الخميس، 17 يونيو 2010

موضة هالإسبوع ..

.
.
.

أحس من زمان ما كتبت شي..
و الله هالإسبوووع كان متعب، ما خبرتكم أشتغل تطول الحين في واحد من المراكز الصيفية ..
.
.
أعرف الحين بتقوولوون شو يخص هالشغل التطوعي في المحاماة ..؟؟
.

.
.
ما يخصه أبدا في مجال المحاماة، لكن نحنا نظامنا في الإمارات شوي مختلف، يعني أنا الحين صح درست قانون لكن ما أقدر أشتغل ويا المحامي في المكتب و في أغلب الدول إنه نشتغل مع المكتب و مع مروور مده معينه بعطين يعطونك رخصة المحاماة، نحنا هني المشوار شوي طويل، يعني بعد ما نتخرج نقدم أسامي لوزارة العدل و نتريا لين ما يطلعن، و بعدين ندرب في هالمعهد لمدة 6 شهور، و الصراحة لو درسنا في المعهد بدال الجامعة، ما أدري متى بيطور نظام دراسة القانون في الوطن العربي..
.
و أنا عديت فترة ال 6 أشهر و الإسبوع اللي طاف طلعت علامتي جيد جدا و الحمد الله، و الحين لازم أحول لمكتب محاماة لمدة 6 شهور .. و لقيت الحمد الله، لكن بياخذ وقت بعد يعني المكتب لازم يطرش رسالة للوزارة و الوزارة ما أعرف شو تسوي، ف عشان جي قلت أطوع في مكان و لا أتم جي بطاليه و الله مللل..
.
.
.
موضة رقم 1
.
.
و اليوم بغيت أرمس عن موضة كأس العالم اللي لاعت جبدي منه الصراحة، أنا ما أتكلم عن المدونات هني، أتكلم عن اللي قاعد يستوي في البلاك بيري، طبعا هني كل واحد حر في إختيار مواضييعه و شو ما يبا ينزل على راحته..
.

.
لكن عن طريق البلاك بيري اللي ما يعرف في الكورة غصب إستوى يعرف، لو لايعه جبوودهم من هالشي، بس ما أدري أعتقد المووضه الحين لازم نشجع و لا نكون متخلفين و لا شو بالضبط..
.
و اللي أثار إستغرابي أكثر و أكثر إنه البنات ماشاء الله تبارك الرحمن عليهن، يعرفوون أسامي المدربين، طبعا مب من ناحية الجدارة يعرفون من ناحية الوسامة..
و كل واحده حاطتلها علم عدال إسمها ، بالعكس ها بعد على كيفها و هي حره دامنها مب مسوين إزعاج..
لكن العله يوم تبدأ المبارة.. أنا شلي فييييييكم.. ليش إطرشوولي ما أبا أعرف شو إستوى .. ياليتهم يطرشوون يوم تنتهي المبارة..
يطرشوون التقرير الكامل عن المبارة، ما بقى إلا و نيلسها بدال المعلق الرياضي..
حشروا اللي يتابع هالمبارة مب اللي عندكم على اللسته تسوون ضجه، و لازم نعرف إنكم إطالعوون.. غصب هوو ..
.
.
طبعا هالكلام مب موجه لكل البنات، في بنات صح يتابعون و يشوفون و ما يحشرون حد، لكن أستغرب من اللي ما تعرف شو يعني قول و بلانتي و فاول و عطني باص، إستوت تعرف كل شي الحين بسبت كاس العالم ..
ما تلاحظون استوت السالفة مووضه .. ؟؟
.
لو تقوولوولهم كأس الخليج بتقولك إييييييييووووو" لووول "
.
هالكلام موجه فقط للخقاقات المغروورات كأنهم ماشافو كورة في حياتهم ..
كرهت حياتي وين ما أسير أشووف أعلام كاس العالم مراكز مطاعم شوارع، ماروووم أتنفس، و حتى النت صدمووني قووقل يوم كانوا حاطين لوقو كاس العالم زين ما صحت ..
خلاص بغير الموضووع لموضووع ثاني منرفزني من فترة بعد
.
.
موضة رقم 2
.
.
و هاي شكلها مووضوه يديده قابله للإنتشار، و كلما زادت درجة الحرارة نص درجة أي نص إلا نقطة كل حد صور درجة الحرارة و حطاها، و حشروونا اليوم إستوت الحرارة مادري كم ..
.
.


