الأربعاء، 8 ديسمبر 2010

شــخابيط

الشخبوطة الأولى :-

طبعا هذا مب دعايا حق رووروو الشخبوطة تشابه بالأسامي فقط هههههههههه


اليوم أقولج يا شوجي " خسر خسر خسر خسر خسر خسر "،البارحة على يوتيوب بالصدفة شفت لقاء شوجي مع نيشان في برنامج إبشر، و تعجبت من أمر غريب، و لاعت جبدي و ما كملت اللقاء..

الأمر الأول و اللي هو : شوجي تتكلم "English " هههههه، المشكلة إنه المذيع لاحظ هالشي و نغزها و عطاها في الويه لكن ما حاولت إنها تتكلم عربي نفس ماكانت في برامجها، المشكلة إنه كانت إدخل بزيادة و بالذات كلمة Family اللي كل شوي تعيدها مالها داعي هالكلمة أصلا ..
و الحين مال أول يدخلون بعض الجمل الإنجليزيه في الكلام، مووضه و طــاحت، و ثاني شي حتى اللي يدخل، يدخل في أماكن معينه..
حسستني كأنها متعلمه توها إنجلش ويايه إطبقه على البرنامج " يعني أعرف أرمس بعد أنا " هههههههههه

تعذرني شوجي لكن ما أعتقد بس أنا اللي لاحظت هالشي، الكل لااااااحظ ، ماحيدها ترمس جي في برامجها ؟؟؟

الأمر الثاني: خطوبة على الهــــواء ههههههههههه، أصلا كيف سمحتلي يتكلم، لو كانت غشمرة البنت حليلها كانت بترتبط لكن الله مارااااااد، بس أنا أول مارمس هالممثل و قال على الهواء و هي كانت مستحيه و تظحك، مالومها لكن في نفس الوقت خل يستحي على ويهه هالممثل، البنت من فترة كانت كانت بتعرس و أكيد نفسيتها تعبانه بعدها، و هووو على الهوا يخطب، شو السالفة يبون يسوون ضجة إعلامية مثلا ؟؟

==================================

الشخبوطة الثانية:-



بالعربي الفصـيـح، و للبالغين الراشدين فقط:-

تعجبت من تلك العلاقة بين الزوجين، زوجة لا تعلم كم مرة يجب على زوجها أن يلمسها، بالرغم من أنهم من دولة أوروبية و كنت أعتقد أن هذا المفهوم عند الزوجات العربيات فقط و إنما هو يضم كل نساء العالم..
هذه الزوجة في المحكمة تسألني، لا يلمسني إلا كل شهرين مرة فقط، أقول لها و أنتي ألا تسألينه، تقول لا لأن هذا الأمر كنت أعتقده أنه هكذا مرة في الشهر أو مرة كل 3 أشهر، و لا أعلم أنه يستطيع أن يعاشرني دائما ... !!

تعجبت من هذا الزوج، اللذي ضحت زوجته له بكل شي، فهي تنجب و هو لا ينجب، خضعت ل 3 عمليات لكن كلها بائت بالفشل، بعد فترة إكتشفت أنه تعرف إلى إمرأة من الجنسية الآسيوية، و تحدثت معه حول هذه الخيانة، و إكتشفت مرة أخرى، لكن رده لها إذا كان هذا الأمر لا يعجبك، أخرجي من المنزل، علاقاتهم كانت مرة صافية و تارة متعكرة، و في يوم عيد ميلادها أخرجها و تعشى معها في أفخم الفنادق في دبي و كأنه لم يكن شيئا، و كانت في غمة السعادة..

في اليوم التالي صباحا إكتشفت أنه كان يعد لها وجبة دسمة عند الإفطــار تسمى " طــالق "، هكذا لا يريدها، و هي تريديه و تعشقه، و هو لا يريدها لأنها تغار منه، و أنا لا ألوومها من هذه الغيرة لأنه خائن ..

بعد هذه التضحــيات تخوون ؟؟
=======================================



الشخبوطة الثالثة:-



هذا كلام موجه لكل مقيم في بلادنا، نحنا نحترمكم، و نحبكم، و نعاملكم شراتنا، و الدولة تعاملكم شراتنا حالنا من حالكم، إلا في بعض الحــقوق، لكن إنكم تتعدون على أشياء معينة أنا ما أرضاها في حقنا..

