الثلاثاء، 14 سبتمبر، 2010

أكره ال iPAD

هاللي خاطري أسووويه في الآي باااااااااد..


video

على كثر ما كنت أتريااااااه، كرهت اليوم اللي ترييت في هالجهاز، لأنه شي مب طبيعي الصراحة اللي قاعد يستوي وين ما أسير أشووف اليهال شالييين آيباااد، هالجهاز ما أعتقد سوووه حق القيمز أو يكون لعبه حق اليهال، و يوميا أشوف حد من العايلة و طبعا ياهل عنده آيبااااااااد يعني مب مال الأم أو الأبو لا مال اليهال هههه و الله بتخبل ليش العرب جي، بيعقدوووني هههههههههه .. و بالذات الحين عقب ما يمعوا العيديه كل اليهال يبون آيباد و عند كل ياهل آيبااد الحين شي مب طبييييييعييي .. عشاني شو بس الألعاب، أوكي برايه خل عيالنا يستانسوون لكن مب جي ..

أنا كنت أشووف الآيباد شي عوووود ههههههههه، كنت أترياه عشان أنزل الكتب و أقرا منه الجرايد و أسوي أشياااااءاااات فييه لكن بعد اللي شفته و الخقه و الفشره و الناس تشله بس عشان " عندي آيباد " خير يا طير إلا آيبااد وين تبووون ..

و المشكلة الناس تشترييه و ما تعرف شو السالفة البارحة إنصدمت سرت عند عمووه إستغربت 3 من عيالها شاريين آيبااد و ليش 3 من الأساس وااحد يكفي و هم مب كبـــار، أوكي قلنا خذتوا لكن قاصين عليهم ماخذين 32 قيقا بايت ليش ما خذو 16 قالوولي والله ربيع أوبوهم يعرف في هالسوالف و 16 مايسر .؟؟ شو هالرمسه .. و هذيل يهال بينزلوون بس ألعاب ..

و أصلن خطر آيباد يكون عند ياهل ، و ثاني شي هذا كله أشعه، و ثالث شي عيونهم بتتظرر أكثر ههههههه

من جي إسرائيل شكلها منعت الآيباد يدخل أراضيها هههههههههه

و الله ما تعرفووون كيف مقهوووووورة لاعت جبدي من شي إسمه آيــــــــــــبااااااااااااد ما أبا أسمع شي عنه مووووووووول وين ما أسييير أشوووفه عند ياااااااهل ..

هناك 14 تعليقًا:

  1. خلصوا من البي بي ساروا للأي باد ...الدلال الزاايد مشكله ..بنت اخوي تدرين من كثر ما تجابل البي اس بي واللابتوب و الدي اس ضعف نظرها وصايرة تلبس نظارات وهي توها 8 سنين ..حراام عليهم ..قلنا دلعوهم بس مب لهدرجة ...الله يعين ..
    انا ابغي اشتري اي فون ..واحسه شرات الاي باد ...شله اشيل اي باد هالكبره ولو انه حلو !!
    بس تدرين ..شفت الفيديو تدرين شو فكرت ..بغض النظر عن الاي باد ..جان عطاني بدال ما يكسره ..يلست افكر شو ماركة هالخلاط خخخخ صج شلون قدر يخلط الاي باد وانا خلاطنا احطي قطع موز كبيرة وما يتحرك الا بطلعة الرووح هخخخخخخ ^^

    روقي وهدي بالج ...مجتمعنا صاااير سطحي وتافه لآخر درجة للاسف :(

    ردحذف
  2. أنا بعد ههههههههههه بغيت أعرف شو ماركت هالخلاط طحن الآيبااد طحـــان ..

    بس و الله حرام اليهال عندهم آيباد ماقلنا شي يلعبون، لكن احين تحسين مافي شي بس حق الكبار و شي حق الصغار الأموور إختلطت كله عــادي ..
    و إنتي بروحج قلتي حليلها بنت أخوج من لعبه و لعبه و المشكلة لو تلاحظين كل ما زادت هالأشياء اليهال يوم تقووليلهم طلعوا برع لعبوا ما يبوون يتعبوون بسرعة ..

