بعد انه الرحلة لازم يكون عدد الأشخاص في السيارة ما يزيد عن 6 أشخاص بس و ممكن تشرطون إنه الرحلة ما يكون معاكم ريال أو بالنسبة للرياييل بعد ممكن يشرطون هالشي .. 

و نحنا كنا نتحسب إنه هالرحلة بتكون نفس السفاري لو كنت شخص واحد بيكون معاك مرشد مخصص لك، أنا و أختي إستغربنا إنه نظهر مع جرووب و زين إنهم طلعوا بنات فرنسيات أو روسيات شي جي .. و كنا بالضبط 5 أشخاص و كنا ماخدين ولد عمتي الصغير ويانا .. 

وهذي الرحلة كلفتنا للشخص 60 درهم 

وهني طلعنا بسيارة السفاري لموقع المشي .. 

و هذا النوع من المشي، تحسون إنه إستكشافي يكون في الوديان و بين اليباب " الجبال "

و صح لازم تكونوون لابسي جواتي، ولابسين نظارات بسبب الشمس، لأنه بتطلعون الساعة 5 بالضبط و الجو حار ورطوبة، و لازم ماي وياكم، و هم في الرحلة يزودونكم بالماي و البيبسي و يفضل تشلون شنطة تحطون فيها أغراظكم، و تلبسون كابات أو قحافي عن الشمس .. 

و هني وصلنا لموقع الرحلة .. أنا يوم شفت الوادي قلت كيـــف بننزل ؟؟

الحين هني في الوادي نمشي، و كانت تشرح عن هالضخرة كيف تكونت، و أنا لأول مرة في حياتي أحب الطبيعة الجافة القاحلة اللي مافيها شير و مافيها شي... رووعة هدوء مب طبيعي، تحس براحة غريبة عجيبة، ما أعرف تحسون بشي غير كأنك أستكشف عالم يديد .. ما أعرف شعوور غريـــــب ..

غزال ماكلنه الشيتا مادري الضبع ..بس أهم شي إني تصورت عداله ههههههه

هني بدينا شوي شوي نصعد لفوق

روعة و الله المنظر روعة على الطبيعة، يمكن إنتوا ماتحسوون باللي أقوووله بس عمري ما حسيت و لا شعرت بجمال الطبيعة إلا في هاللحظة، حسيت إني أبا أتم هني وايد ما أبا أرد، و لو تلاحظون الفندق يبين هني .. 

الرطوووبة عالية في هالجزيرة فترة العصـــر، ويووهكم تقاطر من الرطووبة، أكثر عن رطوبة دبي .. 

ويا حلاة الماي البرد على هالجو، و الله صدق حســــيت بطعم الماي هني غييير هههه والله جنكم في فلم ..

المرشدة كانت تشرح شي هني، لكن ما كان عندي وقت أسمع ما أعرف أصور ولا أطالع ولا أسمع .. هالرحلة ما تكفي مرة أحلى أكثر عن مرة تسيرولها مرة حق تصويير و مرة تتمشى ..

الحين بدينا ننزل .. 

و ننزل 

و نزلنا وصلنا السبخة، و لو تلاحظون آثار أقدام الشيتا، إختي زاغت يوم سمعت تتحسب بيينا، قالتلها لا ما بيي ..لأنه في مكان بعيد .. 

و الحين بدينا نصعد 

ولد عمتي ما كانوا بيركبونه بسبت النعال، لين ما نحنا قلنالهم تراه مريح و حق الرحلات زين 

ماكنت أبا أبروووح و أسير عن هالمكـــــــــــــان ممتع روووعة ..  أحلى عن السفاري بواايد ..

العودة إلى الفندق 

هذا اليوم الثاني العودة إلى دبي .. 

تاخذ باص يوديك للعبارة .. 

و على فكرة خدمة الباص و العبارة هاي ما تدفعون عليها شي من الفندق ..

محطة المغادررون

و الحلو إنه في الباص و المركب كنا رواحنا محد ويانا ..

تقييميي للرحلة .. 

1. الرحلة كانت حلوة و أحس لازم ما تزييد عن يوميين، لأنه مافيها سوق مافيها شي ممكن تسوونه بعد الرحلة، إلا إذا إنتو كنتم مسوين جدول و ثاني شي الجو حار ما يساعد ساعات تيلس برع من بعد الساعة 11 .. بس ممكن تيلس على البلكونة لأنه لو حر مب نفس حر دبي تنصلخ و ماتروم تطلع، تحس حرهم تقدر تطلع و تسير و ترد .. 

2. اللي عيبني طريقتهم بوضع القنفات صوب البحر، و أحس اللي يحب السوالف و الرمسة يسير هناك بيستانسوون يودوون دلالهم و فوالتهم وييلسون هناك سواء كانوا ربع أو أهل فترة العصر إذا ما كان عندهم أي نشاط العصر .. 

