الجمعة، 25 مارس، 2011

HEALTHY SNACK


هالبوست دعايا حق مدونتي اليديدة ههههه 

www.getslim-behealthy.blogspot.com 




الكل يعتقد أن الفشار أو كما يسمى حاليا " Popcorn " يحتوي على كثير من السعرات الحرارية،و لا يجوز لنا أن نأكله أثناء فترة تخفيف الوزن، إلا أنه يعتبر وجبة ممتازة بين الوجبات، لأنه لا يحتوي على سعرات حرارية كثيرة، و حتى نسبة الدهون قليلة فيه و نسبة الألياف عاليه و حيث أنه يحتوي على فيتامين ب ..
لذلك لا تتردد في أكله كوجبة خفيفة سواء وقت الضحى، أو العصر أو المغرب .. 


و إنظروا الآن كم يحتوي الفشار من سعرات حرارية ..



Plain Popcorn



كوب من البوب كورن يحتوي على 30.5 سعرة حرارية، و إذا تمت إظافة الزيت له يحتوي الكوب على 50 سعرة حرارية، ممكن تاكل كوبين أو 3 من البوب كورن لأنه عادة وجبة السناك تكون بين 90 و 120 سعرة حرارية .




Caramel and peanut Popcorn



2/3 كوب من البوب كورن يحتوي على 113.7 سعرة حرارية ..




Caramel popcorn


كوب من البوب كورن يحتوي على 122.5 سعرة حرارية .


Cheese Popcorn



كوب من البوب كورن يحتوي على 57.9 سعرة حرارية .



إنذار 

أولا أشكر علايه على تأكيد المعلومة و ما حبيت أضيفها لأني مب متأكدة بس الحين تأكدت أكثر .. 

بوب كورن السينمات تراه يمتن يحتوي على 1500 سعرة حرارية .. و يحتوي على نسبة عاليه من الأملاح و الدهون .. 

و أشكر علايه مرة ثانية 
كلوا و إنتو مرتاحين

أنصحكم بأكله فترة العصر مع إستكانة شاي يفتح الــــــــراس 


لمعرفة المزيد ..

هناك 16 تعليقًا:

  1. زين حطيتي هالموضوع لأني أحب الفراخ وايد، بس ياريت حد يعلمني كيف اسويه ف المايكروويف

    ردحذف
  2. i admit i need to get more healthier :P

    thanks for the advise ;)

    ردحذف
  3. الله يوفقكي أختي

    ويزيدكي تطور وخير وسعادة.

    وصراحة أنا من محبي الفشار لكنه يسبب لي شعثرة في صوتي.

    موفقة يالغالية.

    ردحذف
  4. """"""""وصراحة أنا من محبي الفشار لكنه يسبب لي شعثرة في صوتي."""""""

    ياليت لو بعض المعلقين يعود يشرح لنا بعض السطور في تعليقه!

    اجل شعثره!!!

    ههههههههههههههههه

    ردحذف
  5. إبداعات قلم

    يالله زين، و بالمرة مفيد، و في المايكرويف ما يباله شي حطي الكيسه في المايكرويف و يستوي، بس أنا ما أشجع المايكرويف أبدا ..

    -----------------------

    معاذ

    لازم يبالك، و العفو ..

    -------------------
    سعد الحربي

    آمين يارب .. هوساعات جي تحسبه يلزق في البلعوم، بس دام فيه فوايد كل و بيخوز عنك .. و شكرا
    --------------------

    غير معروف

    أولا أنا أعرف إنتي منو، عرفتج من حركة تسوينها و جملة إنتي معتادة تقولينها .. و أعتقد هالمرة الثانية تسوين هالشي و تكونين غير معروف، مع إني أحب تعليقاتج .. بس ما أعرف يوم تتمصخرين على حد تدخلين بغير معروف، و حتى إذا تبيني أقول منو إنتي طرشي إيميل وبقولج إنتي منو ..

    و الله يخليج ماله داعي غشمرة على بعض بهالإسلوب ..

    ردحذف
  6. شفت في برنامج ذا دوكتورز انه محذرين من البوب كورن اللي في السينمات، لنه في نسبه عاليه من الاملاح و الدهون ،فوق الحد المسموح

    ردحذف
  7. علايه


    شكــرا على المعلومة أنا كنت قاريه إنه بوبكورن السينمات يوصل إلى 1500 سعرة حرارية، و دم إنج شفت هالشي أنا بضيف المعلومة الحين ,,

    أشكرج ..

    ردحذف
  8. يعطيج العافية على هالمعلومات الحلوة

    الحين وين نلاقيج؟ بأي مدونة؟ :))

    كل التوفيق

    ردحذف
  9. ههههههههههه

    ياقمر اصلا انا ادخل المدونات على طول من المفضله بالمتصفح
    يعني اكون اصلا مش مسجله تسجيل دخولي

    ولما اجي بعلق ""يعني مثلا على كلمة شعثره""

    اتعاجز لا اسجل دخولي عشان تعليق عابر!!

    ف اصير غير معرف

    هذا اولا

    ثانيا مااذكر ابدا اني جيت وعلقت عندك بغير معرف اصلا غير ذي المره لان صراحه ""جذبتني"" ذا الكلمه

    شعثره!! ووين؟ في الصوت!!!

    مش طنازه بس ابي اعرف وش تعني بصراحه ومن جد اول مره اسمعها
    واصلا اول مره ادري ان الفيشار يسبب شي لاصوات البشر! من جد معلومه جديده ابي تفسير لها

    مش مهم ادخل بمعرفي اولا

    المهم ابي اعرف وشو شعثره!

    لان اللي يبي يرجع ويشرح كلمه قالها مش مهم بالنسبه له من السائل المهم يبين وش يقصد بكلمته
    صح والا موصح؟

    ردحذف
  10. مهندستنا

    هلا و الله فيج .. شكرا حبيتبي و أنا حاطة اللينك أول شي ..

    -----------

    غير معروف

    و الله طلعتي صح اللي في بالي هههههههه تنعرفين من إسلوبج ..

    بس أنا مب راده عليج الحين هههههه ..

    ردحذف
  11. حطيته الشيخة في اناء زجاجي و خليته 4 دقايق، كأني كثرت عليه طلع اسود محترق

    ردحذف
  12. مشكورة على هالمعلومان انا اموت على بوب كورن الكراميل من صج

    ردحذف
  13. المشكله ما ناكله الا فالسينما!
    بعد الحين اربيعتي عملتني تعلومه يديده! الفراخ مع جبن الناتشوز
    اكسترا فات! بس يمي

    ردحذف
  14. السلام عليكم...
    أشوه أنا مو من عشاق البوبكورن
    لكن آكله بين فترة والثانية
    اللحين خرعتيني ...مشكورة هههه

    ردحذف
  15. مشكورين ومنكم نستفيد أحسن شي آخذ النفيش البيتي حق السينما لأنة ما يحلى الفلم إلا مع النفيش وساعات مااشوف الفلم لأني أكون مندمجة في النفيش هههههه

    ردحذف
  16. I have tried caramel and peanut popcorn which is tasty

    ردحذف