الثلاثاء، 8 فبراير 2011

حلق عبر الطـيران القطــري .. !!



السلام عليكم 
وبعد إنقطاع طـويل .. 

إسمحولي كنت سايرة العمرة، و شوفوا الصدفة شو إستوالنا هنالك، على حظنا تأخرنا عن الرحلة و ما طاعوا يدخلونا ، و كنا حاجزين على الخطوط السعودية..

و ماشاء الله كنا وايدين لو شخص واحد بيلقى حجز في نفس اليوم .. 

الطيران الإماراتي ماشي حجوزات لمدة 3 أيام و السعودية بعد ماشي حجوزات و كلنا نبا نرد دبي مانبا إنتم في جدة شو بنسوي هناك..

فقالولنا في المطار ليش ماتحجزون على الطيران القطري، تراها سايرة دبي بس من توصلون مطار الدوحة بدلوا الطيارة .. 

و أنا من النوع اللي أخاف أجرب طياير.. و يوم قالولي القطرية خفت قلت الله يعين كيف بتكون .. 



لكن الحق يقـــــــال



من أروع الطيارات، و أفضلها و متطورة وااايد  .. و أنا شفتها أفضل عن الإماراتية بعد .. 



لو شفتونا كيف نترابع " نجري " عشان ما إطير عنا القطرية نحنا في المطار كنا على الساعة  4:30 و القطرية إطير 5:30
و أبويه بسرعه يحجز و لازم نغير المطار لأنه المطار اللي كنا فيه تابع للخطوط الجوية السعودية، و أنا كنت شوي زايغه من الطيـارة .. 

لكن من ركبتها قلت ما شاء الله لا إله إلا الله، محلاها ..

و أنا كنت طايره على الدرجة السياحية ..  , و الصراحة كانت حلوة، أول ما يلست على الكـرسي، قلت هاي معقولة حق دولة الخليج؟؟ 

لأنه الإمارات لدول الخليج متعبه وايد، وأحس طياراتهم جدام لدول الخليج لكن هل على حظي مطبات هالكثر و هالكثر تختض ما اعرف، و اللي ما يعبني في طيران الإمارات إذا في مطبه قولوا، أنا يوم كنت راده من تركيا و الكويت يتمون ساكتين لدرجة تشكين إنه عطل في الطيارة مب مطبات و يوم نعدي المطبات، و تستقر الطيارة يقولون كانن مطبات هوائية و إعذرونا .. ما أعرف إذا هذا نظام الطيارات الباقية أو لا.. بس الحمدالله ما تعرضنا في سيرتنا لأية مطبات هوائية .. 
لأنه يوم كنت راده من الكويت  الأجواء كانت مستقره، إختظت فينا الطيارة خظ حسينا كأنه الطيار توه عاطينه ليسن طيران و يوم نزلها الله لا يراويييييييكم تقولوون إنفجار إستوى في الطيارة .. 

بس طيران الإمارات للدول البعيدة ممتازة لكن دول الخليج ما أنصح ههههه .. أنصحكم بالقطرية الصــراحة، حلوة و نظيفة و راقية و تكنولوجيا متطورة فيها.. لكن الحق حق موظفات الطيران القطري زينات و مؤدبات، لكن ما أعرف ليش أحي موظفات طيران الإمارات غير وايد أحسن و كله يظحكون و تعاملهم وايد أفضل..






الحلو فيها بعد شاشات الدرجة السياحة كبـــيرة، و بالرغم من إنها شغاله في دول الخليج، و كل البرامج اللي فيها يديده، و حتى تقنيتهم عاليه جدا .. ما تدروون كيف أنا معجبه فيها الحين ههههه ..





و أخيرا شكـــرا من الله، إنه طيارتنا طارت عنا هههه، و جربنا طيران يديد و إستمتعنا بالرحلة واايد ههههههه .. وصدق و عسى أن تكرهوا شيئا و هو خير لكم ..

 و على فكـرة عشان ما تقولون يمكن على حظكم الطيارة اللي ركبتوها زينه، ترا نحنا نزلنا مطار الدوحة و على طول دخلنا مطارهم بدلنا الطيارة اللي سايرة دبي. 
نفسها بالضبط، بس الفرق البسيط، إنه التلفزيون يشتغل لكن ما يعطونكم سماعات لأنه الرحلة قصيرة من قطر ل دبي 40 دقيقة، و أصلا ما وحالها طيرها يلسنا 10 دقايق قال بينزلها هههههه .. و الله أحلى رحلة .. 



 و شكــرا للطيران القطــــــــــــــري 

هناك 15 تعليقًا:

  1. عمره مقبوله

    وتجربه حلوه مع الطيران القطري

    قطر اشوفها تتطور بسرعه اكثر منا يالدول الخليج

    ردحذف
  2. تقبل الله ...

