محمد الكـعبي ماعرفتك إلا بعد موتك .. الله يرحمه و يغفرله يارب ..

اليوم توفى محمد الكعبي.. الله يرحمه ويغفرله يـــارب عن عمر 108 أعوام.. 

 منو محمد الكـــعبي الأغلبية العظمى من الشعب يمكن ما كـــان يعرفه كشخصية بس كشكل ، و الناس عرفواه من الأخبار و الفيديو المنتشر على اليوتيـــوب .. 

محمد كان يالس و شافه محمد بن راشد، و محمد الكعبي ماعرف إنه هذا محمد بن راشد إلا قبل لا يسير عنه ...

هو نفسه اللي أنا حاطه صورته ويا محمد بن راشد في المدونة .. لكن ما كنت أعرف منو هالريال .. 

هذا هو الفيديو، و ما شاء الله ما يبين عليه العمر، و هالفيديو تقريبا من سنتين، كان نازل مطر قوي في الإمارات، و محمد بن راشد ساير يتفقد راس الخيمة و ما أعرف أي إمارة بعد .. 

البارحة أقرا في الجريدة محمد الكعبي في المستشفى مريض في العناية المركزة و كانوا حاطين إنه محمد بن راشد زايرنه ..بس ما عرفت إنه هو نفسه شكله غير ..  و ثاني شي لو كان إسمه موجود محد عرفاه.. لأنه نعرفه بالشكل

اليوم يوم قريت في الجريدة  محمد الكعبي توفى مالفتني وااايد لكن يوم شفت الصووورة .. إنصدمت.. 

قلت سبحان الله هالريال محد كان يعرف إسمه .. وقبل لا يموت عرفنا إسمه و يوم مات عرفنا منو هو .. 

الله يرحمه و يغفرله يــــارب .. ويدخله فسيح جنـــاته مثواك الجنة يـــارب .. 

أبا أعرف الشيوخ كــيف يعرفون؟؟ مع إنه واحد من الناس كان والشيخ في اليوم تمر عيه واايد وجوه.. 

ماعرف ليش توني إذكرت هالقصة اللي ذكرها محمد بن راشد في كتاب رؤيتي يوم قال حق أحد الموظفين و الموظف منبهر إنه محمد بن راشد يعرف كل شي عنه من 4 سنوات فقاله أنا عندي " المتسوقين السريين " يعني مثل الناس اللي تمر و محد يعرف إنه هذا الشخص يقيمه .. 

و الله يرحمك يا محمد