1 كــرك عــلى أحلى جو .. !!

صـــباح الخــــير على صوت المطر، و جو المطر، و على هالجو المغيم .. مستانسه إني ما شفت الشمس من 3 أيااام هههه .. و إن شاء الله الإسبوع كله يــــــارب .. 

طبعا بعد إكتشـــافي للتحرير اليديد إستويت أحب أنزل صور و فيديو هههه .. فاليوم البوست ممتع كله صور ههه .. 

اليوم سرت مع بنات خالتي نمشي على البحر  و كان الجو رهيب، و يوم رديت البيت و شفت قطرات المطر و على هالجو لازم كـــرك .. 

صور من الموبايل :- 

هني في الفريج سايرة أشربلي أحلى كرك.. 

و وصلنا كافتيرا الفروانية حق أحلى كرك . . أونه الكــرك يدفينا في هالأجواء الممطرة ههههه ..بس والله طعمه لذيذ يكون ما أعرف ليش .. 

1 كــــــرك .. ههههه مسكين زايغ على الكرك مغطنه بيده عن المطر ..  صدقني بابا لو لو تحوث الشكــر بصبووعك بشربه ههههههه كله ولا الكـــرك في هالجو هههه

لا حظو ورايه سيايير .. يوزع بكوباته ههههههه، على فكرة الفروانية عليه زحمة وااايد .. لأنه الكرك ماله صح ..

و وصل الكــــــــــــرك .. وصل المعرس ..

و عقب رديت خذت شي إسمه هورلكس، ربيعيتي قالتلي طلبيه لذيذ قلت خل أجربه بس  طـــــــــعمه شو  لذيذ تقوولون سيريلاااااك في حليب .. غـــريب طعمه  أنا وين عنه من زمــــــــان ههههههههه..

و الحين بروايكم صور ماليل البارحة كنا سايرين البحر إنطعم الطيووور، هذيل موسمهم الحين في الشتاء و ما شاااء الله ، الله يزيدهن كل حد يالس في صوب و يفر عليهم الخبز منو إيمع أكبر عدد من الطيووور ههههههههههه ..
بس طبعا صور الكيمرا هالمرة مب الموبايل ..

عيبتني هالصورة الخبز يبين ..

أما هذ الدوبي خـــطير سحادة و الستائر.. زين إنه داخل الفريج مب برع على الشارع .. 

كش ملك سيدي

في الدقيقة الأخيرة شوفوا الحرس و الجيش كيف تعاونوا مع المتظاهرين .. 

تعتقدون إن الشعب المصري بيقدر يهز حسني مبارك؟

كتب " و إكتشاف "

السلام عليكم

قبل لا أبدأ " ليش محد قالي إنه في تحرير يديييد" ههههه، و أنا طول هالمدة أستخدم الجديم، و تلووع جبدي يوم أنزل صوورة أعاااني و أنا أنزل دوووم، اليوم إلا جي قلت خل شوي أشوف الإعدادات و يلست أطالع لين ما شفت تحرير قديم و تحرير حديث إستغربت، و دووم أقووول هذيل كيف يسوون هاي لايت على الكلام و كيف ينزلووون هالسوالف ههههههههه و اليوم أنا مستانسه لأني إكتشفت هالميزة، إن شاء الله حد غيري بعد ما إكتشف و يكتشف من مدونتي هههههههه.. ما أكون الغبية ههههههه فالج طيب يا شاي الضحى بنزلج اليوم الفليل صورة المعجووون ههههههه

أهم شي الهايلات اللي بحشركم فيه اليوم هههههههههههه ، أهم شي هايلايت على ال هههههه

بسم الله نبدأ ..

هالمرة مقروءاتي غير عن كل مرة، بس بعدني ما قريتهم إن شاء الله أول ما أخلصهم بخبركم عن كل كتاب .. 

عزيزي النفط ماذا فعلت 

 ملفات الأغذية السوداء

أنا أحب سوالف الأكل و بلاوي وفظايح شركات الأكل، و هذا يوم جلبته كان من هالنوعيه يبين الخدعة اللي نحنا عايشينها .. 

