الثلاثاء، 24 مايو 2011

الخيبة



ما أحب هالكلمة أبدا و توابعها 

الخيبة ..
و العثرة ..
ول عليج ..

أبا أعرف هالكلمات ليش موجوده عنا في قاموسنا الإماراتي، و يتم تداولها وااايد .. 

ما أداني يوم أرمس وحدة و أقولها مثلا نشيت اليوم الساعة 6 تقولي الخيبة شو يوعيج هالوقت، شو كالفنج ؟؟ 

و الله أنا هاي حياتي أنش متى ما أبا و المشكلة أحس هالكلمة تكسر الواحد أقوى حتى من العين ههههههه كل ما قلنا شي قالوا الخيبة و العثرة .. !! 

أنا ما أقولكم ما أقول هالكلمات، طبعا " ول عليج " ما أقولها و لا إطيح لساني لكن أقول ساعات الخيبة  والعثرة بس في حالات معينة، يعني مثلا وحده يت و دعمتني لا إرداي بقول و الخيبة .. 

أذكر مرة وحده مرة قالتنا و الخيبة عقب ما ردينا من العمرة و كنا بنسير الشرقية عقبه بكم من يوم جان تقولنا و الخيبة توكم يايين شو يوديكم و تخيلوا تكنسلت الرحلة هههههههههههه .. 

أنا أصلا طبعي أزيغ من أي حد يقولي كل شوي الخيبة و الخيبة .. 

و الله لاعت جبدي يوم ناكل قالولنا الخيبة تسرطون و تظعفوون ههههه
و يوم نلعب رياضة قالوا و العثرة ما تتعبون ههههههه
و يوم نرقد من وقت قالوا الخيبة دياااايه شو يرقدج ما عندج شغل هههههه 

أبا أعرف شو يرظيهم هالناس .. 
و هالكلمة العلة على قلبي .. 







أفففففف أكره هالكلمة 

هناك 19 تعليقًا:

  1. هههه
    أي والله من عذركي أختي

    وكلنا والله ما نحب مثل هالكلام
    والله يعيننا على بعض الناس وعلى كلامهم اللي يلوع الجبد....... اتمنى أني نطقتها صح.


    موفقة أختي.

    ردحذف
  2. إرضاء الناس غاية لا تدرك وإلا نسيتي؟
    ;p
    بكل الحالات سويتي خير أو شر الناس بتتكلم.. دايمًا خلج راضية عن نفسج وخليهم يقولون اللي يقولون.
    أعرف ليش تزعجج الكلمة, لان مسمعها جنها دعوة!
    ما أرضى أحد يدعي علي.. ما سويت لهم شي! :\

    أذكر مرة وحدة كانت متفاجأة من شي سويته وطلعت من قلبها: مصيـــــــــــــــــــــــبة!
    رديت عليها: ذكري الله!
    درت علي: ليش اذكر الله.. شمعنى انتي عندج واحنا لا؟

    لا حول ولا قوة إلا بالله

    ردحذف
  3. هههههه صدقج انا بعد اكرها بس المشكله تعودو عليها العالم انا الحمدلله ماقولها بس "الخيبة" تطلع مني بالغلط احيانا بس البقية مومتعوده اسمعها اصلا الخيبة اكثرها شهرة بس على قولتج تكسر مياديف الواحد ...

    بس هيج عينها قويه جان ما تسيرون خخخخ

    قولي بويههم الله اكبر عليكم ><

    ردحذف
  4. خخخخ تنحت اول شي ماعرفت معاني لكلمات الا لما قريت لموضوع ..

    احنا نستخدم مفردات 2 مثل مصيبه وهم نقول ول خخ..

    انتي اذا هالشي ينرفزج زفيهم خل يتعدلون مو حسج يلعلع عليهم اقصد تصرخين لا كلميهم باسلوب جاف جود (لعل وعسى ) يتعدلون وارقي نفسج والله يحفظج..

