الثلاثاء، 16 نوفمبر 2010

إمباركن عيدكم ..



عــــــــيدكم مــــبــــــارك ..
و عســـــــــــــــاكم من عوادة العـــــــــــــيد ..
و كــــــــــــل عــــــــــام و أنتم بألف خير ..
أستغفر الله ما أدري ليش هالعيد ما أحبه وايد كثر العيد الصغير .. يمكن لأنه هالعيد الناس سايرين الحج، و اللي يزورك يتأخر بسبت الأضاحي و هالسوالف ..
المهم إن شاء الله يكون عيدكم حـــلو هالسنة و الأعياد الحمد الله كلها فــرحة حتى لو ماتشوف حد اليوم برووحه يحسسك بالفرحة .. الحمد الله ..
.
الله لا يراويكم الحنا اللي تحنيته ههههههههههه، ماأدري شقى جازفت و تحنيت عند هاي الحناية، وااايد بطيئة بطريقة مب طبيعية، الله يسلمكم قلت بدال ما أسير الصالون و الزحمة خلني أسير عند الحناية كانت بيت قوم خالوه و على أساس بتحني خالتيه و هنتين من بناتها و أنا بس تخيلوا أنا سرت عندهم الساعة 1 متى حنتني الساعة 4 ههههههههه و أنا يوم وصلت كانت هي موجوده من قبل.. لو 10 بيتحنوون هاي متى بتخلص ما أدري؟؟
و لاعت جبدي من حناها، أحس والله تستهب و هي تحنيني كانت ولا شو السالفة ما أدري، أنا مابغيتها تجازف و تسويلي نقشة من مخها، عطيتها نقشة، و النقشة مايبالها شي ههههه، بس الله لا يرااااااويكم النقشة ياسلام سلم بس هههههههه و بعد أونه 100 الحساب و الله ولا يسوى حتى 60 اللي سوته، المهم كاسرناها لين 80، هي المفروض تسويلي نقشة أوراق أحس كأنها سوتلي دودة حوليين يديه هههههههه، يقولوون من بعيد حلو بس يوم يتقربوون حدث و لاحرج خخخخخ ..
.
و أحلى شي عندي في العيد ثاني يوم العيد يمعة العايلة في بيت قوم يدوه، و نشووف كل حد و الأحلى إنه يكون من الظهر لين فليل، و الود ودنا نباااات بعد ههههههه حريم ما نشبع هذرباااان ههههههههه ...
.

و ها شو العيد ويااااااكم .. ؟؟ إن شاء الله حلو و مستــــــــانســــــين؟؟
و قولوا آمــــــــــين
الله يرزقنا السنة الياية الحج ..

هناك 13 تعليقًا:

  1. عيدج مبارك وايامج سعيدة

    بس سوري شنو يعني العيد الصغير قصدج عيد الفطر !!

    اول يوم لا باس فية هههههههه

    تصدقين شوقتيني انقش ايدي ^_^

    ردحذف
  2. امين ..

    وعيدج مبارك وكل عام وانتي بخير..

    بطيئة وشغل مو مضبوط !!

    والحنه عندكم اغلى منا ..

    ردحذف
  3. نازك المطيري

    العيد الصغير هو الفطر و العيد العود هو الأضحى، يعني من الإماراتيين ممكن تسمعين هالمصطلحين العيد الصغير و العود ...
    يبالج حلو .. و الله أنا من زمان ما تحنيت .. هالعيد تفيجت صدق .. و حتى ظفووري حنيتهم هههه
    ===================

    رووروو الشخبوطة ..
    و إنتي بخير يارب ..
    هي وايد بطيئة نحنا متعودين يكونن سريعات شوي، و إذا كانت بطيئة تلووع جبودنا والسريعة تكون فاهمة و عارفة شو نبا و يديها ماخذه على النقش ..

    و الله ما أدري كيف الأسعار عندكم، بس نحنا تختلف حتى من إمارة إلى إمارة، يعني مثلا أم القيوين حناهم رخيص في دبي شوي يرفعون، و على فكرة حتى في دبي الأسعار فرق يعني إذا الصالون في ديرة أرخص يكون من برد دبي هههههه .. المهم وايد رمست شكلي ..
    ما أدري إذا قلتلج هالشي أو لا، ترى القرية فتحت ما أعرف إذا خبرتج هالشي أو لا أحيدج تترينها ..

    ردحذف
  4. عيدكم مبارك
    كل عام و انتِ بخير.. عساج من عواده يا رب

    ردحذف
  5. آميين يارب العالمين :)

    كل عام و انتِ بخير وعساج من عواده يارب *_*

    ردحذف
  6. دووم انشالله هاليمعه و الوناسة

    عيدج مبارك

    و عساج من العايدين

    ردحذف
  7. عليكم بالعافية
    صاجة السنة ماكو أحد.. أصلًا الشوارع فاضية!
    الكل يا مسافر يا بالحج يا بالبر يا بالشاليه.
    آمين إن شاء الله
    وأيامج سعيدة!

    ردحذف
  8. كل عام و انت بخير و عساج من عواده

    ردحذف
  9. كل عام وانتي بخير وتعودينه بصحه وعافيه ياااارب

    سبحان الله ماأحب الحنه

    ردحذف
  10. آمين يارب :*
    وأنتي بخير وصحة وينعاد عليكم بالمحبة والسعاده
    سالفة الحنة تضحك ههه, حتى احنا ثاني يوم يكون أحلى من أول يوم بالنسبة لي ..

    ردحذف
  11. مراحب حبي
    أخبارك ..؟؟

    خل اسولف لك عن العيد عندنا

    حنا دايم عيد الفطر يكون غير من ناحية الفرحه والاستعداد
    أما عيد الاضحى فدايما برود
    أعتقد لأن عيد الفطر يجي بعد فتره طويله يعني بعد 9 شهور
    أما الاضحى يجي بعد شهرين
    يعني نكون تونا معيدين ..



    بالنسبه للحناء
    نعيما
    بس بعترف لك

    انا ما أطيق شي اسمه حنا بكل اشكالها وبكل زخارفها


    والله يهنيك ويسعدكم دووووووم


    تقبلي مروري

    ردحذف
  12. ولهت على سوالفك ياحلوه

    قلت اسير اسلم عليك واعايدك

    فديتك كان حطيتي صور ليديك ابي اشوف الحنا <<تقصد تبي تضحك^^

    لووول
    كل عام وانتي بخير
    وصادقه انتي حتى انا مثلك مااحب عيد الاضحى كذا ماادري ليش دايما مافيه مرح

    ردحذف
  13. عيدك مبــــــــــارك

    ردحذف