العدالة في عالم الحيوان  

قريت منه و عجبني و الأحلى القصص اللي فيه 

حياة في الإدارة 

أما هذا الكتـــاب أنا معجبه فيه وين ما أسير أشله وياااااااااااايه ,, ماتعرفوون كيف فنان،من كثر ما حبيته أكتب كل شي عجبني في كلامخ و ينفع حق كل واحد يشتغل أو يدرس ..

إن شاء الله إستانستم على الكتب، و الهايلات هههههه

للإنضمام إلى مشروع مقروءاتي

شو هالتطور حتى يوم بحط رابط هههههه إكتشاف إنما إييه 

مكان ريلاكس للقراءة " كينوكونيا "+ فندق الراية

الصــراحة ما عرفت شو أحط عنوان لهالتدوينة، أصعب شي في حياتي أختار عنوان لموااضيعي .. أحس ياخذ مني وقت طوووييل ..

اليوم الله يسلكم تدوينتي غــير عن كل تدويناتي هالمرة صور، نيو لووك ههههه، قلت خل شوي نغير إنزل صور و مره وحدة إنزل في نفس البوست الصور اللي تترياهن رووروو الشخبوطة هههه، و عقبال ما أنزل صورة المعجون حق شاي الضحى ههههه ..

.

المهم خلونا نبدأ و أحس " مي " بيعيبها هالمكان ..

نبدأ بمكتبة كينوكونيا و مكــانها في دبي مول الدور الثالث .

.

هذي صور المكتبة من الداخل و إضم الكتب الإنجليزية واايد أكثر عن العربية، و الكتب العربية و الكتب الكورية أو اليابانية شي جي ...

.

.

داخل هالمكتبة مثل الكوفي أو مطعم مصغر، واايد أحبه، ماتدروون يوم أيلس فيه كله أحس إني أبا أرقد، هدووء و يحطون ألحان تخليكم مرتاااحين.. واللي يعيبني في هالكافي إنه ياباني ..

و أنا طلبت نوع من أنواع الجاهي الأخضر الياباني مع كيكة كاكاو

.

.

أنا يوم شفت الكيكة قلت شو ها شكلها موول مايشجع، بس ماتوقعت إنه طعمها حلو و الأحلى إنها مب ثجيلة مووول، ذكرتي بنفس طعم جوكلت كيك مالت ستاربوكس بس مالتهم هم خفيفففه وااايد ..

و هني المنظر الخارجي لهالكافي

.

هاي القعدة

.

.

و أنا كنت أقرا هالكتــاب اللي الصراحة ماوقعت يكوون جي حلو، توقعت يتكلم عن الإدارة طلع عن حياته بس وااايد حلو ..
.

أممممم الصراحة كانت الأجواء روعة بالذات جاهي أخضر مع الكيكة روووعة ..

اللي يعيبني في هالكافي هدووءه و الجرسون ما تزقروونه، تشوفون عدال الكوب مثل الجهاز إذا بغيتييم إدقين عليه و إيييج، واايد حلو نظامهم .. !!

المكان من داخل، مارمت أصور، لأنه ناس يالسين مب حلو ة ..

و أحلى شي كراسيهم تخليج تقرين كلها مخـــــــاد من كل الجوانب .. ترووموون بس شوفوا الحنا كيف معدل في الصوور يا سلام هههههه

و هني خلصت من أكلي الحمدالله والقراية ..و كانت عيووني كل شوي تصك من الأجوااااء .. وقلت خلني أسير البيت و طلعت من المكتبة على الساعة 1 ..

==============================================================

أما هني فسيرتي للكويت، بحطلكم صور الفندق أنسى إسمه، بس ربعي دوم يقولوون فندق الراية، فعشان جي أنسى إسمه الأصلي ..

هني وصولي للكويــــــــــــــــت

.

هذا الفندق من الداخــــــــــــل في اللوبي

.

.

و الشي الغريب و الحلو في هالفندق انه المطعم يجابل الرسبشن، يعني و إنتوا تاكلوون تعرفوون من الضيوف الكرام في هالفندق و منو يودع الفندق ههههههه كلشي لايف جدامكم بس المكان حلو واايد ..

.

ما أعرف شو المعنى من هالصوور بس صورتها هههههه، هني عدال غرفتنا .

.

اللي عجبني في نظام الغرف، إنه حاطين حروف للي مايشووفوون و الصراحة شي حلو ..

و هذي الشبرية ..

.

و هذا الحمام وإنتو بكرامه

.

.