3. فيه ميزة حلوة عندهم يوميا عروض أفلام على الداتا شو برع، تكون أفلام أطفال، و يكون المكان ظلاااااااام محد يشوفك  .. و نحنا آخر يوم يلسنا هناك و كنا بس نحنا و الأغلبية كانوا طالعين من الفندق لأنه السبت و كنا نحنا بس إنطالع، من حلاة الجو و الله رقدت على الكرسي حاطين كراسي ترقد، و رقدت من 9 لين 10 ماحسيت بعمري إلا إختي توعيني، و الأحلى و إنتوا إطالعون الفلم، إييكم واحد يوزع بوب كورن في صحون حق كل واحد و أنا على حظي نشيت و كنت يوعانه هههه ويابلي واحد و كلته و رديت الفندق .. 

4. الفندق و الجزيرة تحسوون المكان أمــــــــان واايد 

5. اللي عيبني في رحلاتهم، ممكن تخصصون ريال أو حرمة، و ممكن تحطون واحد يتكلم لغة عربية، و إذا مثلا بغيتي حرمة مرشدة و تتكلم عربي و مالقوا يحكون أجنبية مرشدة معاه مرشدة عربية .. 

و ممكن تزاولوون أي نشاط، لأنهم يودوونكم أماكن معزوولة محد يشووفكم فيها، و بالذات للمتحجبات، و بالأخص إذا كانوا يلبسون عبي،
 أنا الصراحة أحب أسووق سياكل " دراجة هوائية "، لكن كنت أقول ريال بيودينا ف شليت الفكرة من بالي، لكن بعد ما جربت وادي ووك و يودوونكم  أمكان محد يشووفكم فيه .. قلت المرة الياية لازم أجرب السياكل طبعا إذا لقيت حرمة و كان الجروب حريم أو حتى لو بس أنا و اللي يبا من خواتي بنجرب شوي، لأنهم يودوونكم أماكن معزوولة، و من بين اليبال و السهول و هدوء مب طبيعي تحسوون بس إنتم و الطبيعة .. 

و عندهم فعاليات غير .. بس أحس في الشتا أحلى ..

1. عيب الجزيرة، الوقت مووول مايمر بسرعة حتى كنت أكلم المرشدة الوقت ما يمر هني، قالت نحنا على الشغل اللي نشتغله، نشوف الوقت بطيء هالميزة حلوة، ممكن تسووون وايد أشياء لكن المشكلة يوم ما عندك شي تسوويه، بس تحسون لو الوقت طويل و ماعندكم شي تسووونه ما تحسوون بالملل مول .. 

2. في الجزيرة ماتعرفون متى مواقيت الصلاة.. يعني أول الأيام كنا نصلي نفس تواقيت  دبي بس نأخر شوي .. المغرب أنا كنت أصلي أول شي نفس توقيت دبي 7:20 دقيقة عقب لاحظنا المغرب يطول عندهم بدينا نأخر لين 7:30 ..

3. ماشي دكان ممكن تشتري منه الأغراض الناقصة، يعني شلوا كل شي وياكم حتى الماي شلووه، لأنه تخيلوا غرشة ماي العين لتر و نص سعرها 18 درهم مايسوا يعني شلوا مأوونتكم وياكم و إنتو سايرين هالجزيرة .. 

4. المفروض يكوون مثل سوق صغير عندهم .. 

جزيرة صير بني ياس " الجزء الثاني " سفـــاري

السلام عليكم .. 

اليوم بدينا رحلة السفاري الساعة 6 الصــبح، و الجو كان روعة ما تقوولوون صيف و ماحلاة الهواء يجن .. 

و أخليكم مع الصورة و إن شاء الله تعيبكم .. 

هذا الله يسلمكم ميلس الشيخ زايد الله يرحمه في هالجزيرة و كان يستقبل الناس في هالميلس .. 

و في السيارة أهم شي موفرين الماي، لأنه بالذات العصر رطوووبة .. و حر .. 

و هني كانوا يدوروون الشيتا يسمونة على ما أعتقد المهم هو نوع من أنواع النمووور .. لكن كـــان بعييييييد وااايد و ترييييينا يكووون قريب لكن مافي فايدة ما شفنااااه ..

الصراحة وايد صور لكن هاللي قدرت أنزله، و إن شاء الله باجر بحطلكم صور رحلة " wadi walk " 

روووووووعة وااايد و أحلى حتى عن السفـــاري .. و في نشاط ثاني كنا نبا إنسويه، اللي هو يكون على القارب وقت الغرووب .. بس القارب فيه عطل .. و جربنا أنا و أختي وولد عمتي هاي الرحلة لكن صدق إستمتعنا .. و باجر إن شاء الله أنزللكم الصور ..