.


و عفان الله ماشي شغل إلا يالسين تصوروون و تحطوون، شو الموضوع بالضبط، ما أدري و كل شوي تتغير الصورة مره يزيد و مره يرتفع، كأنه منو الأسرع فيهم يحط ..
شكلهم ما ينزلوون من سياييرهم موول ..
.
لا و بعد يعدلوون الصورة و يكشخووبها لوووووول حركــات و الله هههههههههه
.
.
ملاحظة/ أقصد البلاك بيري
.
.

.

.

و اليوم و أنا سايره أشتريلي جريدة جان أشوف إنه اليوم 17/6 اليوم الأول للمهرجان، و الصراحة إنصدمت ما توقعت إنه المهرجان بدا، لأنه كل مره دبي قبل لا يبدأ فيها أي مهرجان تحس إنه المهرجان واصل، يعدلون الشوارع و يزينون الشير، و يغيروون المراكز و تشووف صور مدهش في كل مكان، لكن فجأة إنقرض مدهش من الأزمة الإقتصادية، و بدت دبي ما تهدر فلووسها في كل شي ..
و يااااااااسلام الأسعار نصها طاااااااااايحة و رخيــــصة هذا أهم شي و أحلى شي في الموضوع ..






هناك 21 تعليقًا:

  1. الناس حاشره نفسها في كل شي.. كاس العالم والمباريات و.. الأحوال الجوية!
    يقولج الحشرة مع الناس عيد! ;P

    ردحذف
  2. هههههههه، أي عيد الله يخليج، جان على هالحشرة صبح و مسا و ما يحلى التطريش غير فليييييل قبل الرقاد

    ردحذف
  3. أختي الكريمه ،،
    السلام عليكم ،،
    أتـمنى دايـم تكونيـن بـخـيـر ،،

    العمل التطوعي ،،

    الله يفتح نفسك في الدنيا و الآخره ،،
    زي ما فـتـحـتـي نـفـسـي ،،

    العمل التطوعي رساله إيجابيه في الحياة ،،

    عندنا في الجامعه نادي متكامل
    خاص بالمتطوعين ،، عـ شكل مجموعات ،،
    كل في المجال اللي يحبه ،،
    و اللي يحس إنه راح يتحمس و يبدع فيه ،،

    شفنا شبابنا و بناتنا المتطوعين
    وش سووا في سيول جده ،،
    و شفنا شباب و شابات جسد واحد المتطوعين
    وش سووا في سيول الرياض ،،

    بـصـراحـه ،،

    شي يحسسنا بالفخر لما كل يوم والثاني
    نسمع عن تشكيل مجموعه جديده
    خيريه تطوعيه في مجال معين ،،
    و المبهج إن البنات أكثر من العيال ،،
    و أفكارهم دائما ً متجدده و مبتكره ،،
    الله ينفع بهم كلهم ،،

    العمل التطوعي إنك تكون نافع و مفيد
    في محيطك و مجتمعك و بلدك و أمتك ،،
    و أول ما بينفع الواحد بينفع نفسه ،،
    بيشعر إنه شخص إيجابي في هالحياة
    بتتحسن نفسيته ،، و بترتفع معنوياته ،،
    يتعرف على ناس جدد ،، يكون صداقات حلوه ،،
    يكتسب مهارات و خبرات وعلاقات و تجارب جديده ،،
    ينمي ذاته ،، و يطور قدراته ،،
    و يتخلص من الأفكار السلبيه ،،
    اللي تسيطر على الواحد لما يستسلم
    للوحده و الإنعزاليه و الملل والروتين ..
    و تبي تتزايد ثقته في نفسه وراح يشعر بالرضى
    لأنه استفاد من وقته و ما ضيعه بالفاضي ،،

    شكلي طولت أزود من اللازم ..

