الخميس، 30 ديسمبر، 2010

رحلتي الأولى إلى الكويت .. " عرس "



الســـــــــــلام علــــــــــيكم، شحــــالكم .. ؟؟


خراااريييف بناااات و حريم يفضل عدم دخول الرجال ههههههه ..


و أخيرا سرت الكويييييييييييييت و اليوم راده من الظهر، طبعا سفرتي كانت ليوم واحد مال بسرعة بسرعة، كنت سايرة أحضر عرس ربيعتي .. !!


والبارحة سرت الكــويـــــــــت .. و كنت طايرة على طيران الإمارات، و يا كثر الهنووود ههههههه، قلت ما شاء الله بنوديهم ويانا الكويت هههههههه، أغلب اللي في الطيارة مهنده .. الله يبارك هههههه ...
المهم وصلنا على الساعة 5 و الحمد الله إجراءات الدخول كانت سريعة، طلعنا بسرعة ما طولنا، من وصلنا الفندق أبوي قال يالله بنسير سوق المباركية، و أنا الصراحة ما كنت متفيجة مووول أسير لأنه ورايه عرس، بعدين قلت يالله خلني أسير إلا يوم واحد خل أشووف الكويت شوي، إلا هي ساعة و سرنا و شفناه، بس والله حلو طلع ينفع حق تصويييير ... !!


المهم أنا بغيت أتكلم عن العرس، لأني مووووووووول ما توقعت أعراس الكويتيييين جي مووول .. أنا قبل لا آي وحده من ربيعاتي قالتلي ترا أعراسهم غير عنا، و قالتلي النظام كيف، بس أنا قلت لا ما أعتقد مستـــــحيل هههههههه .. بس يوم سرت قلت زين إنها قالت و لا جان إنصدمت و تحسبت إني داشة قاعة بالغلط .. !!


إنتو الكويتييييين عارفين نظامكم في العرس هههههه بس بشرح حق الإماراتيــــــــات كيف عرسكم ..


تخيلوا أول ما دخلت ما أعرف وين أسير سألت حرمة أول شي عن الحمام أضبط شعري .. و عيبني هالشي عندهم، نحنا ما عنا هالشي إذا تبين تعقين عباتج حاطين معاليق و فلبينيات يعلقونهن ..


بعدين سرنا للقاعة، القاعة إنصدمت منها، ليش لأنه نحنا في الإمارات ماجد شفت في حياتي عرس جذي حسيتبه عجــــيب عيبني تغيير .. مدرجات و عليهن كراسي .. بقربلكم أكثر شفتو كيف عرض الأزياء المصممين و الناس ييلسون على الأطراف العرس جذي و في النص يرقصــــــون .. و الكوشة ملموومة و صغير و حلوة، عكسنا ..
الشي الثاني تيلسين، و إطالعين عيبني رقصهم هههه و الله حلو حسيتبه هادي، مع إني ما أعرف أرقص، لأنه نحنا نص أعراسنا مافيها رقص، و لو في رقص مب الكل، بس أنا أحب أحضر أعراس العيم عنا لازم يرقصوون عكس العرب عيب و عيب ههههههههه ..


و إستغربت من شي ثالث، صح نحنا خليج واحد، لكن في إختلافات في أمور معينة، و اللي الحين بقوولها..


الشي الأول: - نحنا عنا نعشي المعازيم بعدين تدخل العروووس، و أحين حد بدا يسوي هالحركة تدخل العروس بعدين يعشون، بس الأغلب يتعشون و عقب تطلع العرووس، و عيب إذا طلعوا عنج و ما عشيتيهم و بالذات قبل لا تي العرووس ههههههههه ...
في الكويت شفت العكس .. العروس تدخل و لين ما يدخل المعرس و يطلعون عقب نسير للبوفيه، بس المهم عقب ما تدخل العروس و تقعد يستوي تتعشون .. ههههه ..