- وحده إدوخ جقارة " إدخن زقاير " جدام اللي يسوى و اللي ما يسوى و ترمس شراتنا، و حافظه " هي و فديتج " و اللي ماااار يتحسبها مواطنه شو درااااااه الحبيب، صح في مواطنات يدووخن لكن منخشااات بالدس..

لكن أنا اللي أقصده قوم بو عيني عينك، جدامي و جدامك و تتحيس إنها إماراتية ... و يوم بتخشين هالجقارة في حلجج و بتسوين حركاتج لا تلبسين شراتنا، و اللي قاهرني حتى لفتنا في الشيلة ضابطينها ..
بس مهما سويتي بنعرفج من ثوبج و من ويهج ... لكن اللي مايعرف بيقوول بنات البلاد .....!!!!

أحين المشكلة إذا واحد قالهم إنتو من هل البلاد قاااالواا هي و أكبر دليل اللي على بعض القنوات المحلية دون ذكر أسامي، نحنا نعرف إنهم مب إماراتيات لكن اللي برع عارف هالشي بس هم يقوولوون نحنا بنات البلاد..
بالعكس نحنا نستانس يوم نشوف إنه الناس تلبس نفسنا ها معناته إنه نحنا على قلة عددنا لكن مأثرين، لكن مب ياخذون هالشي و ينقلونه بطريقة سلبية ..



هناك 25 تعليقًا:

  1. أنا ما شفت المقابلة بس سمعت التعليقات وكانت كافية..الصورة مو صج! :\

    التضحية حين تشمل من لا يستحق فهي تضحية بالنفس أولًا!

    الأقليات لا تمثل الشعب بأكمله! أي انسان عاقل يجب أن يدرك هذا!

    :)

    ردحذف
  2. اختي تخبرني عن وحده وافده ما اريد اقول جنسيتها المهم تقوللهم حد منكم عنده محل اختي تريد اتي البلاد عشان تشتغل بياعه المهم بعد اسبوع قالتلهم بغيت اعرفكم على اختي ،،،، يتهم الاخت لابسه عباه وشيله على نص الراس والقصه طالعه والفل ميك اب ومحطيه سماعة التلفون لافتنه حذال حلجها (حركة الصياعه اياها) وترمسهم اماراتي وشايفه عمرها بعد ،،،، لاحظي من اسبوع بس في البلاد وهالشي كله سوته الظاهر يعطونهم دورات في بلادينهم المهم ما مر عليها شهرين الا هي ماخذه اماراتي (طبعا تعرفت عليه على باب المسيد هههههه ) خليها على الله

    ردحذف
  3. غريبة حركتها ترمس بالإنجليزي ..وحركة الخطبة أبد مش مناسبة

    مثل ماقالت سيما التضحية للي ما يستاهل هلاك للنفس
    واللي ما يباك لا تصيح تبغاه !

    آآآه تخبرريني عنهم ...يبطون جبدي مو كفاية يتشبهون فينا وفوق هذا يشوهون صورتنا ..السقاير بصوب وسالفة "مواطنة ترقص شرقي فوق السيارة في المسيرة بصوب "..هذا عنوان فيديو بيوتيوب ..والحقيقة لمرة إن اللي رقصت مش مواطنة ولكن وافدة لا بسة شيلة والأخت تستعرض مهارات الرقص باسمنا ..ما نقول غير حسبي الله ونعم الوكيل ><

    ردحذف
  4. اشوه وضحتي انه تشابه اسامي ولا جان رفعت قضيه خخخخ..

    اي شوجي حده تكلف شدعوه هالانجليزي :\ المصيبه كلمات سهله اي احد يعرفه مو اللي اسكت الظاهر نازل عليها وحي انجليزي او سكنها يني اجنبي او هلوسه عقب الانفصال خخخخخخخخخخ..

    الحمدالله والشكر..

    اساسا مادري شااللي سوت اللي خلاهم يستيضفونها غصب طيب يطلعون اسئله لها:\

    والخطبه انا حسبالي ينكت :\ طلع صج عيل بيسون شو ماخبرت يخطبون جذي..

    ...

    كسرت خاطري الاجنبيه يمكن تكون بيئتها محافظه مو كل الاجانب فري في ناس مثلنا لي الحين , هذا غير انه تحبه فعادي عندها تستمر معاه بجميع الاحوال والاهم ماعندنا وعي من هالناحيه ..

