الخميس، 23 يونيو، 2011

Bio Oil




السلام عليكم 

شحالكم " إزايوكو " هههه بديت في الترجمة 




المهم حد منكم جرب هالزيت، أنا جربته من زمان ل تشققات الجسم، و ماقريت الورقه و كنت أستخدمه يوميا مرة وحده في اليوم، و ساعات أستخدمه يوم و ترك " يوم بستخدمه ويوم لا " ..  و ماشفت النتيجة و ودرته " سبته " هههههه والله الترجمه عجيبه  .. 

لكن بعد ما ودرته، إكتشفت إنه آثار التشققات خفت عن قبل، و بعدين سويت سيرج على يوتيوب عن هالزيت، وشفت كيف يستخدمونه، و إنصدمت من النتايج، و هو يحتاااااااااااااااااج صبر و شفت على جووجل و شفت بعد من كلام الناس إنه فيه نتيجة لكن يوم سويت سيرج بالعربي العرب ماشافوا أي نتيجة ما أعرف هل إٍستخدامهم غلط أو شو ما أعرف .. 

و الحين رديت أستخدمه و يحتاج على الأقل 3 أشهر و لازم أستخدمه مرتين في اليوم  عشان تطلع النتيجة وناس تبين عليهم بعد الثلاث أشهر ممكن 5 أو 9 على حسب .. بس المهم إنكم تستمرون عليه، و هو مب بس للتشققات، بعد اللي يعاني من البشرة الجافة، و يصلح للجسم كله، و للحبوب، يخفف من آثارهم و اللي يعاني من عدم توحد لون بشرة الوجه هو يعالج هالشي و أنا حتى أجربه على ويهي .. 

و الصراحة أشوفه حلو حق الويه حتى غير ملمس بشرتي .. 







و هذي النتايج 






حد إستخدم هالزيت و ممكن يفيدنا ؟

هناك 9 تعليقات:

  1. عجبني فكرته
    يسلمو :)

    ردحذف
  2. والله ما عندي فكرة عنه
    بس عجبتني سالفة انك تبحثين بالانقلش وتبحثين بالعربي

    متى اتعلم اللغة بس

    ردحذف
  3. من اروع ما يكون. ساراي استخدمة اكثر من ٥ سنوات. هو اهم شي البنت تستخدمة من قبل الزواج بعد. حلو لترطيب البشرة ويهيئ البشرة لما بعد الحمل والولادة. مفعولة يكون افضل اذا استخدم كمرطب من عمر صغير.

    ردحذف
  4. طيب حبيبتي ممكن تقولين من وين خذيتيه اي صيدليه

    وشكرا

    ردحذف
  5. كوكتيل

    شكرا
    ------------------

    مبدعة

    صدقيني البداية صعبة بس شوي شوي يسهل، إنتي تتحسبيني شاطرة في الإنجلش، بس الحين قاعده أحسن اللغة و أترجم كل كلمة ما أعرفها و أسجللها ..وكل يوم أفتح الدفتر أجلب الكلمات و ساعات أيلس أنسخها عشان أحفظها، لأني صدق ناويه أحسن اللغة .. !!

    ---------------------

    Manal

    و الله زين لقيت حد يستخدمه، و هو أنا لاحظت يباله صبر مب من أول إسبوع أو شهر بتلاحظين النتيجة .. أنا قلت بشوف بعد سنة و قلت بصور جزء من التشققات و بشوفها عقب سنه كيف بتصير .. و لاحظت إنه يرتب بشرة الجسم كلها ..
    بس إنتي لاحظتي نتيجة على التشققات إذا طبعا فيج ؟؟

    ------------------------

    Maha

    مها بتلقينه عند صيدليات بووت هي اللي تبيعه ..

    ردحذف
  6. السلام عليكم ورحمة الله وبركاته ,,,


    والله تبين الصراحة كان عندنا واحد منه بس مافي فايدة لاني صج محتاجنه حق البقع الداكنة الي على ويجهي

    شكلي برد استخدمه

    وسلمتي~

    ردحذف
  7. caaptin khalid

    واحد ما يكفي يخلص، لأنه لازم تستخدمه مرتين في اليوم، و تصبر عليه 3 شهور على الأقل .. عشان تطلع النتيجة و في ناس شفتهم على يوتيوب في إسبوعين لاحظو النتيجة طبعا مايخووز بسرعه بس يخف شوي عن قبل .. و إنته جربه 3 شهوور و يفضل تصور ويهك قبل و بعد عشان تحس بالفرق ..

    ردحذف
  8. وايد قريت بالنت يمدحونه وشوفه بوتس بس عمري ماجربته ..

    ردحذف
  9. جربت مثل نوعيته يوم كنت في تاينلد ..
    لكن هناك فرق عندما تضعه لك "التايلندية" و "الهندية" !!

    * أفهِمت ؟

    ردحذف