أنا أول ما دخلت الغرفة و يلست على الكرسي كنت أحس بتعب، و أختي تقولي شوفي تفاحة على طوول سرت و كلتها، قلت يت في وقتها، و الله بس شي حلو بدال مايحطوون كاكاو حاطين تفاحة .. وشكلها يشهي الصراحة ..

.

.

السنطووووووور، مادري ليش تخبلت عليه، مادري في حياتي ماصادفني سنطور في غرف الفنادق ساعات هي لكن سنطوور لأول مرة إستاانست عليه هههههههه والله إستويت سيلانيه هاليوم .. " السنطور هو المنبة " لغير الناطقين بالإماراتيه ههههههههههه ..

.

.

و هذا أهم شي لقيته في الكبت، لأني ماكنت شاله ويااايه "أوتي" ماروووم أحول، خفت الفستان ولا العباة تتجسف على الأقل لقيت شي ..

.

و هذي العدة الأهم نحنا دايما في السفر نشل هالدلة بالكهربا و كنت أبا أشل وحده ويايه بس ما شليت ولقيتها موجوده ويا العدة .. حسيت هالفندق فاهم أنا شو أبا هههههه..

.

و هذا المنظر من الحجرة الفجر، نشيت سيده أصور هههه ..

و اللي تحتها من المطعم

و هالمنظر من الشارع هههههههه .

و يا محلاتج يالكـــــــــــــــويت، الله يردني لكم إن شاء الله قوولوو آميـــــــــن

صح في بوست قبل هذا البوست، ممكن أشوف آرائكم فيه هههههه

كيف تروني ..؟؟

الصــراحة هالبوست مصــرووق من عند أم حرووبي هههههههه، و عجبني وايد ..

.

بالملخص " كيف تشووفووني "

.

أنا كنت كاتبه رد لأم حرووبي، و شفت الردوود تقريبا في ردوود مشابه لي و في أشياء انا قلتها صح يعني التدوينات تبرز شخصية الإنسان و نحن نكون متخيلينه صــح ..

.
فعشــان جي في خـــاطري أعرف " كيف تروونني " الله يعيني على الصدمات ههههههه
فعــشان جي بقتبس كلام أم حروبي ..

"

يقال إن كنت تريد أن تعرف شخصيتك حقا فعليك أن تراها بعين الآخرين
<<أم حروبي تقول :)
بناءً على هذا ..
كتبت عزيزتي فوفو تدوينة "كيف تروني؟"...وارتأت أن أكتب عن نفس الموضوع حتى تخبرني كيف تراني وبما أني طماعة فأريد من فوفو ومن كل من يتابعني أن يصف كيف يراني في خياله ..ما هو التحليل الذي توصل إليه من جراء قراءة كلماتي .. "
كيف ترون AM.SA.CHANNEL ..ماهي شخصيتها في الواقع ...

طلعتي خطيرة أم حروبي نسوي على كلامج إقتباس هههههههههه

يالله شقى متخيليني خخخ

سؤال صــبــاحي على أجمل صبــاح

صـــباح الخـــير ..

سؤالي هو بكل بســاطة، سؤال وايدين بيشووفنه ماله داعي، لكن مجرد سؤال خفيف الظل يا في ذهني ..

ليش القهوة مرتبطة دايما بالصــباح ..؟؟

و جاهي حليب أو كما يسمى كرك مرتبط بالصــباح ..؟؟

أغلب الكتاب عايشين مع قهوة الصباح المرة ..؟؟

إذا نبشت في الشعر تلقى قهوة الصـباح موجودة في قصائدهم ..؟؟

يوم أسير الدوام من الصبح، أشوف أغلب السيايير واقفة تتريا الكـرك .. ؟؟

يوم أوصل الدوام أول شي أطلبه يا كرك، يا قهوة .. ؟؟

و أغلب الإماراتيين ما يروومون يعيشو بدون جاهي حليب، و بالذات في الصباح ..؟؟

يا ترى شو السبب و ليش ؟؟

لقطات " برج خليفة " 2011

هاي بعض اللقطات صورتها من بيتنا إن شاء الله تعجبكم .. مال بسرعة بسرعة .. و إن شاء الله تكون سنة سعيده على الجميع ..

يالله خبروونا شو مخططاتكم لسنة 2011 ؟؟