الجمعة، 3 ديسمبر 2010

مســــيرة ولا فــوضى ؟؟



بغيت أعرف شي واحد .. هاللي إستوى البـــــــارحة فوضى و لا شو ؟؟
شو هالزبالة اللي شفتها في الشوارع اليوم .. ما أصدق هالشارع ماجد ماشفته خــــــــايس و اللي ساكن في هالمنطقة بعد نادر ما يشووف عمال نظافة ينظفووون يوميا ، لكن اليوم زغت من اللي شفته، ما أبا أذكر إسم الشــارع لكن الأغلبية بيعرفوونه، الصـــراحة الشاااااارع ما يتشااهد من كثر مب هو وصخ..

- الحين النظاف في دبي بمجرد إنك فريت شي في الشارع، تلقى غرامة قيمتها 500 درهم، و مثل ما نعرف إنه الشارع ملك للدولة مب الأفراد، و في اليوم الوطني، و المفروض في هاليوم الدولة تكــون أنظف من أي يوم، لكن أنا أشوف العكــس إنهم خيسوووها أكثر من المطلـــوب، و ين الغرامة عن هالأفــــــــــراد؟ ؟؟؟

- في ناس تنزل و تمشي في الشارع، و النظام في الإمارات و بالأخص في دبي إنك لازم تمشي في منطقة عبور المشاة و بمجرد إنه الشرطة شافتك تمشي في منطقة غير مخصصة يغرموونك ما أعرف كم بعد، لكن في هاليوم اللي لازم يكون في النظام أقوى شفنا العــكس الناس تسوي اللي تباه و يتمشوون في الشارع عادي العيد !!

وسمعنا قصة دهس البارحة، و سيارة إحترقت و قصص كثيرة .. ؟؟

أخليكم شوي مع هالصـــور عشــــان ما تملوون من كلامي ..
شوفوا الصـــبح و أنا سايرة الشيشة أصب بتروول، و هني كانت المفاجأة .. و عفوا على كاميرة الموبايل مب واضحة شوي..

عندي ملاحظة صغيره قبل لا تشووفون الصور، ترا هالفوضى اللي إستوت مب من أصحاب هالمنطقة فقط لأن من الإمارات كلها وايدين يتجمعوون في هالمنطقة عشان المسيرة

عمال النظافة موزعين في المناطق بطريقة مب طبيعية، كل ما تمشي شوي شفتلي عامل !!


والله غمــضوووني، بالذات واحد شكله منصدم و هو ينظف، كأنه حاس إنه ما بيخلص ..

ما أعرف شو سالفة الكـــراتين؟؟؟ كانوا يتفـــالعوون مثلا؟؟ الله أعلم .؟؟

هالمسكين يالس ينظف صوب المطعم، ما أعرف فاعل خير و لا صاحب المطعم، و في كل الأحوال فيه الخير ..




===============================

عرضتلكم بعض من الصور مب كلهن، و غمضني واحد من هالعمال .. تخيلوا هو يالس يترس هالوصخ في كرتوون و عقب إيجبهن في كيس الزبـــــــــــالة تخيلوا و هو يعق الوصخ من الكرتون في أشياء طارت ما أعرف شو يسموونهن مثل أوراق صغار بلاستيك نفس مال عيد ميلاد و حسيتبه بيصييييح المسكـــين عقب هذا كله نصه تم يطير ...

=====================

و أستغرب من هالنــــــــــاس اللي تستهزء بهالعمال، و على أساس خل يشتغلوون شو وراهم ؟؟ و إلا هنوود
و بنخـــيس على كيفنا، و شي عمال نظافة، أوكي خيســوا لكن مب بهالطــــــريقة اللي تفضح .. و محد ياكلها غيرهم هذيل العمــال، و لازم يخلصوون تنظيف و لا ما بيرتاحوون ..

بس صدق اليوم حـــسيت ليش محمد بن راشــــــــــد يكرم سنويا عامل من عمال النظافة ويعطيهم لقب
" الجندي المجهول "


هناك 14 تعليقًا:

  1. مافي شي غريب. راح استغرب لو كان في مسيرة او تجمع في دولة عربية ومافيه اوساخ وقذارة هذا الغريب. اما الي عرضتيه هو الستاندرد.

