السبت، 7 مايو 2011

أبا " SHAKE SHACK "



نص الليل و مشتهيه آكــــــــــل شيك شاك و ما أبا آكله .. 

أحلى برجر كلته في حــــــــــياتي .. و توه يديد مفتوح يمكن الحين كمل شهر مفتوح في إمارات موول .. 

بس شو لذيــــــــــــذ لو أمدحلكم إياه من اليوم لين باجر ما بخلص ههههههه .. 
بحطلكم صور بالضبط نفس اللي يسونه هني .. و هم عندهم أونواع برجر بس الأغلبية يطلب شيك برجر ..  أنا مصورة من التلفون بس مضيعه الواير ف مدوره صور نفس اللي موجود عنا في دبي 



أهم شي إنك تطلب و تسير تيلس لين ما يهتز الجهاز .. و الله أريح و الزحمة تخف، بس على هذا كله وااايد زحمه عليه .. 




ما أعرف ليش عيبتني صينيتهم ههههه، أحسبها صغيرة و خفيفه و حلوة، و شفتو كيف البرجر بالضبط نفس الشي..



أنا ما أحب، آكل لحم من برع، أصلا ما أدانيه لكن هذا لذيـــــــــــذ خبزتهم غير، هم يسوونها، الجبن غير اللحم غير، طري لذيذ يذوب في الحلج السندويش بكبره لذيــــــــــــــذ ..  و لو أقولكم وااحد ما يشبع ما بتصدقووني، أنا أول مرة كلته، و لد خالي قالنا واحد تراه ما يشبع، و صدق عقب ما كلته بغيت واحد ثاني .. و مرة أنا و بنت خالو خلصنا من النادي سرنا كل وحده فينا طلبت 2 .. ما بغينا وجبة بس نبا البرجر، كلت الفرايز ما عيبني واايد، و الفرايز مالهم عليه جبن، .. بس البرجر و الله لا يقاوم، حد بتشوفونه ياكل 3 من كثر ما هوو لذيذ، و ما بتصدقووني لين ما تجربووونه و تاكلوونه .. 



و الفرايز مالهم جي شكله، ذكرني ب مال أو، بس حد عيبه، لكن أنا حسيتبه عادي ..




و الله يخلي الشايع دوم يفتح أشياء حلوة عنا ههههههه

هناك 22 تعليقًا:

  1. بالعافيه

    اي ما شاءالله على الشايع عسى ما نشوف شي بره الكويت عقب جم شهر الا موجود عندنه

    احنا ليلحين ما فتح بس بيفتح قريبا اتوقع بيصير وااااايد زحمه عليه هههههه كالعاده

    عليكم بالعافيه :)

    ردحذف
  2. انتي مجرمة مجرمة مجرمه ..

    اهي اهي ..

    شوقتيني عليها ..

    وبالعافيه يارب..

    هالبلوق اريح بالرد من ال2 لانه في خاصية يردون غيرمعرف وال2 لسم وعنوان url انا ماقدر اعلق لانه مايسجل دخول الا نادر فاستخدم لخيار ال2 ..

    ومرسي :)

    ردحذف
  3. هههههههههههههه عليج بالعافيه انا بعد ما حب برجر الللحم بس الظاهر بجرب هذا ^^

    ردحذف
  4. شاي الضحى
    هي و الله ماشاء الله عليه .. هي أكيد بيفتح في الكويت، نحنا عليه واااايد زحمة .. بس صدق يستاهل الواحد ياكله ..