    ....

    مااحب هالفئة ومثل ماقالت بربل اللفو اللي عندنا ياخذونهم كفوهم بصراحة لو احنا نسوي شي بسيط كلونا اهما لا عادي :\

    كل اقول لو بنت ديرته سالوا عن 7 يد اللي ذابت عظامه اما الغريبه يشوفها بمكان مشبوه وياخذها :\

    الله لايبلانا يارب..

    ومرسي ع الشخابيط..

    ردحذف
  5. ووووع شوجي هنا طالعه كنها رجال متنكر بالمكياج

    اما باقي السوالف ماعندي تعليق يذكر^^

    سي يو << صارت مثل شوجي^^

    ردحذف
  6. أجل تتكلم انجليزي !!
    هي خل تنطق العربي زين بالاول!

    تقول اختي :
    انتي ماسمعتيها وهي تنطق اسم الفنانه " لبلبه"
    هههههههههههه
    بضم اللام الاولى والثانيه..


    بالنسبه لموضوع الخطبه عالهواء
    خوذيها مني .. (هوالاااااااات)
    الأمر مخطط له
    ومتفق عليه ..


    المشكلة اني مااشوف التلفزيون
    وماودي اصوم اصوم وافطر على بصله ..

    ردحذف
  7. شجون هاذي اللي مو عاجبتكم اشرف منكم واحسن منكم وانتو بالاساس ماتعرفونهاا عدل انتوو شلون قلبكم يرضى جي اتحجون عن وحده مومسويتلكم شي لاسابتكم ولا ماكلا حلالكم تخيلو اهيا جي اتسولف عنكم واتغلط عليكم هاا

    وليش اتحجى انجليزي هاذي سياسه حياتي وثاقافه اتحدى توصلون مثل مااهيا اوصلتله انتو محترين انها اتحجى انجليزي واهيل على فكره ماتبي حبكم وانتو لو ماتحبونها اشحقى امتابعينهاا صج انتو ماعندكم كرااااامه يالله يالله شوجي اشرف منكم كلكم يالحاقدين

    ردحذف
  8. رورو الشخبوطه ليش امتعبه نفس بهالكلام كله ترى كلامج فااظي على فكره ولاتخافين ماراح يوصلهااااا قطيعه شنو حاقدين

    ردحذف
  9. ابيييييييه اشحقه اتعب نفسي معاكم قطبعه لاعت جبدي منكم كلكم اللي سبوا شوجي حبيبت قلبي وانتو كلكم منقهرين واللي ايعلق على شكلها تسواكم وتسوا اهلكم كلهم يالله يالله باي ماقدر استحمل نااس قثيثه ومليقه مثلكم ابيييييييييه لحد ايشوفكم وانتو محتريت ههه

    ردحذف
  10. هههههههههههه اوما شوجي احس انهااا بويه

    ردحذف
  11. الحمدالله والشكر غير معرف ليش مشتطه ..

    اخاف سابين معزبتج خخخخخخخخخخ..

    وصلها ولا ما وصلها اهي اخر همي من زينها اقصها ممثله راحت ولا ردت ولا شي الله لايبلانا يارب..

    الحمدالله محد محتر كثرج خخخخخخخخ..

    3 ردود مره وحده بس لا ينط لج عرج خخخخخ..

    ردحذف
  12. السموحة شانيل ..

    بس رديت عليه لانه موجهه لي حجي مباشر ..

    ام سوري سويتي بت اي كانت خخخخخ..

    الظاهر عدتني :p

    ردحذف
  13. سيما*

    تدرين شو المشكلة، الواحد يوم يحب ما يفكر في عزة النفس هاللي لاحظته من خلال شغلي، المهم يتم قريب من اللي يحبه ..
    أما عن الأقليات لا تشمل الشعب بأكمله، صح هي ما تشمل لكن الغريب اللي إيي البلاد ما يعرف، و أنا قلتلج هم متقمصين شخصيتنا بالضبط فكيف للغريب يقدر يفرق ؟؟ ما أعتقد ..