    لكن فعلا ً أتمنى أن الكل يجرب العمل التطوعي
    و يكون انسان مفيد و يحكم بنفسه ،،


    كاس العالم ،،
    خـيـر الأمور الوسط ،،
    و كل شي في هالدنيا إذا زاد عن حده انقلب ضده
    وأعتقد إن العقل ثقل و الركاده زينه ،،
    لكن لاحظتي إنهم نسونا الحصار ،،
    و نسونا غزه ،،
    و نسونا قافلة الحريه ،،
    و هذا أصلا ً اللي هم يبون ،،
    و نجحوا فيه للأسففف ،، :(

    درجات الحراره !!!
    حتى أنتم بعد ؟؟
    الظاهر هذي مسابقة صيف المليون !!
    من درجة الحراره أشد عندهم !!
    هذي الفضاوه و ما تسوي !!

    مهرجان دبي ،،
    أعتقد مشكلته إنه جاء فـي زحـمـة
    كاس العالم فـ ما أحد حوله !!
    لكنه بيظل محطه رئيسيه في جدول
    أي أسره بتقضي إجازه عائليه ،،

    تـحياتي لك ،،
    و مزيد من الأعمال التطوعيه ،،

    إهداء بسيط ،،

    http://www.facebook.com/notifications.php

    أخوك ،،
    يـزيــد ،،

    ردحذف
  4. السلام عليكم ..

    الموضات أصبحت صرعات سريعة الأغلبية أصبح كالقطيع يمشى مع الماشية إللي ما تعرف كيف ماشية!!!



    أرجوا المساهمة في دعم الحملة لو تكرمتم

    (حملة الجسد الواحد)

    أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

    صورة الشعار .. في مدونتي أعقل مجنونة في الوجود .. ويكتبون فوقها ..

    (حملة الجـسد الواحـد)

    رابط المدونة

    http://dndanh111.blogspot.com/2010/06/blog-post_14.html

    جعله الله في ميزان حسناتكم .. آمين

    ردحذف
  5. صديقتىالعزيزه
    عجبنى موضوعك جدا وخصوصا انك تختلفين عن باقى البنات بوعيك ونضجك ولهذا السبب اشتركت فى مدونتك
    تحياتى اياد وجدى

    ردحذف
  6. مساء الخير

    مدونة جميلة
    التطوع جميل و غاية نبيلة
    وخاصة اذا كان لوجه الله عز وجل

    دمت بحب
    وحفظ من الله

    ردحذف
  7. صديقتى العزيزة مبروك على اجتيازك الخطوة الأولى فى طريق النجاح وربنا يكمله على خير وتصبحين نقيب محامى الإمارات كمان
    بالنسبة لموضوع الكورة فزى مانتى قولتى موضه للبنات زى الشيشه كده

    ردحذف
  8. Yazeed

    بالعكس لو إطول عادي خذ راحتك أنا أستانس على اللي يكتبون و يتفلسفوون و ما أحس بأي ملل في الردود بالذات الرد الطويل..

    هي أنا أحب الشغل التطوعي، تحس شويه روتينك تغير، و تسوي شي ماله خص في مجالك يعني تجرب شي يديد.. !!

    و الصراحة العمل التطوعي يحسسك بالراحة ماعرف ليش، و أحس يوم تشتغل في العمل التطوعي تشتغل بضمير من الخاطر سبحان الله .. ما أعرف ليش، و تدري يزيد أحس العمل التطوعي وااايد إيسر الأمووور واااايد.. و تتغير بعذض الأمور مثل ما قلت و بالذات الأفكار السلبية و الوسوسة تختفي ولا القعده في البيت، على الأقل أشوف العالم كيف يمشي، و تعرف العالم و تاخذ خبرة، و الله أنا ما تهمني الشهادة كثر ما يمهمني الشغل اللي سويته لأنه الشهادة لا تقدم و لا تأخر لأنه اللي ما يعيبني في الشهايد مجرد شكل، ياليت لو في الشغل التطوعي يعطونا عن سلبياتنا و إيجابياتنا عشان نحسنهن في الأعمال الثانية و نتطور بعدين ..

