الأحد، 16 مايو، 2010

محمد بن راشد يدشن "التاكسي المائي" في دبي


دشن صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء، حاكم دبي رعاه الله اليوم، مشروع المركبة المائية "التاكسي" في محطة فستيفال سيتي على خور دبي كمشروع سياحي جديد ووسيلة نقل تضاف الى وسائل النقل المائية والبرية، التي توفرها هيئة الطرق والمواصلات للركاب لتسهيل وصولهم الى الأماكن التي يقصدونها في أنحاء مدينة دبي بأقصر مدة ممكنة وبسرعة قصوى.
واستمع صاحب السمو نائب رئيس الدولة رئيس مجلس الوزراء، حاكم دبي من المهندس مطر محمد الطاير رئيس مجلس الإدارة المدير التنفيذي للهيئة طوال الرحلة التي أقلت سموه ومرافقيه الى منطقة جسر القرهود على خور دبي إلى شرح حول خطة الهيئة لتعزيز أسطول النقل البحري التابع لها إلى جانب مترو دبي والحافلات والمركبات التي تجوب شوارع إمارة دبي وتصل إلى الامارات كافة.
كما تضمن شرح الطاير التعريف بوسائل الترفيه الفاخرة المتوفرة في "التاكسي" والتي يمكن للركاب استخدامها طوال رحلتهم، والتمتع بالشاشات الكريستالية المثبتة على خلفية المقاعد التي تتميز بأعلى درجات الراحة والإسترخاء ناهيك عن التكييف عالي الجودة بالاضافة الى مقاعد خاصة لذوي الاحتياجات الخاصة.....
المصدر
اليوم شفت التكسي على قناة دبي في أخبار الإمارات، و الصراحة كا يجنن واااايد عيبني، بس شكله للسياحة أكثر من إنه يستخدم دوم يعني راقي من داخل عكس المترو اللي تحسبه عملي و تصميمه من داخل حلو لكن عادي .. لكن انا الصراحة تخبلت على هالتكسي وااايد حلو من الداخل و حتى يوم يمشي أحسبه غير، ما يسير يمين و يسار واايد حلو حسيتبه .. بس إستغربت مالقيت له صور يمكن لأنه اليوم بس بدوا فيه و هاي الصورة اللي لقيتها نفسه بالضبط ..
إذا حد بيجربه يخبرنا و عقبال ما أجربه


هناك 6 تعليقات:

  1. حتى احنا عندنا بالسعوديه بيسوون لنا تاكسي هوائي^^

    وكمان عندنا طائرات مائيه مو بس تكسي

    وعندنا بيفتتحون مترو انفاق يمشي تحت البحر^^

    وبعد كم يوم بنستبدل كل السيارات اللي عندنا بطائرات تمشي على الطاقه

    لووول
    ونسيت لااقولك اننا بيفتتحون عندنا بالجبيل بعد كم يوم
    مدينه كامله تحت البحر
    داخلها مدينة ملاهي
    اكبر من دزني لاند^^

    لووووول

    <<< تعرف تكذب^^

    ايه مو بس انتم حتى احنا عندنا بعد^^
    <<< لاتصدقين ترا بس غارت منكم


    ^^ الله يهنيكم انا من يوم المترو وانا غايره منكم
    بسم الله ماشاء الله عليكم في الامارات
    ترفعون الرأس صراحه
    يعني صدق
    مثل مايقول المثل
    دهنا في مكبتنا
    يعني فلوس بترولكم مو رايحه كذا والا كذا
    مدري مدسوسه في بنك بسويسرا^_*

    لا فلوسكم بخدمتكم^^

    من الأحسن الى الاحسن
    بالتوووفيق^^

    ردحذف
  2. الله يوفقكم

    نتمنى لكم المزيد من التقدم و التفوق

    و يا كريزي ترى حتى احنا في الكويت عندنا احسن من كذا

    انا عن نفسي عندي نفق خاص يوصلني من البيت لاي مكان في الكويت بدون زحمه

    اما الطيارات زهقت منها وجيرانا اشتكوا عند الوزارة الطيران عشان كذا حطوا حظر جوي فوق بيتنا حسافه

    ترا طيارتي للبيع لو تبين لا و مظلله يعني تنفع للسعوديه :)

    ردحذف
  3. لوووول فيلسوووف
    شفت شلون

    عاد احنا وانتم عندنا خير^^

    والله طيارتك ماتنعوض يافيلسوف بس تعرف احنا السعوديات للحين يقولون مجلس الشورى يفكر يخلينا نسوق اول شي سياكل وبعدين لاحقين على الطيارات^^

    ردحذف
  4. لا يا اختي الهيئه ما عندهم إلا كم جمس بس

    يعني ما يوصلون للجو عشان كذا ما عندك مشاكل

    كبيرهم يحذفون حصى

    >>> شكلنا حولنا الموضوع و بيجون بعض الناس يهاوشوننا :)

    ردحذف
  5. ههههههههههههههههههههههههههههههه

    والله ظحـكــتووووني جلبتوا الموضووع على كيفكم، و أنا أبا أعرف إذا حد جربه عشان أجربه المسكينه هههههههههههههههه ..

    و أنا بعد مب زد عني إنتوا، أنا عندي طيارة خاصة و المطار بيتنا ترومموون عليه ههههههههههههههه ..

    ردحذف
  6. مشالله

    موفقين ان شاء الله

    ردحذف