    اللي يبط الجبد والبنكرياس والمصارين يطلعونج ع شغلات سخيفه عندهم احسن منها :\

    ع قولتهم يحسدون الفقير ع موتت اليمعه :(

    ردحذف
  5. خخخخ
    خيبه
    خخخخخ
    نحاسه موووو

    ردحذف
  6. وازينكم وازين كلامكم والله
    ماتصدقين شلون اقرا البوست وانا مستانسه واتخيل
    الحجي جدامي:)
    :****


    اممم اي اتوقع هالكلمة تضايق واعتقد مرادفها عندنا
    مصيبه وشدعوه ..
    يعني شدعوة قاعدة من الساعه ست!!
    ومصيبه بتسافر باجر...
    اما ول عليج فهي متداولة
    وانا عننفسي ماحب استخدم هالكلمات
    احسها مؤذيه وبالعكس اتضايق الي جدامي
    اصلا الواحد مرات يخاف يقول كلام حلو ويصير شي بالي جدامه يقولون من عينه
    هالدور اقول كلام ..شرير:)))


    حبيبتي انتي لاتضيقين خلقج والي يقولج كلام خيبه قولي له اذكر الله والا خيبه تلزق فيك ههههه
    يامسى الورد:***

    ردحذف
  7. والخيبببة من زماان ما طبيت مدونتج <<<< عسب أحسد عمري و أحدر 24 سآعه لوووول


    و أنا بعد ما أحب الكلمة على كثر ما كنت أقولها و أنا صغيرة ، بس كنت أقولها عن حسن نية ,,, لوووول

    أانا حتى ما يعييبني اللي يمدح شغلة بدون ما يذكر الله ،
    الله يعيينج ع قوم " خيبة " " و العثرة " و " ول " و يبعدهم عنج و عن المسلمين أجمعييين ...



    BTW
    اشتقت لج و لمدونتج وسوالفج :)

    ردحذف
  8. اكره هالكلمه بعد وتقهرني
    يعني بدال ما يذكرون الله يقولون خيبه ولا والعثره!
    ليش ان شالله! انتو ما تقدرون كيفكم اذكروا الله!

    مالومج :(

    ردحذف
  9. هالبوست يكأبني ههههههه حتى مارووم أرد على حد .. !!

    ردحذف
  10. هههههه عيبني الموضوع شانيل

    انا عاده تخصص كلمه قفعه وايد احسها لو كلاس بس خلاص ظريت عليها بس اللي يقهرني سالفة يوم ترقدين من وقت وتنشين من وقت الشعب الاماراتي كله ينتقد هالشي الظاهر انا فالعايله كلهم يعرفون اني ارقد من وقت وانش من وقت والكل ناقد على هالشي الغير مقبول اجتماعيا وعرفيا لا في نظرهم لازم اسهر لين ويه الفير وعقب انش عالظهر عسب اكون مواطنه صالحه ما ادري شو هالشعب اللي يحب يعذب عمره

    ردحذف
  11. المشكلة أنها صارت عادة لا أكثر، رغم أنها مصطلحات سلبية جدا، و دعوة بالهلاك للأخر لكن البعض يستسهلها ويرددها على الدوام حتى قدام الأطفال......

    ردحذف
  12. والله انا سعيدة كثير بزيارتي لمدونتك بعد غياب ، سامحيني بس المشكلة في لوحة التحكم مابتظهرش المدونات التي بتابعها .. علشان هيك باتوه وانا جاية رايحة ..

    :::

    ربنا يبعد عنك الشر ، بصراحة انا مش كثير بافهم اللهجة الخليجية للاسف ، والكلمات التي ذكرتيها صعبة شوية عليا .. عموما سعيدة اني كنت هنا .. دمت بخير .

    ردحذف
  13. الله يخليكى .... ربنا يكرمك .... وحياة الغالى عندك
    استحلفك بالله ..... اكتبى عربى !!!!
    انا فعلا باستفيد كتير مما اقراه هنا .... لكن الكتابة باللهجات المحلية يحصر الموضوع فى اهل البلد فقط .... طب مانا ممكن اكتب بالعامية المصرية وتبقى تقابلينى لو فهمتى حاجة !!!!!
    ههههههههههههههه اتمنى لك الخير دائما وتحياتى
    برغم انى مفهمتش حاجة ..... انتظر الترجمة

    ردحذف
  14. يا حلاتكم يا أهل الإمارات و يا حلات حجيكم يهبل لووووول


    و الله يا الغالية صدقتي هالكلمات تقث و تحرق الدم و في ناس تقولها بدم بارد ...