    --------------------

    رورو الشخبوطة

    هههههههههه و الله يا رورو يوم بتاكلينه بتذكرين كلامي ما يشبع، و شكلج بتسوين بوست كامل عنه هههههه نفسي

    أما عن البلوق الثاني أحس مادري فيه مشاكل في الرد مب بس إنتي كذا حد قالي بعد .. لازم أتصرف و أعدل ..
    ---------------------

    أم حروبي
    هلا و الله فيج الله يعافيج يارب، و جربييييييييييه حلو والله، أنا لحم ما أكل لكن هذا بتاكلين و إنتي مغمضة عينج

    ردحذف
  5. اامبييييه يشووووووووووووق

    ابيييييي :(

    عليييج بألف عاافيه حبووو

    ردحذف
  6. مساء الغاردينيا
    اممممم
    يمي يمي
    صراحة مرة جعت وشهيتني رغم اني ماحب همبرجر اللحم بس وعد لما أجي الامارات راح اجرب اكله :)
    وبدعيلك من قلبي بس هاه ياويلك لو ماعجبني هههههههههه
    بـ الف عافية على قلبك
    reemaas

    ردحذف
  7. بصراحه هذا البوست يخلي القارئ يشد على بطنه من الجوع

    جوعتينا وشهيتينا ^^

    يااموره الحين شلون تحاربين السمنه والفاست فود في مدونه
    وبالمدونه الاخرى تسوين اعلانات ودعايات للنشويات والكربوهيدرات والدهنيات^^

    ردحذف
  8. موضوع خفيف وسريع

    الله يوفقكِ أختي.

    ردحذف
  9. السلام عليكم...
    بالعافية على قلبج
    خرب الرجيم عيل ههههههه
    اهم شي ورا النادي ما عليه مكافأة *_^

    موفقة ^_^

    ردحذف
  10. هلا ,,هي والله انا كل يوم اكله وما مليت منه بصراحه خبال

    ردحذف
  11. شكله لذيييذ> عاد أنا مو متغدية اليوم.. بعد شنسوي ما فتحولنا فرع بالكويت
    ماكو إلا تتنقصين لي نقصة وتزورينا بالمرة :)

    ردحذف
  12. الأكل حدّه يشوق ،
    وحالياً حدي ميتة من اليوع =/
    -
    بالعافية على قلبج =)

    ردحذف
  13. امبي شكله عجيييييييييييب

    ومع تعليقاتج ودي الحين اجربه


    بالعافية على قلبج :)

    ردحذف
  14. unique girl

    الله يعافيج يارب ..

    ------------------

    ريماس

    هههههههههه لا صدقيني بتحبينه واااايد لذيــــــذ إنتي بس تعالي و بعزمج عليه ..

    ----------------------

    crazy in freedom

    هههههههه لا عادي هذا كسر يوم وااحد مافيها شي .. و هذا مجرد ما تشوووفينه تنسين شي إسمه رجيم ..

    ---------------------------------

    سعد الحربري

    شكرا
    --------------------------------

    الجودي
    الله يعافيج
    --------------------
    خاتون

    هي و الله أهم شي إني كنت حارقة و سرت كلت على الأقل ما أحس بتأنيب الضمير .. هذا أهم شي بس الحين قلت ما باكله، أبا اجرب أكون نباتيه لمدة إسبوع ..

    -----------------------

    غير معروف

    والله ودي آكله بس مابااا آكله .. مافيه أنتفخ آخر شي ..

    ---------------------

    صفحات ملطخة بحروفي

    هي لذيذ لازم تجربينه في يوم من الأيام ..

    الله يعافيج يارب

    ----------------------

    hadeelq8

    الله يعافيج يااااااااارب

    ردحذف
  15. عوافي على قلبج يوعتينا

    ردحذف
  16. بصراحه الشكل يقول انه لذيذ ...
    ان شاء الله بنجربه ...

    ردحذف
  17. صحة وهناااااااااا
    http://www.4exvision.com

    ردحذف
  18. اممممممممم
    شو كتير حلو
    http://www.un4web.com

    ردحذف
  19. شكله فعلا يشهي، و الجبن الذايب عذاااب

    ردحذف
  20. تطبيقات طلب الديلفري عالهاتف رائعة جدا تسهل الحياة و ايضا بالنسبة لتطبيق binaryuno لشركة www.binaryuno.com , هو تطبيق معني يالتداول الثنائي انا اقوم بالتداول و جني الارباح من خلاله

    ردحذف