الأربعاء، 5 يناير 2011

مكان ريلاكس للقراءة " كينوكونيا "+ فندق الراية





الصــراحة ما عرفت شو أحط عنوان لهالتدوينة، أصعب شي في حياتي أختار عنوان لموااضيعي .. أحس ياخذ مني وقت طوووييل ..


اليوم الله يسلكم تدوينتي غــير عن كل تدويناتي هالمرة صور، نيو لووك ههههه، قلت خل شوي نغير إنزل صور و مره وحدة إنزل في نفس البوست الصور اللي تترياهن رووروو الشخبوطة هههه، و عقبال ما أنزل صورة المعجون حق شاي الضحى ههههه ..



.



المهم خلونا نبدأ و أحس " مي " بيعيبها هالمكان ..



نبدأ بمكتبة كينوكونيا و مكــانها في دبي مول الدور الثالث .










.


هذي صور المكتبة من الداخل و إضم الكتب الإنجليزية واايد أكثر عن العربية، و الكتب العربية و الكتب الكورية أو اليابانية شي جي ...

.



.



داخل هالمكتبة مثل الكوفي أو مطعم مصغر، واايد أحبه، ماتدروون يوم أيلس فيه كله أحس إني أبا أرقد، هدووء و يحطون ألحان تخليكم مرتاااحين.. واللي يعيبني في هالكافي إنه ياباني ..



و أنا طلبت نوع من أنواع الجاهي الأخضر الياباني مع كيكة كاكاو



.



.

أنا يوم شفت الكيكة قلت شو ها شكلها موول مايشجع، بس ماتوقعت إنه طعمها حلو و الأحلى إنها مب ثجيلة مووول، ذكرتي بنفس طعم جوكلت كيك مالت ستاربوكس بس مالتهم هم خفيفففه وااايد ..








و هني المنظر الخارجي لهالكافي






.


هاي القعدة


.


.


و أنا كنت أقرا هالكتــاب اللي الصراحة ماوقعت يكوون جي حلو، توقعت يتكلم عن الإدارة طلع عن حياته بس وااايد حلو ..
.






أممممم الصراحة كانت الأجواء روعة بالذات جاهي أخضر مع الكيكة روووعة ..





اللي يعيبني في هالكافي هدووءه و الجرسون ما تزقروونه، تشوفون عدال الكوب مثل الجهاز إذا بغيتييم إدقين عليه و إيييج، واايد حلو نظامهم .. !!








المكان من داخل، مارمت أصور، لأنه ناس يالسين مب حلو ة ..


و أحلى شي كراسيهم تخليج تقرين كلها مخـــــــاد من كل الجوانب .. ترووموون بس شوفوا الحنا كيف معدل في الصوور يا سلام هههههه





و هني خلصت من أكلي الحمدالله والقراية ..و كانت عيووني كل شوي تصك من الأجوااااء .. وقلت خلني أسير البيت و طلعت من المكتبة على الساعة 1 ..









==============================================================









أما هني فسيرتي للكويت، بحطلكم صور الفندق أنسى إسمه، بس ربعي دوم يقولوون فندق الراية، فعشان جي أنسى إسمه الأصلي ..









هني وصولي للكويــــــــــــــــت





.


هذا الفندق من الداخــــــــــــل في اللوبي


.




.


و الشي الغريب و الحلو في هالفندق انه المطعم يجابل الرسبشن، يعني و إنتوا تاكلوون تعرفوون من الضيوف الكرام في هالفندق و منو يودع الفندق ههههههه كلشي لايف جدامكم بس المكان حلو واايد ..


.






ما أعرف شو المعنى من هالصوور بس صورتها هههههه، هني عدال غرفتنا .







.


اللي عجبني في نظام الغرف، إنه حاطين حروف للي مايشووفوون و الصراحة شي حلو ..





و هذي الشبرية ..




.


و هذا الحمام وإنتو بكرامه


.



.


أنا أول ما دخلت الغرفة و يلست على الكرسي كنت أحس بتعب، و أختي تقولي شوفي تفاحة على طوول سرت و كلتها، قلت يت في وقتها، و الله بس شي حلو بدال مايحطوون كاكاو حاطين تفاحة .. وشكلها يشهي الصراحة ..


