الثلاثاء، 4 يناير 2011

كيف تروني ..؟؟

الصــراحة هالبوست مصــرووق من عند أم حرووبي هههههههه، و عجبني وايد ..
.

بالملخص " كيف تشووفووني "
.
أنا كنت كاتبه رد لأم حرووبي، و شفت الردوود تقريبا في ردوود مشابه لي و في أشياء انا قلتها صح يعني التدوينات تبرز شخصية الإنسان و نحن نكون متخيلينه صــح ..
.
فعشــان جي في خـــاطري أعرف " كيف تروونني " الله يعيني على الصدمات ههههههه
فعــشان جي بقتبس كلام أم حروبي ..

"
يقال إن كنت تريد أن تعرف شخصيتك حقا فعليك أن تراها بعين الآخرين
<<أم حروبي تقول :)
بناءً على هذا ..
كتبت عزيزتي فوفو تدوينة "كيف تروني؟"...وارتأت أن أكتب عن نفس الموضوع حتى تخبرني كيف تراني وبما أني طماعة فأريد من فوفو ومن كل من يتابعني أن يصف كيف يراني في خياله ..ما هو التحليل الذي توصل إليه من جراء قراءة كلماتي .. "
كيف ترون AM.SA.CHANNEL ..ماهي شخصيتها في الواقع ...

طلعتي خطيرة أم حروبي نسوي على كلامج إقتباس هههههههههه
يالله شقى متخيليني خخخ

هناك 16 تعليقًا:

  1. يالهوي دي سرأة بعز الليل ..هههههه
    يووووه من قدي ..يسوون عني اقتباس جان أصدق روحي لوول ..أنا روحي متسلفه الموضوع من فوفو >>أونه متسلفه نجمل السالفة

    هممممم ياااه شو أقولج ..اسمج معقدني ..اختاري شي اناديج فيه تراني عصبت خخخخ

    انت ..همممم
    تحبين السياسة فاااجد فاااجد ...
    وايد جدية ..
    احسبج تلبسين نظارات جي مال محاماة احسهم متزمتين >>>عيل نحن قصااار هاااه

    خخخ لا امزح ..بس صج احسج تلبسين نظارات ..
    عصبية ..مو بسهولة ممكن الواحد يرمسج ..
    بس فففيج خفة دم اكتشفتها في الفترة الأخيرة :)
    تحبين النظام ..وتتنرفزين لما تشوفين حد يخالف القوانين
    تحبين تقرين ..وتعرفين وايد يعني لو في شي ماعرفتيه تدورين عنه وتقرين
    لج أسلوب في الحوار ..احس بستانس عليج لي رمستج في قضية مهمة تخص المجتمع احب اللي يناقشون :)

    هاللي يا على بالي ..مادري إذا صح ...
    لووول أسميج ضحكتيني على بوست القهوة والكرك :)
    الله يسعدج :)

    ردحذف
  2. وييييييه طلع تعليق طويل خخخ

    ردحذف
  3. نراكي سارقه وهذ البوست كبر دليل خخخخ ..

    لا اتغشمر..

    انا اليوم مستانسه فبصير رمانسيه وركيكه خخخ..

    انا ماعرفت بنات الامارت الا من النت وحبيتهم صراحة بنات ومحترمات ..

    انتي من اشوف هههه اذكرج خخ ..

    يعني باختصار اشوفج ههه صار في ارتباط بين الكلمه وبينج :)

    تعالي وين الصور اللي واعدتنا فيهم ؟

    ومرسي :p

    ردحذف
  4. مساء الخير

    :)

    في الحقيقة هذه زيارتي الاولى هنا

    فلا استطيع ان اخبركِ كيف أراكِ بصدق
    لكني حقاً احببت اهل الامارات من أم حروبي الغالية ..
    وعلى فكرة ،، أنا فوفو اللي تتكلم عنها ام حروبي ؛))

    سعيدة لأن فكرة موضوعي قد أعجبتكِ ،،
    حقاً نحن نحتاج ان نعرف وجهة نظر القارئين لنا :)

    سأكون في الجوار حتى أعرفكِ ..
    أرق تحية لكِ ..

