الأربعاء، 19 يناير 2011

1 كــرك عــلى أحلى جو .. !!


صـــباح الخــــير على صوت المطر، و جو المطر، و على هالجو المغيم .. مستانسه إني ما شفت الشمس من 3 أيااام هههه .. و إن شاء الله الإسبوع كله يــــــارب .. 

طبعا بعد إكتشـــافي للتحرير اليديد إستويت أحب أنزل صور و فيديو هههه .. فاليوم البوست ممتع كله صور ههه .. 

اليوم سرت مع بنات خالتي نمشي على البحر  و كان الجو رهيب، و يوم رديت البيت و شفت قطرات المطر و على هالجو لازم كـــرك .. 

صور من الموبايل :- 

هني في الفريج سايرة أشربلي أحلى كرك.. 






و وصلنا كافتيرا الفروانية حق أحلى كرك . . أونه الكــرك يدفينا في هالأجواء الممطرة ههههه ..بس والله طعمه لذيذ يكون ما أعرف ليش .. 





1 كــــــرك .. ههههه مسكين زايغ على الكرك مغطنه بيده عن المطر ..  صدقني بابا لو لو تحوث الشكــر بصبووعك بشربه ههههههه كله ولا الكـــرك في هالجو هههه



لا حظو ورايه سيايير .. يوزع بكوباته ههههههه، على فكرة الفروانية عليه زحمة وااايد .. لأنه الكرك ماله صح ..





و وصل الكــــــــــــرك .. وصل المعرس ..



و عقب رديت خذت شي إسمه هورلكس، ربيعيتي قالتلي طلبيه لذيذ قلت خل أجربه بس  طـــــــــعمه شو  لذيذ تقوولون سيريلاااااك في حليب .. غـــريب طعمه  أنا وين عنه من زمــــــــان ههههههههه..




و الحين بروايكم صور ماليل البارحة كنا سايرين البحر إنطعم الطيووور، هذيل موسمهم الحين في الشتاء و ما شاااء الله ، الله يزيدهن كل حد يالس في صوب و يفر عليهم الخبز منو إيمع أكبر عدد من الطيووور ههههههههههه ..
بس طبعا صور الكيمرا هالمرة مب الموبايل ..












عيبتني هالصورة الخبز يبين ..




أما هذ الدوبي خـــطير سحادة و الستائر.. زين إنه داخل الفريج مب برع على الشارع .. 



هناك 21 تعليقًا:

  1. الله
    عجبتني صور النوارس
    خصوصا اللي وراهم مأذنة المسجد..

    اللهم بارك مزاجك حلو في التصوير..

    ردحذف
  2. أنا أحب التصــوير، لكن هني اللي خرب الجو كان وايد مغيم و ثاني شي أنا ما عدلت في الإضاءة، بس طلعن زيناااات ..

    و مـــشكوورة مي ..

    ردحذف
  3. ماشـآءالله @_@!
    حسستيني بأجواء الصباح الرآيقـة مع الكرك ،

    وحلوة صور الطيـور حبيتها جداً بعدستـج ~


    يعطيج العافيـة عزيزتي ♥

    ردحذف
  4. لووول ضحكتيني

    خوش صور

    بالعافيه الكرك

    والفروانيه منطقه عندنه هههههه

    ردحذف
  5. درب درب ...سمعت شي كرك خخخخخخخ

    آآآآه صدقج الكرك دايما حلو بس ايام الشتا تحلى القعده معاه ....تصدقين ذاك اليوم يالسه اشرب كرك في هالجو البارد جان أألف بيت شعر خخخ
    تقول الشاعرة أم حروبي
    ماريت غير الكرك يسليني...في عز ضيقتي عن الناس
    أرشف من كوب(ن)يدفيني...وماهمني عذل عديم إحساس
    وسلااامتج

    على طاري الهورلكس..في شي اسمه خلاط هذا عجيييب طعمه جنه بسكويت مع سيريلاك

    النوارس ذكرتني بايام تركيا ..اسميعم يخوفون ><

    وإن شالله يتم الجو جذي ..أمس رحنا سوق اليمعة ناكل ذرة يم يم ..

    بالعافية عليج الكرك خيتوووو ^^

    ردحذف
  6. ألوا التفاؤل


    محلات الكرك الصبح ..

    وشكــرا لج .. المهم إنه الصور عجبنج >>

    ---------------

    شاي الضحى

    طلعت عندكم الفرواانية، هههه أنا أعرف إنه إسم منطقة بس ما اعرف في أي دولة هههههه ..
    و الله طلع إسم الفروانيه خطييرة، عساها منطقه سنعه هههه ..

    --------------------

    أم حرووبي

    خخخخخخخ يا الشاعرة و الله يبالج بوست تتغزلين في الكرك هههههه حلو شعرج والله ..
    كفايه أرشف من كوبن يدفيني يا سلام هههه

    الهورلكس ترا جي طعمه شرات البسكوت على السيريلاك ..

    الله كشخة، ذره ويا هالجو أحلى شي و يا محلاها و هي مشوااايه ...

    ردحذف
  7. بالعافيه الكرك والكرولكس خخخ..

    والصور وايد حلوه ماشاءالله ..

    مشكوره..

    ردحذف
  8. يمممممممي

    جوله رائعه

    شرات جولتي اليوم بالضبببط

    حياتي والله

    حبيت مدونتج

    اسمحيلي ..بتابعج دايماً..

