الخميس، 1 يوليو 2010

إختــفاء مفاجئ.. !!

السلام عليكم ..
إسمحــولي هالفترة ما بدخل وايد على النت، لأنه لازم أخفف إستخدام الابتوب .. و المشكلة حتى القرايه لازم أخففها، بسبب آلام الرقبة..
.
و اللي متعبني أكثر انه لازم تقريبا في اليوم أسوي 3 مــرات مساج للرقبة و الكتف و مرتين فوده دافيه على الكتف و الرقبة و بعدها أحط فولترين .. !! و الله عباله
.
بس طبعا أنا بدخل لكن ما بقدر أدخل وايد بس شوي، لأنه آثار النت مأثرة فيني .. و ما بقدر أحرم عمري فجــأة من النت و إني أدخل مدونتي و أقرا مدوناتكم .. !!
.
فعـــشـــان جي إختفائي بيكون بسبب التخفيف من هالآلام بس .. و إنشاء الله بدخل كل يوم بطمش على سوالفكم .. !!
و إنشاء الله الألم بيخف.. و برد أحسن عن قبل ..

هناك 16 تعليقًا:

  1. ما تشوفين شر ;*
    عذرج معاج :)

    ردحذف
  2. ما تشوفين شر ان شاءالله

    واهم شي راحتج لا تتعبين نفسج

    وان شاءالله تردين بالسلامه :)

    ردحذف
  3. ماتشوفير شر شانيل:)

    أجر وعافيه ياااارب

    وديري بالج على صحتج

    ليش قعدتج على الاب توب
    مو قعده صحيحه!!!!

    ردحذف
  4. وي سلامات ماتشوفين شر يارب..

    جربي اللي مثل مالت مساج تكون مثل مخده متفوخه وحاره تنحط ع الرقبه وايد تريح ..

    وسلامتج مره 2..

    ردحذف
  5. ما تشوفين شر ان شالله
    وربي يخفف عليج ..اسعد الله جمعتك

    ردحذف
  6. أهم شي صحتج وسلامتج :)

    ولو اني مامداني اتعرف عليج اكثر بس بتجول واشوف بوستاتج القديمة ;)

    أجر وعافية

    ردحذف
  7. الف ....الف سلامة عليكى ويارب تقومى بالسلامة
    وياستى بالنسبة لآلام الرقبة كلنا فى الهم شرق
    أهم حاجة سلامتك وخلى بالك من صحتك و....تحياتى

    ردحذف
  8. شفيه كل ما كتبت تعليق مو راضي ينزل

    :(

    الله يشفيك يا رب و الله راح توحشينا بس اهم شي صحتك

    انصحك بالقسط البحري منقع بالزيت و حطيه و هو دافي مع المساج

    شعور مو طبيعي الزيت الدافي مع المساج
    بس اسألي مجرب
    ممتاز استخدمته وقت الحادث بس عجيب

    الله يشفيك و ترجعين لنا بالسلامه

    بنتظارك بشوق

    ردحذف
  9. ماتشوقين شر يالغاليه

    ان شاء الله تصيرين احسن وبندعيلج

    ردحذف
  10. الله يكون في عونج يارب

    ويسر لج ,, وتقومين بسلامه

    شسمه ,, ان شاء الله يديدنا يفيدج

    ونشوف يديدج في القريب العاجل

    كنت هنا والان اغادر (دحوم النتفه)

    ردحذف
  11. الف سلامة عليكي ويارب تكوني دايما بخير
    الآم الرقبة فعلا تحتاج للراحة مع الدهان بزيت الزيتون الدافئ
    وان شاء الله ترجعي بالسلامة
    دمتي بصحة وسعادة وتوفيق من الله
    تحياتي العطرة

    ردحذف
  12. مشكوووووووووين و الله ما قصرتوا و الشر ماااييييكم انشاء الله ..

    ردحذف
  13. الشر مايجيج ,
    عاد الآم الرقبة شيء ثاني :/ ..

    مآجوره ان شاء الله
    الف لا بأس

    اختج :) نبراس

    ردحذف
  14. أجر و عافيه ماتشوفين شر ..

    مايصاب المسلم من شوكه إلا وله فيها أجر .


    احتسبيه :)

    ردحذف
  15. آلام الرقبة مشكلتي الأعوص من عويصه!
    طول عمري اتشكى منها والسبة النت, والكل يتطنز علي دايم أقولهم رقبتي ورقبتي ..
    ما تشوفين شر ان شاء الله . . ريحي نفسج ونامي عدل :*

    ردحذف
  16. ما تشوفين شر حبيبتي

    وسعدت بتواجدي بين صفحات مدونتك المميزة

    ردحذف