.




.


السنطووووووور، مادري ليش تخبلت عليه، مادري في حياتي ماصادفني سنطور في غرف الفنادق ساعات هي لكن سنطوور لأول مرة إستاانست عليه هههههههه والله إستويت سيلانيه هاليوم .. " السنطور هو المنبة " لغير الناطقين بالإماراتيه ههههههههههه ..


.


.


و هذا أهم شي لقيته في الكبت، لأني ماكنت شاله ويااايه "أوتي" ماروووم أحول، خفت الفستان ولا العباة تتجسف على الأقل لقيت شي ..


.





و هذي العدة الأهم نحنا دايما في السفر نشل هالدلة بالكهربا و كنت أبا أشل وحده ويايه بس ما شليت ولقيتها موجوده ويا العدة .. حسيت هالفندق فاهم أنا شو أبا هههههه..






.


و هذا المنظر من الحجرة الفجر، نشيت سيده أصور هههه ..



و اللي تحتها من المطعم










و هالمنظر من الشارع هههههههه .













و يا محلاتج يالكـــــــــــــــويت، الله يردني لكم إن شاء الله قوولوو آميـــــــــن



صح في بوست قبل هذا البوست، ممكن أشوف آرائكم فيه هههههه

هناك 24 تعليقًا:

  1. وانا اقوووول الكويت ليش منوووره

    ها بشري عسى استانستي

    منوره منوره حبيييبتي

    ويارب تعيدينها مره ومرتين وثلاث

    ترا بالصوره الأخيره انتي مبينه وفونج بعد كفره اصفر خخخ

    ردحذف
  2. واي ببجي كتبت رد طولي وانمسح اهي اهي ..

    الحين بنام باجر ارد ان شاءالله..

    بس مرسي مرسي ع الصور ..

    ردحذف
  3. يا هلا باهل الامارات بالكويت

    دايما نظل اخوان
    :)

    طبعا البوست كله اهم شي فيه المكتبة
    تحسفت اني ما عرفت المكان لما زرت دبي مول

    بس لازم ازور المكان مرة ثانية باذن الله
    :)

    ردحذف
  4. آمين
    أنا بروح المكتبة ;P
    يازتلي!

    ردحذف
  5. ناطره المعجون ههههه

    هالمكتبه تينننننننننن

    اذكر دشيتها انا واختي وامي كانت بره تنطرنه لان معاها اغراض الشوبينغ

    جان نقعد فيها وننسه امي ههههههههه

    صج عجيبه ومريحه والكتب الانجليريه واااااايد حلوين ما تدرين شنو تاخذين

    --------

    اسم الفندق للمره المليون: كوووووورت يااااااارد ماريوت هههههههه

    @@

    لوووول من صجهم حاطين ستاره بالحمام؟!!

    الحين الفنادق كله زجاج ويكون كل شي معزول بباب

    سنطور شكرا على المعلومه ههههه

    وزين فيه اوتي انا كل ما اروح فندق لازم اطلب اوتي

    وان شاءالله تزورينه عن قريب ونفر فيج بالكويت كلها :)

    ردحذف
  6. باج..

    شكلها المكتبه تشوق خاطري اي دبي شهر ع الاقل عساس اروح كل مكان ع راحتي ..

    وياحلات البوست لما يكون مصور نعيش الجو معاج..

    ان شاءالله تزورينا مره 2 وتشوفين الكويت عدل..

    ونسيت باجي الرد اللي امس خخخ..

    وحتى انا ناطره صورة المعجون ...

    ومرسي..

    ردحذف
  7. Unique Girl

    الكفر إمبين، لكن هذيج ما دققت عدل زين قلتي ههههه ..

    شفتي كيف نورت الكويـــت و يوم يييت من كثر ما كنت منورة كان جوكم دااافي ماشي بــرد هههههههه، و عيبتني الكويـــت وايد، أنا أصلا أحب الكويت هي و أهلها قبل لا أيييها ..

    -------------------------------------

    رووروو الشخبوطة

    ها رووروو عســـاج مستااانسة الحـــين على الصور ههههههه بس نص الصور أنا فيهن مارمت أحط ..