    ===========================
    Mrs. Purple

    هههههههههههههههههههههههههههههه عيبتني هاي تعرفت عليه على باب المسيد، لا شكلي عرفت الجنسية التي تقصدينها و يرمسوون بسرعة، و مب أي كلمة يدخلوون بعد .. ضحكتيني و الله هههههههه

    =======================

    رورو الشخبوطة

    هههههههههه، بس هي الله يهديها، لو كانت من قبل في كل برامجها إدخل كلمات إنجلزية بنقول، لكن فجأة تمت إدخل، حتى المذيع لاحظ، لكن مافي فايدة

    و عن الأجنبية ترا هذا هو ماشي وعي، ووايدين عارفين بهالشي، لكن المكلة إنها تحبه لو إنه مايستــاهل لكن الحب مشكلة ههههه..

    و صح لاحظتي هالشي، و الله لو بنت البلاد شو بيسوي فــيها، لكن الغريبة عادي أنا هاللي مستغربه منه .. و الله ينرفزوووون الرياااييل ..
    و العفوو شفتي كيف شخــابيط محلاهن هههههههه
    ==========================

    أم حرووبي
    مافي شي إسمه غريب في هالدنيا ، بس بوصي و شووفي ههههههه

    أما عن الأجنبية الكلام صدقيني سهل، أنا قطعتلي قلبي و الله و أول مرة أتأثر لقصة، و حتى كانت تقولي أحبه كنت شوي و بصيح وياها هههههههه، الصراحة أحس اللي يحب ينسى شي إسمه ذل يفكر كيف يضحي بالطرف الآخر ..
    الله يعين بس ..

    تدرين أم حروبي أنا من جي كارهه المسيرات بسبت هالشي، تسوي حركاتها و عقب ينفر علينا نحنا و نحنا جذي قـــاهريني قهر و الله .. !! المشكلة نحنا نفرق اللي مايعرف مااااايفرق يتحسبووون نحنا صدق جذي ..
    ===============================

    كريزي إن فريدوم

    إنتي وينج تختفين فجأه و لا نعرف شي عنج كنت منزله بوست لج اللهجة الإماراتية ههههههه ..

    ههههههههههههههههه و الله إنتي إظحكين لاتعليق إنتو أشووفكم يالسين تسبون مب تنقدوون هههه ..
    سي يو ليتر هههههه
    ==============================

    ردحذف
  14. إستثناء إفتكيتي يوم ماتشووفين شي، أحسلج الصراحة بس لقائها كان غريب و الله، و هي موضوع الخطبة مادري إذا هي تدري إنه بيتكلم على الهواء لأنها كانت صدق مستحية ..
    آآآآه يا إستثناء يوم قلتي أجل ذكرتيني بربيعتي سعودية من تخرجنا ما شفتها قطعتيلي قلبي يا أجل ههههههه
    =======================

    غير معروف

    بقلج كلمتين أتمنى إنج تردين بعد ما تقرين هالكلام ..

    أنا ما برد عليج نفس ردج، لكن لو شووجي ما تهمني جان ما كتبت عنها، و ثاني شي أنا ما تدخلت في حياتها، بس أنا قلت اللي شفته في برنامج إبشر و الصراحة في كل برامجها ما تتكلم إنجليزي مثل هالبرنامج حتى المذيع لاحظ

    أما عن السيااسية على قولج و الثقافة لو هاي ثقافتها من زمان جان سمعناها في برنامجها شوجي تتكلم إنجليزي وايد و ثاني شي منو قالج هاي سياسة اللي يدخل إنجليزي؟؟ ما تحيدين قبل كنا نظحك على الهنود يوم يقلدون الإنجليزي ويرمسون شراتهم، ما أقولج إنه نحنا ماندخل ، لا إندخل لكن الواحد في اللقاءات لازم شوي يضبط حاله .. تبغين تقووليلي هي كانت على طبيعتها، لا ماكانت شوجي في لقاءاتها و برنامجها كانت غير فنااانة أنا كانت تعجبني لأنها عفويه لكن في هاللقاء موول ما عيبتني .. و على فكرة قالها نيشان الممثل ملك الجمهور
    ==================================

    غير معروف

    و الله مب حــاقدين .. لو حاقدين جان سويتلها بوست كامل إلها و تكلمت و سبيت و ماخيت شي فيها ، أنا تكلمت في موضوووعين غريبييين و الكل لاحظ شي مب بس أنا و |إنتي شفتي بعينج التعليقات ..