    يبتها صح، و لا كأنه من إٍسبوعين صاير شي، كل شي رد نفس ماكان .. ترانا عاطفييين لازم ..

    و بالعكس عن المهرجان، ما أعتقد إنه كأس العالم خرب عليهم، ماشاء الله دبي بدت تزدحم من الإسبوع اللي طاف.. بس انا اللي أقصده الدعايا ما نشووفها نفس قبل ..

    و اللينك اللي عطيتني إياه يطلعني على صفحة من صفحاتي ..؟؟
    إنته ليكون من جروب الأيتام شي جي ؟
    و شكرا يا يزيد أنا اللي شكلي رمست وايد خخخخ
    =====================================

    أم الخلود

    يبتيها صح و الله .. و هاي حالتنا .. و الله يعين ..

    أختي عندي خلل في شي كم مرة حاولت ما يستوي، قلت بغير الإستايل يمكن يتغير .. و بحط إنشاء الله ..

    =====================================

    إياد وجدي

    شكرا لك أخي العزيز..و إنشاء الله نكون عند حسن الظن ..

    ===================================

    فاطمة

    هي والله صدقتي أهم شي الإحساس بالراحة.. سبحان الله ..

    و الله يحفظج إختي و شكرا ..

    =============================


    Hesham

    إنشاء الله يااااااااااااارب .. لكن لا أريد أن أكون نقيب محامي الإمارات، لكن أنا عندي هدف معين في القانون أتمنى كسره و الوصووول إليه ..

    هي و الله جبتها صح يا هشــام، لكن أنا أشوف إنه الكورة موضتها أقوى من الشيشة بكثييير ..

    ردحذف
  9. الغآليه صح كلآمج يهبون هبات و البلاكبيري ما يسكت نفس الحال بالكويت :)
    و نفس السالفه مع الجو..
    -ويع الحراره 52 ..
    -امبيييه ارتفعت !!
    شسوي يعني اندب حظي اني قاعده بديرتي و مو مسافره يعني!؟

    :)
    تسلمين و بالنسبه للصوره اسفه طلعت مو هذيج اللقطه اللي فيها خبر عن الامارات هذي اللي فيهآ :)
    http://img24.imageshack.us/img24/5244/emiratest.jpg
    عذريني و ربي تخربطت ،
    صج انه الخبر حزين بس كآفي انه عن ديره قريبه للقلب :)

    ردحذف
  10. هي و الله وااايد حر، ما أقهر أيلس برع أصدع.. !!

    هههههههه و أنا أقووول يا ربي وين الإسم ما اشووف إلا فلسطين و الفلسطينييين .. قلت يمكن موجود بس مب طالع ههههه ..

    لا عادي مسمووحة ..

    شو كان الخبر منو متوفي؟؟ هي و الله و غنتو بعد قراب للقلب وايد ..

    ردحذف
  11. أختي الكريمه فاصلتين
    السلام عليكم فاصلتين
    أتـمنى دايـم تكونيـن بـخـيـر فاصلتين

    العمل التطوعي فاصلتين

    الله يفتح نفسك في الدنيا و الآخره فاصلتين
    زي ما فـتـحـتـي نـفـسـي فاصلتين^^

    العمل التطوعي رساله إيجابيه في الحياة فاصلتين

    <<< براسها حرش من يومين فاصلتين,,

    لووووول

    لا بس مسكت خط مع التقليد^^

    المهم
    انا قلت لابوي اذا ماسافرنا برا الصيف هذا بتطوع في الجمعيه الخيريه النسائيه اللي عندنا بالجبيل
    ^_^
    بس تدرين وش قالي ابوي:
    يقول كم يعطونك؟
    هههههههههه
    ماعندنا في بيتنا ثقافة التطوع
    يعني كل شي عندنا لازم بمقابل
    العام الماضي بالصيفيه تطوعت بالجمعيه بس اقل من شهر وكنت على الاقل ابيهم يعطوني افاده تفيد اني عملت بالجمعيه مده زمنيه واني اتقنت العمل بالمجال

    يعني ماابي فلوس بس ابي افاده
    ومابغوا يعطوني افاده
    وقلت لابوي وقالي اتركيهم^^
    واول مره اطيعه وانا راضيه:(