    هي وااايد حلوة المكتبة، إنتي تعالي و بسوييلج جولة فيها .. جان تبين سياحة في دبي زاهبين .. بس تعالي إنتي ..

    إن شاء الله آيييكم عما قريب ..

    و يهالمعجون اللي توهقنا وياااه ههههههههههه ..

    -------------------------------

    Manal

    منال من زمان عنج وينج؟
    إن شاء الله دوم إنتم إخوان و حبايب ..
    هي هالمكتبه فنــانة، و بالذات لما فتحو فيها هالكــافي إستوت أحلى، و يا حلات المنظر يونس ..
    يبالج تييين مرة ثانية ..
    ---------------------------------

    seema*

    هي حلوة واايد، المهم إنها يازتلج ههههه إن شاء الله نشووفج فيها بنسوي وياج زيارة للقراءة هناك هههه ..

    -------------------

    شاي الضحى

    ههههههههه توهقت ويا هالمعجــون هههه ما بقول بنزل صورة، ما أدري من وين ياني عرج الهيازة أستغفر الله ههههههه ..

    هي شفتي تينننننن، وحليلها أمج، لو يلستووها شوي هههه ..

    تدرين ليش ما يعلق عندي إسم الفندق لأنه كنت أسمع فندق الراية، و هي القاعة الراية، فتخيلي يوم سألت دورت على النت هالفندق ماشي لين عقب ما قلتلهم إسمه غلط هههه زين ما سرت مكان ثاني هههه .. من جي أريح عمري و أسمييه الراية، بس فالج طيب فندق كورت يارد ماريووت لوول ..

    تصدقين ما دققت للستارة ههههههههههههههه، هي إلا ليله وحده، و تعب كان ما توقعت جي .. !! ف مالاحظت .. بس صح كلامج احين محد يحط ستــارة ههههههههه ..
    والله ظحكتيني ..

    ردحذف
  8. والله مكان راقي وحلو بس خيانات ابد ماتعزمينا نشرب وياج ها الشاي الغاوي بس بسيره ولابعزمج

    وع طاري العنوان يالله صدق ساعه لين انشوف شوهو العنوان المناسب للبوست

    ماشاء الله عليج وربي يحفظج من كل شر وبالتوفيق حبوبه

    ردحذف
  9. خوووش مكتبة ما شاء الله :)

    وإن شاء الله تردين الكويت *_*

    ردحذف
  10. المكتبه تفتـــح النفس

    احب اجواء الكتب والمكتبات

    كتاب حياة في الاداره روعه قريت نصه وعجبني وان شاء الله باكمله يتكلم فيه عن حياته الوظيفيه وايام الجامعه اللي درسها برا

    شانيل ترى اتحرى بوستك اللي عن رمستكم العاويه مع السعوديه

    ردحذف
  11. حبيت حبيت حبييييييت المكتبه!
    وايد اكثر شي !
    ان شالله اسييييييير

    ردحذف
  12. حياج الله بديرتج الكويت الحمد لله انج استانستي فيها

    ردحذف
  13. منورين اهل الامارات


    مشالله يازتلي المكتبه شرحه وتشجع عالقراءه

    ردحذف
  14. أمواج
    هي حلوة، إن شاء الله يارب الله يسمع منج ..
    -----------------------

    lil.D

    المكتبة حلوة واااايد لاتفووتج، بدال إمارات موول سيري هالجمعة دبي موول بتستانسين فيها واايد ..

    -----------------------

    أميرة عربية

    هي واااايد إستانست فيها.. ماتعرفين كيف حبيتها .. الله يردني إلها..
    ------------------------

    Made in Q8

    هي وااايد تشجع على القراءة، بس لو ممكن تقرين و إنتي في الكوفي بدال ما تشترين الكتااااب أحسن يعني تتصفحين على الأقل، يعني لازم تشترين الكتاب .. أو ييبي كتاب ويااج ههه

    ردحذف
  15. فكرتينى بالتسعة اشهر اللى عشتها فى الكويت بجد انا بحبها واحب اهلها ولكن النصيب اللى خلا الواحد مايكملش فيها اما بالنسبة للمكتبه انا لو فيه مكتبه زى كده كان زمانى اخذت الدكتوراة تحياتى

    ردحذف
  16. المكتبه وااااايد حلوه .. اعجبتني :)

    وان شاءالله تردين لنا عن قريب :*

    ردحذف
  17. Heshm

    ما شاء الله، و غريبه شو السبب اللي خلاك تخلي الكويت؟ بس يالله و عسى أن تكرهوا شيئا وهو خيرا لكم ..

