الجمعة، 22 يوليو، 2011

جزيرة صــير بني ياس " الجزء الأول "



السلام عليكم .. 


من زمــــــان ما دخلت البلوق، تولهت عليه و عليكم، وايد إنشغلت الفترة الأخيرة، و البركة في إتصالات مادري شو مهببين و النت ما كان يشتغل إسبوع تقريبا .. حتى ما أدخل إلا من الشغل شويه ..  و أحس صدق تعودت بدون نت واايد أشياء أسويييها  .. 


المهم بخبركم أنا وين الحينه، أنا في جزيرة صير بني ياس .. و البارحة واصلين وبنزللكم الصور الحين، و الصراحة هالجزيرة اللي يبا يسوي ريلاكس و يريح نفسيا إيييها و اللي يحب المغامرات إييها بعد، فيها رحلات جوية، و فيها سفاري إن شاء الله باجر الساعة 6 الصبح بنسير سفاري، و فيها اللي يحب السياكل على اليبال و فيها أنشطة وايدة..




أول شي موقع هالجزيرة .. 






هالجزيرة تابعة لإمارة أبوظبي،  و هي الجزيرة الكبيرة اللي في النص بين جزيرة دلما و ما أعرف شو إسم الثانية..



و الرحلة تستغرق تقريبا قبل لا نوصل المركب أو العبارة بين 3 ساعات و نص إلى 4 ساعات .. و من المركب إلى الجزيرة تستغرق تقريبا 20 إلى 30 دقيقة .. 

و الحين برااويكم الصــور ..





إلى جزيرة صير بني يــاس


من داخل المركب















و هذا المركب يتحرك كل ساعة و أعتقد يبدأ يتحرك من الساعة 12 لين 6 أو 5 .. 



و الحمد الله وصلنا الجزيرة بالسلامة .. 








أنا من شفت هالافتة قلت خلاص نحنا داخلين الفندق لكن إنصدمت إنه بعده المشوار ما خلص هههه .. و أنا ما توقعت إنه هالجزيرة كبــــــــــيرة هالقد .. توقعتها نتفه و صغيرة و طلعت كبيرة .. ما شاء الله ..







أهم شي إنه الباص كان برع يتريا، لأنه صدق موول ما كان لي بارظ أتريا أكثر بس أبا أوصل الفندق و أنسدح .. 



و أخيرا وصلنا الفندق .. 





أهم  شي سيااايير السفــــــــــــــاري 





الإستقبال، و إٍستقبالهم كان حلو، و أنا الغبية اتحسب فود حاااارة ههههه ما أدري إنه فود باردة .. أتبرد شوي عقب الحر .. 





و الأهم عصير الكركديــــــــــة لذيذ .. أنا شربت 2 ههههه .. و قلت كل ما أدخل الفندق بشربلي كوووب .. 


شوفوا خلصت واحد هاكو الثاني يالسه أشربه ههههههههه، و الله يروي عقب الحر و الرطووبة .. و الرحلة الطويلة .. 


الحجرة 



ما أدري ليش كل ما أشوف هالبنكة أتذكر سب وي 


هذا أهم جزء عندي ههههههه







لعـــشــــــــاق الحمـــامـــات ههههههه 






بـــلكوووونة الغرفة .. أحس لو حر لكن الأجواء تخليكم تيلسووون برع .. 






و ممكن تأجروون فلل، كنا هني سايرين فلة عمتيه .. 


بس ما وحالي أصور الفيلة بس حلوة، و الحلو فيها، إنه فيها حوي" حوش " و حوض سباحة .. 



و الحين بحطلكم مقتطفات من الجزيرة ..












بس تعبت و أنا أنزل الصور إن شاء الله باجر بكمل و بحطلكم صـــــــــور السفـــاري أشوفكم على خير إن شاء الله ..

هناك 6 تعليقات:

  1. وناسه شي يديد بتابع باجي التقرير واذا ياز لي بقلدج :)

    والبنكه يمكن لانه صغيره من جذي تذكرج فيه , انا احس جنها ذبانه :\

    ورحله ممتعه يارب..

    ولهنا عليج :*

    ردحذف
  2. مساء الغاردينيا
    والف الحمدالله على سلامتك
    صراحة تجنن ومناظر تهبل
    ويارب ازورها قريب
    مرة روعة ..يارب اجازة سعيدة
    وننتظر الصور الباقية :) "
    ؛؛
    ؛
    لروحك عبق الغاردينيا
    reemaas

    ردحذف
  3. الله يجنن المكان ... جد جد خاطري اسير
    بس هم الحينه يا مال الخير! ... فالشتا هههههه
    احس الحين حر موت :)

    نتريا بقيه التقرير ... وكله منج الحين ابا كركديييييييييه

    ردحذف
  4. رووروو الشخبوطة

    لالا بالعكس كبيرة البنكة بس في الصورة تبين صغيرة ..

    و الحمد الله الرحلة حلوة إستمتعت فيها ..

    ---------------------

    ريماس

    مساء النور .. الله يسلمج

    إن شاء الله يارب، و زووريها و هي حلاتها مع عوايل، تحسين الوقت طوووويل ما يخلص مووول .. !! و ما يمر ..
    بس صدق مريحة هالجزيرة ..

    -----------------------

    lil.D

    حلوة يبالج تزووورينها و فيها وايد أنشطة ..

    و أحس إنها في الشتا وااايد أحلى من الحين ..

    الحين صح حر لكن حرهم زين عادي تطلعين و تيلسين برع مع إنه العصر رطووووبة واايد تردين الفندق و إنتي خرسانة لكن أحس في دبي مارووم أيلس برع هني عادددددي تيلسين حرهم غير ...

    و عن الكركديه و الله ذليتهم من كثر ما أقوولهم أبا هههههه

    ردحذف
  5. تقرير واااااااااااايد حلو

    والله يهنيكم

    أممممم

    أعجبتني هذه الصورة مررررة
    http://1.bp.blogspot.com/-DSUzyVce-Ps/TilGLg-vTQI/AAAAAAAAAmw/UL-_WrMX0hw/s1600/DSC_0047.jpg

    موفقة أختي

    ردحذف
  6. زوايا العدسة احترافية ،،
    و الصور مشوقة ،،
    بانتظاااار المزيد !!

    ردحذف