    ردحذف
  2. الله يعين يحتفلون بالوطن ويوصخونه :(

    نفس حالتنا بالكويت

    ردحذف
  3. أهكذا الإحتفال؟
    مخجل جدًا ويعكس صورة سيئة عن الشعب للأسف!
    الاستهتار واللامبالاة التي هم بها, تقودهم للجنون وجنونهم سيدفعهم للجحيم!

    ردحذف
  4. مرحبا ..علومج ..خبارج عساج طيبه :)

    ليش كان في مسيرة بدبي ؟؟
    قالولي ماشي ...عيل هالوصخ شوي جدام الحشرة اللي صارت في بوظبي ...بس تدرين شو اللي بيوقفهم ..لو خلوا الغرامة بدال ما تكون مالية ..يخلونهم ينظفون الشوارع مثل ما خيسوها

    ردحذف
  5. بالنسبه لل يصير بالكويت هالصور تعتبر نظافه :\

    ماحب عطلة العيد الوطني من الزحمه والمصخره والوصخ ..

    وحبيت فكرة تكريم العاملين الله يعطيهم العافيه يارب..

    مشكوره..

    ردحذف
  6. حرام والله هذا اللي يصير :(
    الأذى طال عمال النظافة والبيئة

    الله يهديهم

    ردحذف
  7. بدول الخليج معامة حتى عندنا بالكويت في الأعياد الوطنية قمة الاستهتار وقمة الوساخة .. الله يهديهم ويوسع قعولهم .. مساكين عمال هالنظافة

    ردحذف
  8. والله قهر هذاك اليوم اشوف وافد فاتح دريشة سيارته ويعق الوصخ في الشارع والله لو ما تعوذت من بليس جان فتحت الدريشه وهزبته قهر والله قهر تلاقين المواطن ملتزم (نقول الاغلب) وهذيل يخيسون في بلادنا لا يعرفون نظام ولا يعرفون نظافه

    ردحذف
  9. تحية عطرة معطرة
    Attention Please >>>>
    المعذرة .. هذا تعليق خارج النص ..
    دعوة للمشاركة في
    مشروع مقروءاتي الثالث
    للمشاركة ولمزيد من التفاصيل .. هنا
    http://qweary555.blogspot.com/2010/12/1431.html
    ــــــــــــــــــــــــ
    وإن شاء الله تكون هذي بداية سلسلة من الزيارات :)

    ردحذف
  10. الأخت الفاضلة :: AM.SA.CHANNEL ::
    أسعد الله أوقاتك بكل خير
    وبعد
    المشكلة يا أختي باختصار هي أننا بحاجة
    إلى صياغة وعي الشباب من جديد
    فالفرحة والتعبير عنها
    مع الأسف دائمًا ما نخفق ونفشل عندها ..
    دمت بود ،،)

    ردحذف
  11. اوكي انا وياكم انه المفروض مايوصخون الدنيا .. بس بعد هاي فرحة وتبيينا فالسنة مرة .. عيل لو تشوفون شو استوا فكاس العالم وغيره .. وااااااااااااايد وصاخه بس هم يعرفون انه الناس بتستانس وبتنقع الشلق بو الورق فمحطين احتياطهم .. في اشياء افضل تركزون عليها ..

    ردحذف
  12. ينعاد عليكم بخير خلي الشعب يستانس و هالشي صعب لازم حملة تثقيفية للنظافة

    ردحذف
  13. السلام عليكم ورحمه الله و بركاته
    عساك على القوه حبوبه
    تدوينتك هذي ذكرتني بمقطع شفته بقناة اخباريه اسيويه بعد ما نتهت مباراة فريقهم (بكاس العالم بجنوب افريقيا 2010 ) وكانوا الشعب يتابعون المباراه بالشاشات الكبيرة المعروضه بالشوارع , مااخفيك اول ماخلصت المباراة كل واحد - من تلقاء نفسه - قام ينظف الشوارع ومحد يطالع بالثاني و الخ

    بس نجي عندنا , استغفر الله هذا شغل العمال الوافده !
    اما شغلنا ان نوسخ و بس !!!!!!!


    عساك على القوه حبوبه
    (=

    ردحذف