    هههههه إنته ماشاء الله عليك دكتور يا أستاذ هشام، لما تجي دبي إن شاء الله تعال زورها ..

    ========================

    Fisha

    هي واايد حلوة
    إن شاء الله .. الله يسمع منج

    ردحذف
  18. المكتبه تشوق انا دايما اتحلطم من هالسالفه معقوله الكويت ما فيها مكتبه وكافيه كان في بفيرجن بس حسافه شالوه ومره قريت ان في بالديره think cafe بس ما ادله مره بالغلط وانا مضيعه بالديره حصلته بس حسافه ما مداني ازوره عليكم بالف عافيه وشكلها تونس المكتبه وحياج الله نورت الكويت بوجودج

    ردحذف
  19. تدرين عاد هذي مكتبي المفضلة في ماليزيا
    كل يوم نروح ونرد لها
    ماغير نقول ليش ما تفتح عندنا بالكويت..

    حلوة القعدة في دبي
    والإطلالة بعد عجيييبة..

    أنا ويني عن البوست هذا..
    تصدقين مادري انها فاتحة في دبي..

    ردحذف
  20. السلام عليكم...
    لمن شفت صور الكتب قلت يمييييييييييي
    أحس الكتب أحلى من الأكل
    والمكتبه حدها راقية
    بس ضحكتيني على سالفة النوم ههههههه
    بس خطيرة كيك وشاي أخضر وين التناسق ههههههه
    وإلا تخربين وتعدلين بنفس الوقت *_^


    الكويت نورت الكويت بالناس الطيبة
    والكويتين بعد يحبونج ويحبون الإيماراتين
    يا أخي شعب سهل ومتسامح ومتواضح
    في أحلى عن جي بللا ورمستهم غاوية *_^

    يعني صار لج فترة ما تنزلين بوستات ويوم اغيب ماخليتي بوست ما نزلتيه هههههههههه
    موفقة^_^

    ردحذف
  21. lost in la la land

    و أنا دوووم أتحرطم على شي واااحد إنه الكتبات اللي فيهن كوفي شوب أغلبها بالإنجليزي و سكشن العربي صغير فأنقهر ..
    بس الصراحة هالنوع من المكتبات مريح جدا على الأقل يخليج تقعدين بالمكتبه و تقرين بهداوه ...

    سيري للمكتبه هذي و خبرينا عنها .. نتريا

    --------------------------

    مي

    إنتي وينج أنا من متى أترياج ههههههه حسيت إنج بتحبين هالمكتبة ..
    و غريبه ما تدرين عنها في دبي .. من فتحوا دبي موول و هي موجوده بس هالكوفي السنه فتحووه ..

    عقبال ما إنشوووفج زايرتنها ..
    و إن شاء الله بتفتح في الكويت ..

    --------------------------

    خــاتوون

    و الله جربي كيك و شاي أخضر، كأنج تشربين قهوة مع رطب، الجاهي الأخضر مر و الكيك شكري شوفي هذا التناسق .. هههههههه
    بس يبالج زيارة للمكتبه بتعجبج ..

    ههههههههههه شو هالتقردين و بعد برمستنا ههههههههه ..

    هي شيفتي عاد خذتي إجازة و أنا خذت الشفت عنج من تبدين أنا بختفي هههههههههه

    ردحذف
  22. اختي بكل فنادق العالم الوتي او المكوات والغوري مال المي الحار ليش تشيلين معاكم

    ردحذف
  23. وعلى طاري المكتبة هاذي احب مكتبة عندي وايا المجرودي ..والفندق اسمة ماريون كارت انا سرت له مرتين بس بصراحة على وناستي للكويت بس ليت الناس هناك تخفف من الاطنازة والتمسخر لان اذا مشينا كله يتمسخرون ..والا البلاد ونيسة

    ردحذف
  24. لبش ما قلتي انج ياياه جان ضيفناكم D:
    انشالله كانت رحله طيبة

    ردحذف