    ردحذف
  9. حتى نكون معاج بالصورة
    فضلا لا امراً
    اكتبي المصطلح العلمي للكرك (:

    شنو هالكرك ؟؟؟

    ردحذف
  10. رورو الشخبوطة

    الله يعافيج .. هورلكس مب كلوركس هههههه لو لذيذ و إسمه كلووركس ما بشربه الله يستر شو فيه هههههه .

    و شكــرا لج ..

    -----------

    سلامة السويدي

    هلا و الله فيج ..
    الصراحة على الجو البارحي ما يتفوت جاهي حليب لو أوني ما أبا أشربه بس على قولة أم حروبي أرشف من كوبن يدفيني هههههه ..
    و تنور المدونة يالسويديه فيج ..
    ---------------------------

    محمد

    غريبة ماتعرفه ..

    المهم
    تعريف الكرك: هو عبارة عن جاهي حليب، بس معروف الكرك يزيدون جاهي فيه أكثر، على عكس اللي إنسويه في البيت جاهي حليب، و ساعات إذا سوينا نفسه قلنا كرك، و أصل هالكلمة " كرك " هندي .. يعني إذا مريت صوب أي كفتيريا في الإمارات قوله 1 كرك ههههه و بييك أحلى كرك إن شاء الله ..

    ردحذف
  11. عجيييب الجو كان البارحه
    ولا جنه فالبلاد@_@

    وصدق من يطيح المطر الواحد ما يطرا على باله غير كوب كرك


    وعاااد تصدقين على طاري الهورليكس
    امسات اقول بصور غرشته وبحطها فمدونتي
    لانه من الاشياااء الفيفوريت وتقريبا كل يوم لازم اشربه

    يبالج منه غرشه فالبيت حلو حق الريوق .. ولا شو رايج ؟

    ردحذف
  12. الجو عذااااااااااب هالكم يوم الله يديمه ولا نبا نشوف الشمس والكرك ياسلام قريت الموضوع وقلت حق الشغاله سويلي كرك بس عاد كرك الهنود بالوصف الثاني بدور عليه في بوظبي ما اظني عندنا

    ردحذف
  13. مطر مطر

    وهل فيه أحلى من الأجواء الممطرة الرائعة

    اسال الله أن يجعلها أمطار خير (صيباً نافعاً)

    وأن يرزق بلادنا وبلادكم كل خير وعز ورحمة.

    ردحذف
  14. ما عندنا برد ولا مطر ف مسقط بس صراحة شهيتيني للكرك

    ردحذف
  15. tammy

    تسوين زين لو حاطيتي الهورلكس أنا وحده أبا أعرف شكله، قالوولي ينباع برع الهورلكس و أنا آخر من يعلم هههه
    هي يباااااالي منه الصراحة

    ------------------
    Mrs. purle

    هي والله واايد عجييييييب .. ههههههههه سويت دعايا حق الكرك عيال .. ليش ماعندكم هنود.. ليش إنتي وين عايشه الإمارات بكبرها هنود هههههههه ..

    --------------------

    كنوز القمم

    آمـــــــين يا رب العالمين و الله يديم أمطار الخير على الجميع يارب ..
    ------------------------

    إبداعات قلم

    غريبه ماياكم مطر، بييكم صبري شوي، يالله يبالج تعيشين الجو و تشربين أحلى كرك

    ردحذف
  16. السلام عليكم...

    على المطر عسى الله يزيده
    والكرك...أممم شنو سر الايماراتين وياه أحنا
    نحبه بس ما أظن أحد يغلبكم ؟!!

    أحنا بعد عندنا منطقة أسمها الفروانية بالكويت ؛)

    وبصراحة هربت صور النوارس إذا يعني ما يزعلج وإذا لقيت موضوع يناسبهم بنزلهم وبقول أني سارقتهم عنج

    أوكي ؟ وإلا مو أوكي

    أدري فيج طيبة بترضين ..شكرا *_^

    ردحذف
  17. خاتون

    ههههههه ما أدري ها شي أساسي عنا الكـرك و الله لو تشووفين الزحمة البارحة وقت المطــر تحسين إنه مب ملحق مترس الكووبات في الصينية و يوزع و حد يرده على أساس إنه الحليب برد ههههههه ..
    هي قالت شاي الضحى منطقة طلعت عندكم وهذا أحسن كافتيريا كرك في جميرا ..
    و عن الصور حلاااااااال عليج، خذي اللي تبينه ..
    لا و المشكلة إنتي واثقه بعد ههههه ..

    ردحذف
  18. افا عليج بوظبي ثرها تخلى من الهنود انا اقصد يعني في دبي الهنود عباقره يخترعون في بوظبي من الدهان اللي يترسوبه روسهم ما عندهم غير الكرك

    ردحذف
  19. هههههههههههههههههههههه
    هههههههههههههههههههههههههههههههههههههههه

    والله ظحكتييييييينييييييي هههههههههه

    ردحذف
  20. An outstаnding sharе! I've just forwarded this onto a co-worker who has been conducting a little homework on this. And he actually ordered me lunch simply because I discovered it for him... lol. So let me reword this.... Thank YOU for the meal!! But yeah, thanx for spending some time to discuss this subject here on your blog.

    Here is my web blog; www.Paydayloansonlinet3.com
    My web blog : Online Payday Loan

    ردحذف
  21. I’ve learn a few good stuff here. Certainly worth bookmarking for revisiting.
    I surprise how a lot attempt you put to create the sort of excellent informative web site.


    Also visit my webpage back of knee pain

    ردحذف