    ردحذف
  5. أم حروبي

    هههههههههههه شفتي كيف طلعتي خطيرة ههههه عن الإسم سمي اللي تبينه خذي راحتج هههه ..

    أما عن السياسة، كان حبي الأبدي السياسة الحين لا ما أحن موول السياسة، بس مازلت أتابعها لكن مب نفس قبل ..

    أما عن الجديه، وقت الشغل عندي جد ما أحب أتمصخر مووليه، لكن في الأوقات العادية و لا يخصني في الجد موول بالذات في البيت أحس إذا إستويت جد يمصخرووني هههههههه
    متزمتين أونه ههههههههههه لالا ما ألبس نظارة

    لا عاد أم حروووبي أنا وييين و العصبية ويييييييين .. أنا وااااااااااايد باااااردة هههههههه أنا نادر ما أعصب أصلا، أتحمس للمواضيع لكن أعصب لااا نادر ما أعصب، بالعكس أنا كل من هب و دب يرمسني ويفتحوون حوارات ويااايه ههههههه و طبعا لأني محامية أتقبل كل شي بصدر رحب و بإبتسامة عريضة ههههههههه ..

    عن خفة الدم، أنا إمبوووني خفيفة دم من إستويت هههههههه، شو ها أم حرووبي عقدتيني نص أشيائج اللي قلتيها غلط ..

    أما عن النظام هي في هاي صدقتي، ما أداني أشوف حد يخالف القانون أتنرفز بس ما أعصب هههههه .. و عن القرايه هي وااايد أحب، و هي ما شاء الله عليه عندي إسلوب رائع و شيق في الحوااار ههههههههههههههه ..

    بس أحب أدخل في نقاشات جامدة ..
    و الله تعليقج طلع طوويل و يظحك و صدمااات هههههه ..
    صح أم حروبي بتشوفيني عن قرب في الجامعة الكورس الياي إذا الله أحيانا إن شاء الله .. يبونا الجامعة إنحاضر لبنات القانون .. تعالي وشوفي الجادة و العصبية هههههههه و الله موتيني من الظحك ..
    ===========================

    رووروو

    هي شفتي، إستويت صراقة، و يا محلى هالشغلة هههه أستغفر الله ما أدري ليش درب الحرام ممتع أستغفر الله .. بس و الله صدق، أنا جني جلبت الموضووع هههههه

    يا سلامممم رومنسية الأخت *_* منو شفتي اليوووم ههه يالله إعترفي

    " ههه " لاحظت وايد هالفترة أكتب " ههه" ما أدري شو السبب أظحك بظمير شو ما أعرف ..

    لا بنزلج إن شاء الله الصور، بس شو أسوي أتهايز انزل ما تدرين كيف، أنا الحين خل أنزل حق شاي الضحى صورة المعجبووون قبل هههههههههه ..
    و شكرا لج و حتى إنتو بنات الكويت أستانس عليكم و على طنازتكم اللي ما تخلص ههههههههه..

    ردحذف
  6. pen seldom

    يا مرحباابج، و إن شاء الله تقضين وقت ممتع في مدونتي على قولة كريزي مجلس حريييم ههههه ..

    و هل يخفى القمر، أدريبج إنج فووفوو ما قصرت أم حروبي و قالت ههههه .. مدلعتنج بعد هي ..

    و هي و الله عيبني حسيت نص الردود على أم حروبي متطابقين و اللي غير .. يعني سبحان الله كيف الواحد يرسم شخصية الإنسان .. و بالذات الصدمة العجيبة اللي يتني من أم حروووبي هههههههههه .. في الفترة الأخيرة إكتشفت إني خفيفة الدم ههههههههه ليش مثلا طول هالفترة كنت ثجيلة هههههههه ... أم حروبي حركاات

    و حتى أنا ما تعرفين شقى أحب أهل الشرقية و الرياض مع حبي لك مدن السعودية لكن هالمنطقتين بالذات إلهم معزة لأنه أصدقائي عايشين فيها ..
    و سررت بزيارتج ..