الشي الثاني:- عيبتني دخلت الرياااايييل الصراحة العايله كلها ما شاء الله تكون موجودة .. وما أعرف إذا أبو العروس دخل أو لا، بس نحنا عنا أبو العروس مايدخل، ما اعرف إذا هالشي في الإمارات الثانية أو لا، و ليش ما يدخل ما أعرف، أبو المعرس عادي أبو العروس لا..
و صح .. و كم من واحد من هلها رقصوا، بس ما أعرف شو هالرقصة بس كانت وااااااايد حلوة .. مثل اللي كان يركض ما أعرف رقصة سريعة كانت ...
نحنا مجرد ما إنه تسمعين ريال يرقص؟؟ ترا شي وايد غريب، و عنا الريال عيب يرقص، نحنا ما إستوت عنا ريااييل يرقصون في العرس، بس اليولة سوها رقصة الحين هههههه، بس لا تقولولهم إنكم ترقصوون بيفرونكم بالسلاح ههههههه، بس قولوا نبا يووله ههههههه ..
بس صدق أنا يوم شفتهم يرقصووون عيبني الوضع، لكن ما أقدر أتقبل هالشي إماراتي يرقص واايد غلــــط هههههه مب عشان مايعرفوون، لكن عيب عنا الريال يرقص ... خخخخخخ


بس العرس حلو تغغغغييييييير شوي عن نظام أعراسنا، شفت شي يديد ..


و لووو إني ما يلست في الكويت وااايد بس عيبتني، إن شاء الله أردلها حبيتها واااايد ..




و إستويت شرات رووروو الشخبوووطة صورت كل شي في الفندق عيبني ههههه شوي و كنت بصور الفاتوووورة ههههههه .. !! يبالي أنزل بوست عنه نسيت شو إسمه ماريوت يمكن.. المهم الفندق اللي تابع له قاعة الراية ..

هناك 14 تعليقًا:

  1. اسم الفندق: كورت يارد ماريوت - الراية

    ليش ما قلتيلي انج يايه الكويت جان عزمناج

    ما احب الرياييل الي يرقصون بالعروس مو كل الكويتيين جذي

    احنا اهلنا ما يرقصون هلاقه هههههه

    عاد طفارتي لما العايله كلها تدش من الرياييل ويرقصون والله يخربون العرس

    ردحذف
  2. ههههه، ما يلست وايد في الكويت إلا البارحة و رديت الصبح اليوم ..

    هي هو هالفندق .. بالعكس هذيل دخلوا حسيت عدلو العرس، تدرين يمكن لأنه أول مرة و شي يديد و غريب عليه فعشان جي عجبني الوضع ..
    وي إنتو نفسنا هلاقة ههههههه

    ردحذف
  3. اي يمكن لان شي غريب عليج استانستي :)

    ان شاءالله مره ثانيه تعالي الكويت وقوليلي

    وترا رديت عليج ببوست subway

    ردحذف
  4. نورت الكويت فيج > قاطه وجه الاخت ع2
    ايه مو بس الكويت تعالي عندنا للسعوديه :p



    حنا بعد عندنا الزفه بعدين العشاء
    احس هذا الاحسن لأن الناس ب العرس جايه تتعشا خخخخخ
    ف لو عشيناهم قبل الزفه ممكن يتعشون ويطلعون !
    مدري كذا احس لآ تآخذين خخخ

    امممم
    احس عادي ان الرجال يرقصون بس حتى حنا ما يرقصون
    بس عرضه
    و حنا بمنطقتنا ما عندنا رجاجيل يدخلون عند الحريم
    الا القليل يعني


    بس جد جد حلوه حركة القاعه انو مثل عرض الازياء و مدرجات كمان ! حلو جدأ جدا جدا ماشاء الله

    اهم شي انبسطتي ب العرس
    يلا عقبال ما تردها لك خويتك وتحظر عرسك :D

    ردحذف
  5. اتحبك العافيه .. نورتي الكويت وان شاء الله تزورينا
    مرة ثانيه

    ردحذف
  6. عاوديها خنشوفج ;*
    وبالمبارك حق ربيعتج!

    ردحذف
  7. ياااااااااااه رحتي الكويت وما خبرتيني ..جان ازعل خخخ
    احس عادي رياييل يرقصون بس مب في قاعة الحريم بروحهم ..مافينا وحده من الحريم تحط عينها على ريلي خخخخ

    همممم ام العروس تطلع مبجرة خلي العشا مع خلتها مو اطلع 12 ..نموت يووع خخ

    اما من ناحية دخول العايلة هذا يعتمد منو يبي يدخل مو دايما الاهل يحبون يدخلون
    بالسلامة :)

    ردحذف
  8. وي وي وي تين وماتقولين وشدعوه يوم ..

    عموما حياكم الله ونورت الكويت ..

    وبالمبارك لرفيجتج والفال لج يارب ..