    الآيفون حلو خذيه قبل لا يشتروونه حق اليهال هههههههههه

    ردحذف
  3. لول
    عيّل تقولين باربي وألعاب وما أعرف شنو حق العيد؟
    عبالج الحيا اليهال ينقص عليهم بسرعة؟
    ترى ما يرضون بالرخيص والغالي
    واهتماماتهم كلها الكترونية
    ; )

    ردحذف
  4. ايي والله أنا أعرف وحده من رفيجاتي تبي تشتري لعيالها آي باااد!! من سمعتها جان أهون عنه وما فكرت أشتريه ههههه

    كل اليهال الحين عندهم آي باد.. برا يصنعونه حق رجال الأعمال والناس الكبار.. واهني عندنا نشتريه لليهال! صج ما عندنا سالفه! :))

    الله المستعان

    ردحذف
  5. هههههههههههه اي والله الهيال مدلعيين زيااده على اللزوووم افف

    خخخخ والله حاله احس يعني شيبون اليهال ؟؟

    المهم الله يعين

    ردحذف
  6. اولا اين انتى ياصديقتى من زمان وكل عام وانتم بخير بمناسبة العيد
    ثانيا ماهو هذا الجهاز؟ اعذرينى فانا من جيل ام كلثوم

    ردحذف
  7. هههههههههههههههه

    لووول عيل تعالي جوفي يهال بيتنا

    أيباد وأيبود

    طبعا اللي عمارهم 14 لين 16 سنة
    لووول


    بس تصدقين من كثر ما جفته وياهم مليت منه

    أحس لو أخذ لي أيفون بستفيد منه أكثر

    لانه الأيباد شرا الأيبود الصغير بس اختلاف في الحجم لا غير

    ممل ..

    ردحذف
  8. ماعقب يوم شفت الاي باد مع المصري وهو يصلي التراويح في الحرم شيء

    الصراحه انا كنت مفكره اشتريه بس عشان الكتب الالكترونيه اسهل وااريح

    وبعدين اللي في الفديو ليش يطحنه حرااام
    مايبيه آخذه انا هههههه

    ردحذف
  9. هههههه
    الحين اليهال عندهم آي فون وآي باد وأنا ليلحين ما عندي ولا لااحد فيهم, بس صج الزمن تغير وحتى هاليهال صاروا مع التكنولوجيا .. أقول تهني ب آي بادج وانسي هاليهال ..

    ردحذف
  10. عندي ايبود تج وايفون ومالي حايه فالاي باد!
    احس ماله داعي الا عشان الالعاب واللي يبا يتصفح النت مهما كان نوع التصفح
    حد من هلنا ماطاع يشتري ١٦، قلت له ليش؟ قال لان حجمه صغير
    قلت له تباه للافلام؟ قال لا! قلت له بيسد وزياده! بس من تكلمين؟ لول

    ع العموم تراها (ترند) :) الناس تشتري بشكل عام مب عشان حاجتهم


    بس بيني وبينج الاي باد حلو!

    ردحذف
  11. إذا الكبار كل استخدامهم للآي فون ألعاب وبس!
    أكيد اليهال بيشوفون إن الأجهزة هذي حق اللعب!
    أول شي قلنا ماعليه آي بود مناسب لليهال،
    وبعدين اتطوروا وكل أم تلقينها تعطي ولدها الآي فون مالها عشان يلعب وتفتك من حنته،
    والحين الآي باد صار حق مشروع لكل طفل!
    ههه صج شي يضحك :)

    ردحذف
  12. السلام عليكم
    جي...برايه
    يا حلو هالكلمات تونس
    شكلج مقهورة بضمير بس بصراحة
    وايد خطر على اليهال وبعدين راح
    يخليهم خاملين ويعزلهم إجتماعيا
    ويخطف نشاطهم مرح الطفولة
    أحنا بكل شي نقلد الغرب إلا الزين ياليت يمنعونه عن اليهال مو الكل يعني ما يعطونه الواحد إلا لمن يكون عنده ليسن هههههههههههههه

    موفقة ^_^

    ردحذف
  13. حرام عليج خليهم يستانسون :p

    ردحذف
  14. عزيزتي في المانيا ماياخذ هذي الاجهزة الا بعمر معين

    كنت ابي اشتري لولدي PSP

    وقالي هذي حق 12 سنه :(

    لمارجعت الكويت لقيت كل اللي بعمر ولدي عندهم ايبود مو ايباد ....

    للاسف اضطريت اشتريه له :(


    احنا عندنا استخدام خاطئ للاجهزة عموما

    وشكرا

    ردحذف