    وما يهمهم تأثيرها على الآخرين ..

    الله يحفظج من كل شر يارب

    استمتعت بلهجة الإماراتيه حبوبه :**

    تحياتي

    ردحذف
  15. يً حبيً لكمً

    اول شيً السلام عليكمً ان شاء الله اني متابعه جديده لكً

    اهنيك على مدونتكً

    شكلك من النوع الوسواسيً تخافي من العين كثير

    بسً صدقيني انتي بس لاتعطي هذي الكلمات اي اهتمام

    عشان لاتاثر عليكيً

    والله يوفقكً يً رب

    ردحذف
  16. 5 دقايق و برد عليكم ..

    ردحذف
  17. mrs.purple

    إنتي وينج من زمان، و ما أعرف ليش ما أقدر أدخل مدونتج .. !!

    و صح كلامج، وبالذات لو كنت تنشين من وقت .. يشهقون شي غريب .. أتنرفز من هالشي .. ما أعرف لازم نرقد متأخر و إنش متأخر ..هههه بس ما عليه من حد ..
    هههه حلوه هاي " شو هالشعب اللي يحب يعذب عمره "

    ------------------

    إبداعات قلم

    صح كلامج، و إستوت متوارثه و الكل يقوولها .. الله يعين
    وشكرا
    -----------------------

    وجع البنفسج

    أهلا وسهلا، خلاص الحين في خاصيه جديدة، إني حترجم مصري بعد كل الكلام اللي بقووله هههه .. بس زيارتج هاي أسعدتني أكثر ..

    --------------------

    يوميات مضيف طيران

    البوست ده صعب يترجم معرفش كيف أترجمه، لكن عشان خاطرك نزلت بوست، إني لازم أترجم المواضيع إذا كانت باللهجة الإماراتية هههه إلى المصري ..
    ----------------------

    الجودي

    إن شاء الله دوم تستمتعين برمستنا ههههه، و هالكلمات الا ما تحرق إلا تذبح .. بدال مايعطونج بإبتسامه و يقولوون ماشاء الله، العيون تنطر و سيده يقولونها " الخيبة "

    ما أدري شو سالفتهم ..

    ---------

    يوتي

    الصراحة ما كنت وسواسيه، لكن يوم يصيبج شي تخافين و الناس ماتقول لا إله إلا الله على طوول تتشائم .. !!

    من جي و الصراحة الحين إستويت أخاف .. و أنا أسوي طاف الصراحة الحين .. عشان ما أتعب و أوسوس بعدين و أتحسب كل شي عين ..

    و شكرا حبيبتي نورتي البوست

    ردحذف
  18. رووروو الشخبوطة

    كنت كاتبتلج أحلى رد .. لكن ما كنت أدري إنه النت فصل و إمتسح كل شي ..

    المهم ماروم أكتب لكن بنكتب عشانج هههههه، بعدين بنزل بوست أحس بيعيبج ما أدري جان تعرفين هالأويل إسمه bio oil .. أنا ليش مدخله هالسالفة ..

    المهم أحين ما خبرتج شو أسوي ... " أسكت و لا أبطل ثميه و لا أرمس " إلا إذا سألوني رمست .. أو إني أيلس و أقول نشيت الساعة الفلانيه و سرت ما أعرف وين .. لا مب حق أي حد ..

    إستويت ما أستحي إذا حد قالي الخيبه أقول وحده من هالكلمات " قل أعوذ برب الفلق " أو " سيده أقولها قولي ما شاء الله " أو " الله أكبر " أنا أعرف إنهم مايقصدون بس لازم يعرفون إنه هالكلمة ما نستخدمها دووم .. !!
    و شو رايج بأحلى رد المهم راضيه عنا هههههه

    ردحذف
  19. السلام عليكم...
    انا مثلج أكره المسبات
    والدعاوي اللي الناس تقولها
    بالسليقة وحكم العادة
    وأسوي حملات لتصديها
    لكن الناس مشكاهم على الله
    وإذا على رضاهم كما قال
    الحكماء فهي "غاية لا تدرك"

    ردحذف