    =========================
    غير معرووف

    ههههههه صدق ما عندج ســالفة .. حرام عليج 3 ردوود لو كتبتي اللي في خاطرج في رد واحد بلا هالبلبلة كلها ..
    ================
    نوفة

    لا تعليق لوول
    ====================

    رووروو الشخبووطة

    شفتي الشخابيط سون شخابيط يديييده، ها إسمج خطـــير الصـــراحة
    هههههههههههه ظحكتيني و الله .. هي المفرووض تكتب كل شي في رد واحد .. بس الله يهديها بس.. خليها برايه ..
    القافلة تســـــــير و الكلاب تنبح
    و خذي راحتج و دافعي عن عمرج المكان مكانج ..

    ردحذف
  15. الأخت الفاضلة :: AM.SA.CHANNEL ::
    أسعد الله أوقاتك بكل خير ..
    حلو العنوان " شخابيط "
    من الطريف أني قبل أسبوع كنت قد كتبت موضوع عن الشخابيط ،، توارد خواطر

    وبالنسبة للشخابيط المذكورة :
    - الشخبوطة الأولى ،، رغم أن تخصصي لغة إنجليزية لكنني ضد من يتشدق ويتفاخر بكلمات إنجليزية فما بالك بعبارات O_o
    - الشخبوطة الثانية ، الخيانة صايرة موضة .. الله يحمينا ويحفظنا ..
    - الشخبوطة الثالثة ،، أنا من رأيي أن الناس تستطيع أن تفرق بين بنات البلد وبنات اللي بره البلد ،، وجهة نظر :)

    دمت بود

    ردحذف
  16. السلام عليكم ...
    الكل انزعج من لغتها الاجنبية ما كان له
    داعي على ما اظن انها خريجة انجلش سكول
    شفيه العربي والكويتي ياحلوه ويزينه ما
    عندها سالفه

    الخيانة:إذا أحنا العرب المسلمين عندنا
    الخيانة وصارت بكل عايلة إذا مو بكل بيت

    وبنات الديرة يبينون لا تحاتين بس فعلا هالسلوكيات مزعجة ما الومج حتى أحنا عندنا من هالطقة

    ^_^ودي لكِ^_^

    ردحذف
  17. بخصوص شجون الهاجري كما احب ان اسميها :

    ترا ما عندكم سالفه
    اولا حريه شخصيه كلن ينام ع الجنب الي يريحه موب جايين حنا او انتم نحكم الناس تلبس و تحكي و تتصرف شلون ! كلن حر بنفسه
    هو انا جد ما تعجبني شجون من حيث مراهقتها الي لا زالت مستمره معها الى عمر ال 21 او 22 !!!
    لكن ايضا موب موضوع مستاهل اني افتحه و اتكلم فيه وش بأستفيد يعني !
    وخير .. خبرا لموسم هو ! ومن هذي شجون عشان اني اقوم الدنيا ع شان هي دخلت كلمات انجليزيه مع كلآمها
    كيفها المرره تسوي الي تبي
    عندك رأي قوليه لها هي ولا خليه بداخلك ازين
    لأن لآ انت ولا حنا مستفيدين من ذا الهرج كله حبيبتي لبى قلبك =)




    بخصوص الخيانه : العدل عدل و الخبران خربان ياختي خخخخ


    بخصوص الاجانب الي عندكم : جد شيء يقهر ولآ الومكم صصرآحه حييل يقهر لكن وش بيدكم
    خخخخ هذا التحضر و مواكبه العصر ي سيدي > تراي استهبل موب اقول الجد



    و بسس

    ردحذف
  18. sunrise_76

    هههههههههههههههههههههههههههههههههههههههههههههههههههههههههههههههههههه بلاج محرجة و ماكله عمرج، ماسمعت إنه الممثل هو ملك الجمهور أو لا ؟
    بس قولي نعم أو لا .. أدري غنج بتعانديدن و بتقوولين لا و أنا شلي فيهم,ههههههههه
    , مستحيل، فنان مشهوور و بالذات إذا كنتي تحبينه بتعرفين .. صح .. أكيد بتقوولين لا هههههههههههه

    أنا بقولج شي أنا تكلمت عن شجون هني ليش،و أنا لو تنبشين مدونتي ما بتشوفين فيها فناانييين ما أكلم عنهم بتاتاتا بس أنا شوجي يعجبني تمثيلها وااايد و هالمقابلة شفتها بالصدفة، لكن صدمتني في شي واحد هي كل مقابلاتها من طلعت لين الحين ترمس عربي نادر ما إدخل إنجلش فجأة كله ترمس إنجليزي .. فتستغربين شو الموضوع، و حتى لو قلتيلي إنها مووضة، قبل كان موضة إنج إدخلين إنجلش يوم ترمسين أحين حلاة الثوب ..... و إنتي كملي لأني ناسية المثل هههههههههههه بس مادري جان يركب أو لا ..