    ردحذف
  7. هههههههههههههههههههههههههههههههاااااي وااااااي فشله كله غلط
    اهم شي ضحكتج...مادري جذي تخيلتج يمكن لاني عرفت انج محاميه جذي يا عبالي ‏...صج بتنور الجامعه والله خبريني متى بتين لازم اشوفج عشان اتاكد انج ماتلبسين نظارات ‏...اهم شي تلبسين الكوت الاسود مال محاماة عشان اعرفج
    صج موتنسين...احسج انت بتنصدمين يوم بتشوفيني خخخخ

    ردحذف
  8. أم حروبي لا بخبرج قبل لا آي بس قالولي على شهر 3 أو 4
    لاما بنصدم اغلب اللي قله عنج صح هههههه .. شكلج إنتي بتنصدمين مب أنا هههههه ..
    بس ما يستوي ما أسير و ما أخبرج إن شاء الله بتعرفين ..
    ترا كل حد فاهم المحاماة جد و عصبيه و لسان طوييل و لا هو ما يخصه المحاماة يقطر خفة دم هههههه ..

    ردحذف
  9. هههههههههههه والله هالبوست مونسني اليوم ..صج ترى من فترة اكتشفت انج خفيفة دم قبل كنت احس بج متزمتة مادري كل مواضيعج كانت سياسية ...
    لا بتنصدمين ..ابصم بالعشرة ..تراني في الحقيقة غير خخخ ...
    يوووه كله عبالي اقولج اسوووم ...اقولج سوسو مثلا خخخخ

    تدرين يالسه أعد كم مره انكتب اسمي هني ...جان أصدق رووووحي خخخ <<وحده ماتنعطى ويه لووول

    ردحذف
  10. بشوشه, متسامحة, ما تتجاهلين حقوقج, اجتماعية, حركية, تقدرين الأشخاص اللي تتعاملين معاهم وما تستهينين فيهم, مستعدة, أحيانًا برغم انج انسانة مبادرة بطبيعتج يمنعج الخوف من التجربة..

    في أشياء وايد
    ;P
    عسى ما خرته؟

    ردحذف
  11. أم حروبي
    ههههههههه بنشوف يمكن غير، و عن الإسم سمي اللي بتسمينه لو سووسوو حلو بعد ... عاده |سمج إنكتب وااايد إٍستويتي مشهووره جدا في هالبوست ههههههه ..

    ---------------------------

    seema*

    أويه كيف عرفتي هي و الله دوم جي الخوف يمنعني ساعات واايد و ما أجازف، و إنتي عرفتي جزء من شخصيتي الصراحة بس عن حقوقي، لا ساعات أتجاهل، لو كنت أبدا ما أتجاهل حقوقي ما بقد أعيش في هالعالم، فالإنسان لازم يتنازل ســاعات و في أمور معينة ..

    بس طلعتي 10 على 10 ما شاء الله

    ردحذف
  12. رومانسيه منظمه مرحه وايد
    ومثل كل بنات الامارات والكويت والخليج خلوقه ومحترمه وايد
    والصراحه احب اللهجه الاماراتيه وايد في مدونتج
    وثانكيو

    ردحذف
  13. لا مول مب رومانسية و لا منظمة ههه، بس إن شاء الله أكون منظمة أتمنى أبا اغير هالطبع اللي فيني ..

    ردحذف
  14. أزال المؤلف هذا التعليق.

    ردحذف
  15. أراك إنسانة مرحة..إجتماعية..تسعين جاهدة لتقوية علاقاتج.. وتخلطين أشياء عجيبة (جاي أخضر وكيك)..رومانسية.. فيج طفولة وبراءة.. مالج إطار ثابت لشخصيتج يعني موروتينية.. مثقفة لكن غير متفلسفة.. متواضعة وهاذي صفة اماراتية.. دوغري ماعندج شي تخشينه صريحة.

    &
    We lUv U
    *_^

    ردحذف