يعني ما أعرف من وين أبدأ، لكن هاللي إستوى و الله يستر إذا إستوى بيكون في قمة المصخرة و المشكلة اللي يبغي يسوي ثورة في الإمارات ضد الفساد أونه والمشكلة إنه من دولة عربية، و فتح صفحة على الفيس بوك يحرض على الثورة ضد شيوخنا .. !!
والله ما يستحون، توقعت الهنود يسووون شي، لكن وحليلهم الربع طلعوا محد شراتهم ساكتين و يشتغلون و عايشين و المشكلة شخص من دولة عربية يحرض، أعرف إنه ما يمثل العرب أبدا ..
لكن إنته شوووووو يخصك .. والله إني مقهورة قهر منه..
شو تبا نحنا مرتاحين و يا حكومتنا و شيوخنا معيشينا أحسن عيشة، و عايشين في نعمة، صح عندنا فقرا لكن ما أقارنهم بفقراء الوطن العربي أو بعض الدول الخليجية لأنهم عايـــشين ...
الشيوخ عاطينا اللي نباه اللهم لك الحمد، و ما نشوف نهب أو سرقة و كله إنشوفه .. و أكبر دليل الإمارات يوم عن يوم قاعده تطور بشكل يومي، حتى دبي يوم طاحت في الأزمة كانت تحاول تطلع بأي طريقة من الطرق و ما تخلي هالشي يوقف في ويها ..
و ثاني شي شيوخنا و الله متواضعين بزيادة، و ين ما تسير تشوفهم و عادي تكلمهم، و مب محوطينهم بجنود أو بدي قارد، يمرون عدال الناس حالهم من حالنا..
و الحكام قد ما يقدرون يحاولون يوصلون للشعب ..
مثلا بحكم معيشتي في دبي محمد بن راشد واايدين يتهمونه على أساس إنه يطلع عمره في التلفزيون و لو يبغي يقدر الخير يقدمه بالخفاء ..
و محمد بن راشد دوم تشوفه في سيارته يحوط و يشوف دبي، و مرة فريج عطاهم كلهم سياااايير و يدخل على بيوت يسأل شو محتاجين..
و دوم على البحر محمد بن راشد، و اللي يشوفه يطلب من عنده و يعطيه على طوووول ..
هل حكام مثل هاذيل تعتقدون إنه الواحد يسوي ضدهم ثورة ؟؟؟
و أزيدكم بعد الإمارات يمكن تعتبر من الدول العربية الوحيدة اللي تعامل الوافد او الأجنبي حاله من حال المواطن تقريبا و أعتقد الزوار و السياح و حتى المقيمين من الدول الثانية لاحظوا هالشي .. و له حقوقه و إحترامه و إذا المواطن تعادى على حقووق المقيم ترى في قانون يحاكم هذا المواطن، يعني الكل عايش بأمن و راحة و سلام ..
قبل الوافدين تشوفهم في أمريكا، فرنسا، ماليزيا .. الحين اللي يبا يحقق الثروة بس يوصل للإمارات و يكد كد و يعيش أحلى عيشة ..
لكن بعد هذا كله يطلع واحد و ياليته من الشعب من دولة عربية يبغي ثورة ضد الحكومة .. ؟؟
هاي بلاااااااادناااااااااا و عايبينا حكامنا و اللي هب عايبنه يطلع في ألف دولة تباااااه، شو ميلسنك عنا .. إطلع ..
و الله قهر يطلع واحد ما أعرف من وين يبا يسوي ثورة
الله يعز بلادنا و يقويها ياااااااااااااااااارب، و ينصرهم إن شاء الله ..