    و المهم دام إنج ما تحبين تتكلمين عن الناس لو ماعلقتي على موضوع شجون الهاجري، و قلتي ما أحب أتكلم و سرتي عند الشخبوطات الثانيات ..
    و إذا نحنا ما عنا سالفة رمسنا في هالموضوع ترا انتي بعد ما عندج سالفة رديتي هههههههههههههه .. تراني اتمصخر والله .. مب شراتج داشه إظااارب .. خخخخخخ

    بخصوص الخيانة صدقتي فيها ..

    أما الأجانب، لا وحليلهم الأجانب,, العرب هم المتسببين .. بس صح كلامج، ترا ساعات التحضر يسوي هالأشياء .. ترا في هالشبخووطتين عجبتيني.. ماشاء الله عليج ..
    في الأولى جتلتيني من الظحك خخخخخخ ..

    إنتي بكبرج شخبوطة لازم نكتب عنج ههههههههه

    ردحذف
  19. هههههههههههههههههههههههه لبى قلبك :$

    اولا يا ستي ايه معك حق الفنان ملك لجمهوره
    لكن الواحد اذا جاء ينقد ينقد صح يعني
    قلة حيا , مصخره , خطبه ع الهواء مباشرة> شطححه .. و الخ ايه معك انا لو نقدتي ع الاشياء
    ملآحظه : انا ما اقصد ان هالاشياء ف شجون لكن بشكل عام
    يعني لو جيت ابنتقدها بأنتقدها ايضا ع لبسها شكلها ميك ابها
    موب ع تصرفاتها التصرفات ترجع لشخصية الشخص صح ولا ؟ :)

    يعني هذا رأيي الشخصي لا اكثر ولا اقل


    ... بخصوص الاجانب انا قصدي الغير مقيمين اي الغير امراتيين منهم العرب و الاجانب لكن الظاهر ان التعبير خانني > رقعيها ماحولك احد خخخخ


    و وووو اشكرك ع ذوقك للمره الثالثه حبيبتي
    ابشرك بأنزرع لك ب مدوتك الله يعينك علي :P

    ردحذف
  20. و الله زيغتيني قلت بعد منو هاي كله واحد، هههههههه ..

    عيال على شو بننقد .. ؟؟ النقد إيي بعد إذا في شي صاري مفاجىء خارج عن العادة، يعني خطوبة على الهواء مباشرة، جاوبي بصراحة هل هالخطوبة و بهالطريقة جدام العالم تتوافق مع مجتمعنا ؟؟ خل يولي الإنجلش .. خلينا في الخطووبة أحسن هههههههههه لو أي شخص حتى لو مب معرووف و يطلع على الهواء و يقول حق شخصية معرووفة بخطبج .. أنا أشووفه عيب .. صح أو لا

    أقلج أنا و إنتي شكلنا ما بنخلص من هالموضوع .. هههههههههه
    و إنزرعي حياج، و الله يعيني عليج خخخخ

    ردحذف
  21. ايون ايون هنا نتوافق
    ايه عيب و غلط و مو كذا الناس تخطب ! شدعوا
    يعني شوفونا خخخخخخ

    الله يبقيك حبيبتي منور بلوقك بي :$ > هذي الي تعطى وجه ع2

    ردحذف
  22. شوجي خريجة مدرسة بريطانية وتتكلم انجليزي بطلاقة

    ردحذف
  23. غير معروف

    أعرف إنه شوجي خريجة مدرسة أجنبية و تتكلم إنجليزي بطلاقة، لكن لو تشوفين شوجي في كل البرامج ما تتكلم إنجليزي شمعنى في هالبرنامج حسستنا إنها تعرف إنجليزي و هي كيفها ترمس أو ما ترمس إنجليزي بس شي غريب إنها في هالبرنامج رمست و شكــرا

    ردحذف
  24. واللة البنت حلوة مثل العسل بسمة الاسم خفيف وصورتها قمر مونفس الى عدنا ماتحب ترجع البيت ماخد انافؤاد هههههههههه

    ردحذف