    هي والله ما شاء الله قطــر أشوفها تطور يوم ورا يوم ترا يقولون، الكويت الماضي و دبي الحاضر و قطر المستقبل ..

    ردحذف
  3. تقبل الله طاعتكم

    والحمدلله على السلامه

    ما جربت القطريه بس وايد يمدحونها

    الاماراتيه اذكر لما رحنا من الكويت - دبي كانت كبيره ومريحه كنه حاجزين بيزنيس كلاس

    وهم من دبي - لندن نفس الشي

    بس بالرده من مدريد - دبي وهم بزنس كانت طياره خايسه قديمه وصغيره مو مريحه تخيلي بيزنيس وضيج !

    لاعت جبدنه

    ومن دبي - الكويت الكبيره والمريحه

    المفروض يخلونها حق مدريد مو الكويت

    :)

    ردحذف
  4. شاي الضحى

    آمين يارب .. و على فكرة عن الطيارة الكبيرة، يقولج الحين يستخدمونها حتى للمناطق القريبة لأنهم خسرانين منها، مع إني أحس إنه وايدين يركبونها بس ما أعرف شو السبب .. و على حظج يداد .. و غريبه مدريد جديمه هههه .. أنا على دول الخليج جدام يطلعلي هههه .. و كله تختض .. بس جربوا القطريه بتستانسوون عليها ..

    -----------------------

    seema*

    آمين يارب .. و عقبالكم يارب

    ردحذف
  5. الحمدلله على السلامة .. وخسارة ماخذتي لفة في قطر :)

    ردحذف
  6. عبد الله

    الله يسلمك .. المرة الياية إن شاء الله

    ردحذف
  7. عمره مقبوله يارب ..

    والحمدالله ع سلامه..

    سبحان الله كلشي خيره :)

    ردحذف
  8. السلام عليكم...

    مشكورة على افادتنا بتجربتج
    وشكلها مشوقه يبيلها تجربة
    *_^

    ردحذف
  9. مشكووووره على ذكر تجربتج ان شاء الله يوم بنسير بحاول احجز على القطريه من مده بعد قريت مدح عنها ،،،، انا الله يسلمج طيران الامارات ما قد سرت فيه ماخذه منه موقف من كثر ما اسمع المواطيني يقولون الاولويه والمعامله الزينه حق الاجانب كالعاده اما طيران الاتحاد هو اللي اسير عليه و مب احسن حال من الامارات سرت على الدرجه السياحيه والدرجة الاولى والمعامله الزينه حق الاجانب والهنود والفلبينيين اما نحن مثل العاده المعامله اي كلام فشكلي بسير المرات اليايه على الطيرانات الثانيه وبجرب القطريه باذن الله

    ردحذف
  10. واو صدق عيبني الطيران القطري وإن شاء الله بجربه

    من زمان وانا مقهوره من طيران الإمارات ومب مرتاحه له وخاطري اجرب طيران ثاني

    ردحذف
  11. خاتون

    العفو حبيبتي .. و جربيها و خبريني ..

    ----------------------

    Mrs Purple


    تدرين أحس على حسب وين سايره، ما أدري الإمارات ما كانت تنفع حق دول الخليج في المعاملة و الطيران، بس سمعت إنه طياراتهم الجدام باعووهن الحمد الله أنا ركبت على وحده جديمه من الكويت لدبي الله لا يراويج بس ههه لاعت جبدي .. لكن يوم سرت الشرقيه زينه

    و لاحظت إذا أماكن بعيده يحترموون أكثر .. و خذيها معلوومه المواطنين لأنهم يسكتون الأجانب ما يسكتون و يحاسبوونهم لأنه هم يوم يحجزوون يحجزون على أساس الميزات اللي بيلقوونها على الكرسي ..
    بس جربي القطريه بتعيبج ..
    ----------------
    Hind

    زين و الله كل الإمارات يتشكن ههههههه من الطياره هههه جربيها حلوة لين قطر 40 دقيقة ما يواحيلها طارت نزلها هههههههه ..

    ردحذف
  12. انا ما اسافر الا عليها لو جربتي درجة اولى عليها تعافين كل الطياير الثانية ..
    غريبة انها لاول مرة تجربينها انا من استولت عليها ودائما تفوز بجوائز

    ردحذف
  13. غير معروف

    إنته شكلك قطريـ، تقول من إستويت و أنت تسافر عليها هههه ..

    أناكله طيران الإمارات، بس الصراحة القطرية ما شاء الله الله يزيد و يبارك روعة .. حبيتها ..

    ردحذف
  14. ترى وايد مغترين بطيران الامارات؟؟
    طيران الامارات حق الاجانب و الاوروربيين ؟؟؟؟

    ردحذف