الاثنين، 27 سبتمبر 2010

مــالح غورميه

.
.
مالح غورميه؟؟
.
.
كنت هاك اليوم راده البيت و أنا راده شفت " مالح غورميه " و الصراحة تميت أظحك ما توقعت في يوم من الأيام بيبيعوون مالح في مطعم أو محل، أنا أول ما شفت مالح غورميه ما أدري ليش حطيت في بالي هذا يسوي وجبــات مــــــالـــح؟ هههههههههه و ماتوقعت، و كيف إخترعوا الوجبه..
.
و طبعا اللي مب عارفين شو معناة المـــالح من الدول الخليجية أو العربية؟
.
المالح عبارة عن سمج مملح يحطونه في تب، ما أعرف شو يسمون التب باللغة العربية المهم ينحط كم من شهر أو شهر و بعدين ياكلوونه
.
اللي يسويه صالونة و اللي يسويه تحته أو فوقه " المجبوس " المهم اللي يبا يعرف شكل المالح
يدخل هالموقع ..
.
.
المهم بعدين سمعنا إشاعات إنه يبيع موالح و مكسرات ههههههه مستحيل يكووون مالح لين ما حطوا في الجريدة إنه مشرووع إماراتيات يسون مالح، و جاشع أو سحناه و مشاوا ..
.
و اليوم سرت أستكشف المــكان الصــراحة، و طريقتهم واايد مرتبه و ينفع حق سفر، ترا نحنا حتى في السفر ما نستغنى عن الجــاشع ههههه ورانا .. بس طبعا مب أي سفرة ههههه ..
.
ف المهم سرت و إشتريت جاشع اليوم و أنا راده من الدوام و أقول يارب مسويين عيش أبيض في البيت ..
المهم سرت و شفت .. بس إستغربت إنهم طاحنين الجاشع طحــان ما عرفت شو السبب لأنه الجاشع ما ينطح هالكثر شرات الفودر.. فقلت خلني أجربه، بس الصـــراحة حلـــــــــو ما توقعت يكون جي ..
.
وصح الجاشع هو عبارة عن سمج ميبس و مطحون و يظيفوله شوية ملح على توابل أعتقد و في حد مايضيف شي .. و ناكله مع العيش الأبيض ولازم نعصر لوومي على العيش و شي أساسي الدهن ينصب على العيش أو زيت الزيتوون .. و عقب بدوخوون تبوون ترقدوون بس ههههههههههه
.
المهم هني لقيتلكم على النت أشيائهم ...
.
و ماشاء الله عليهن، شقى خطر في بالهن يسون هالشي ماأدري .. و أحس بيربحوون إن شاء الله لأنه السياح يتخبلون على هالسوالف ..
.
بس ياليتهم سووه مطعم، لأنه اللي بيمر ما بيعرف شو ها و خصووصا إذا سايح، و الغلط الثاني إنه اللي داخل حاطينها هنديه ما تعرف تتكلم عربي، بس حليلها وااايد زينه، أحس لو دوروولهم وحده عربيه عارفه ثقافتنا شوي أحسن ..
.
بس الصراحة مشـــروووعهم ممتاز
الله يوفقهم و هاي معلوومات للي يبا يعرف و يجرب
.
.

.







هناك 11 تعليقًا:

  1. عليج بالعافية :)))

    اول مره ادري ان في مطعم متخصص يسوي المالح :))

    ردحذف
  2. بالعافيه يارب..

    حسبالي يسون موالح :)

    ردحذف
  3. ويه اول مره اسمع فيها

    يعطيج العافيه _^

    تعلمنا شي يديد

    وعليج بالعاافيه

    ردحذف
  4. المشروع حلو ومفرح، بصراحه اي شي يسوونه هل لبلاد اشجعه مهما كان غريب المهم انهم يتحركون ويبتكرون..
    الله يوفقهن، ليته شي فالعين!! جان سرنا ناخذ من عندهن!

    قضيت فترة لاباس فيها اختي بتصفح مدونتك وبصراحه استمتعت جدا، كنت منقطعه فترة طويلة عالمدونات واليوم ييت استدرك مافاتني ^^..
    لي زيارة اخرى قريبا ان شاء الله، واقترح عليج اظافة بوكس شات عشان نقدر نسلم عليج يوم ندخل!! ^^

    تحياتي لج

    ردحذف
  5. وااايد أحسن من الكب كيك!
    عسى الله يوفقهم
    :)

    ردحذف
  6. Engineer A

    الله يعافيج ..

    لا هذا مب مطعم، محل يبيع مالح و عاده إنتي سوييه في البيت .. لو سووه مطعم و الله جان زين ..
    ======================================

    روورروو الشخبوطة..

    الله يعافيج .. جفقتي عاد إستوينا شراتج نسوي دعــاياا ههههههههه ..

    ترا أنا بعد عقب قالووولي موالح، عقب طلع هالشي ..

    ================================

    UNIQUE GIRL

    ترا أنا عشان جي يلست أفسر كل شي ههههههه، قلت اللي عندي أغلبهم من دول الخليج أكثر من الإماراتيين ما أدري شو سالفة الإماراتيين مالهم وايد مدوناتت ..
    يبالج إتجربين .. بس ما أتخيل ههههههه أحس ما بيعيبكم ..

    ================================

    AL3enawy A

    يا هلا و الله .. الصراحة المشروووع وايد حلو و فريد من نوعه بعد، بس كنت أقول لو خلووه مطعم بعد الأقل .. جان زين عشان يشتهر أسرع .. بس المهم خطوة حلوة منهم ..

    و يالله زين يوم رديت تقرا المدونات، أحس فترة رمضان كانت صعبة شوي تدخل دوم و عقب العيد .. الحين موسم المدونات هههه .. و إنشووفك دووم إن شاء الله ..
    و الجات دووم أفكر فيه بس ما أدري ليش أتردد أحطه . ==================================

    SEEMA*

    ههههههه هي والله .. الكب كيك إنتشر بطريقة مب طبيعية و كل حد يسوي و بدت الخلطات تتشابه ههههه

    ردحذف
  7. الين الحين سبع عوائل تسمموامن المالح الخايس مالهم في بوظبي تحذروا ياجماعه السحناه مالهم زين المهياوء مقبول بس المالح تحذروا منه

    ردحذف
  8. و الله أول مرة أعرف بهالشي ..؟؟

    ليش ما إشتكيتوا عليهم، أنا الصراحة جربت بس الجاشع شفته زين لكن المالح، ما أداني آكله من أي مكان

    ردحذف
  9. يبيله اذا زرت دبي نذوقه

    اول مرة اسمع فيه :)

    ردحذف
  10. وناسة انا أحب هالسوالف عقبال
    يصدرون لنا وإلا أنا أيي الامارت وأجرب
    فعلا جان زين في مطعم أحنا بالكويت مسوين مطاعم تراثية وماشي سوقهم بصراحة وكله زحمة حتى من الكويتين خبرج البنات مالهم خلق طباخ هههههه
    ليش ما تجربين تسوين لج مشروع ترى يربح

    يا حبذا لو تسوين عندنا فرع بعد مطعم
    ايماراتي اسوي لج الدعاية *_^مع انه مومحتاج

    عليج بستين مليون ألف عافية وهني على قلبج
    *_^

    ردحذف
  11. واااو حبيت الشي وااايد

    خصوصا اني امووت فالسحناه !!


    لازم اروح اخذلي من عندهم

    ردحذف