    وترا العادات تختلف من عايله لي ال2 ..

    وهذي صور قاعات عرس للتوضيح..
    http://www.nua3m.net/vb/showthread.php?t=31833
    http://forum.toleen.com/t145578.html

    خخخ احب اوثق زكريات وتدرين مو بس انتي تقولين ان كل صور لكل الحين يقولي خخ..

    وناطرين الصور :)

    ردحذف
  9. والله نورت الكويت فيج وباهل الامارات واهل الخليج والله
    وياريت تقولينا اذا ييتي مره ثانيه الكويت
    وثانكيو وايد

    ردحذف
  10. شاي الضحى

    إن شاء الله بخبرج، و تراني دورت الخبزة مالقيتها ههه .. لو أدري جان كلتها في الكويت
    --------------------------------------

    كله واحد
    شو يعني ع2 مافهمت ؟؟
    إنتو بعد زفة و عقب عشا، تعرفين المشكلة يوم تعشينهم و تدخل العروس مجرد ما |إنهم شافووها طلعوا، حتى ما يتريونها تيلس موول ههههه ..
    بس عاده نحن لو سوينا هالحركة بنكون حديث الساعة في الإمارات ههههههه .. شكلي بجربها في عرسي أبا أشتهر بسرعة ههههههه ..

    و الحمد الله واايد إستانست حسيت شي يديييد ..

    و عقبال ما نحضر عرسج ..
    ------------------------------------

    lazy dazy

    الله يعافيج حبيبتي، منورج بوجودكم و طيبتكم حبيبتي ..
    إن شاء الله ارد الزيارة ..

    --------------------------

    seema*
    إن شاء الله نعاودها، و الله يبارك فيج ..
    -----------------------------

    رورو الشخبوطة

    ييتي كانت يوم واااحد، و حتى ويا ربعي ما طلعت موول شفتهم بس في العرس..
    ترا قالت شاي الضحى، وضحتلي هالشي ..

    والصوورة زين نزلتيها عشان توضح لهم..

    ههههههه أقلج والله كل شي صورته، حتى إذكرتج ..

    candy cotton

    إنتي شكلج كنتي في العرس هههههههه
    إن شاء الله ..
    العـــفوو ..

    ردحذف
  11. أم حروبي

    توني أنتبه إنج راده سووووري ..
    أنا ريلي بهزبه إذا رقص ههههه، هي صح الحين ليش يطلعون منهم العروس الساعة 12؟؟ أحس تعب و ثاني شي تيوعين هههه، و ثالث شي تحسين لين ما تيلس إستوت 1 ..

    عقبال ما إنشووفج عرووس ..

    ردحذف
  12. ههههههه احس جيه من البوست مشاعر من الفرحه والصدمه والحماس
    وناسه والله :)
    ودي اسير الكويت والله فخاطري!
    بسير بس الافنيوز مال شاي الضحى ورور الشخبوطه هههههه
    بس بسير اكل وبرد هههههههه

    يالله عسى الله يبارك لربيعتج فها العرس :)

    ردحذف
  13. حلووووو بوستج

    انا خاااطري اسير الكويت و عيالي يحنون يبون الكويت بس ان شاء الله هالسنه احقق هالامنيه

    عن الاعراس

    عن الرقص اظن لو حظرتي اعراسنا بتكرهين الاعراس كلها لو لاسمح الله بالغلط طلعت اغنية وصفقتي خلاص قطعوج فلانه بنت فلان صفقت شوي وترقص ماشي عرس عالصامت

    بخصوص انه العشا بعد دخول العروس هالشي وااااايد زين ارتب واحسن مب تيلس تترياهم لين يخلصون

    وعن سالفة ابو العروس ما يدخل ،،، في بوظبي عادي ابو العروس يحضر العرس بس عندنا نحن منقود يحضر ياويلتي ولتاااااه زين ما يهاجر من البلاد وقت عرس بنته ،،،

    وعن سوق المباركيه اظن بيكتبون ممنوع دخول الاماراتيين هههههههه محد سار الكويت ما مر عليه وما صوره شكله وايد حلو

    وبليز نزلي الصور خلينا نشوف

    بوستج رهيب

    ردحذف
  14. نورت كويتنا هذاك اليوم!
    هالمرة لازم عالأقل يبيلج اسبوع.. ألف مبروك للي تزوجت:*

    ردحذف