    بس الصيفيه هذي ماابي منهم شي حتى شهادة الافاده
    وحتى اجتماعاتهم اللي تسويها المديره عشان تمدددح بالمتطوعات ماابي احضرها

    ابي بس اشتغل ومااقعد فاضيه بالصيف
    اوسوس بغرفتي^_^

    اكمل

    العمل التطوعي إنك تكون نافع و مفيد
    في محيطك و مجتمعك و بلدك و أمتك فاصلتين^^

    "محد يعرف تعريف العمل التطوعي محتاجين احد يجي يعرفه لنا"

    ^_^

    يؤ نسيت فاصلتين^_^



    المهم

    شكلي طولت أزود من اللازم نقطتين^^

    لالا خذ راحتك فاصلتين^^

    لكن فعلا ً أتمنى أن الكل يجرب العمل التطوعي
    و يكون انسان مفيد و يحكم بنفسه ،،
    بس اهم شي الفاصلتين لاتنساهم^_^

    كاس العالم فاصلتين
    خـيـر الأمور الوسط فاصلتين
    و كل شي في هالدنيا إذا زاد عن حده انقلب ضده فاصلتين^^
    وأعتقد إن العقل ثقل و الركاده زينه حبتييين^^

    لكن لاحظتي إنهم نسونا الحصار ،،
    و نسونا غزه ،،
    و نسونا قافلة الحريه ،،
    و هذا أصلا ً اللي هم يبون ،، o_0
    و نجحوا فيه للأسففف ،، :( للأسسسسسف *_*

    ايه ايه انا لاحظت انا من زماااان ملاحظه ان قافلة الحريه متفقه مع منظمين كاس العالم ومع اسرائيل ومع الامم المتحده ومع كوفي عنان وجنوب افريقيا انهم يسوون كل هالضجه قبل كم يوم من كاس العالم عشان بسرعه يجي كاس العالم ويضيع علوم غزه وينسونها الناس ويتكون بالمقاهي يشيشون ويتابعون كاس العالم وينسون غزززه
    ايه هذا التفسير المنطقي الوحيد لكاس العالم وتوقيته كل هذا عشاااان ننسى غزه
    صراحه تفسير منتكي منتكي بقوووه فاصلتين^_^

    تـحياتي لك ،،
    و مزيد من الأعمال التطوعيه ،، "اكرفي مايخالف^^"

    وهذا إهداء بسيط ،،

    o_0


    اختك
    ســــاره فاصلتين:(

    ردحذف
  12. أويه ساره بلاااااج فاصله، و بلاج على الريال ههههههههههههههههههههههه ..

    أويه شكلج موول مب طبيعيه
    أووه نسيت الفاصلتين ..خخخخخخخخخخ

    لا لالا ما أصدق إنتي فيج شي اليووووم .. هههههه

    ردحذف
  13. عسى الله يوفقج و تصيرين محامية أد الدنيا *_^
    و بالنسبة للكورة ما احب اعرف التفاصير شفيها النتايج الختامية
    و سالفة درجة الحرارة ما عليه يا وخيتج يمكن فرحانين أنهم قادرين يعيشون بهالدرجة العالية من الحرارة دكاترتنا الأجانب يقولون عنا أحنا العرب إنا مخلوقات غريبة لأنه نقدر نتحمل هالحر لا و نجابل الشمس فيس تو فيس هههههههههه
    و ايد عيبتني سواليفج ... وي فديتها لهجتكم
    حافظج ربي
    *_^

    ردحذف
  14. lo0o0l


    السلام عليكم ,,
    اختي,,

    ماادري وش فيني الظاهر من درجة الحراره المرتفعه فاصلتين^^

    صرت فاصله معاها حبتين


    اختـــــك
    ســـاره,,

    ردحذف
  15. أزال المؤلف هذا التعليق.

    ردحذف
  16. يا الله مسحت التعليق أفففف برد أكتبه مره ثانية.. بحاول أذكر شو كنت كاتبه

    خاتون

    لوول و الله هم المخلوقات الغريبة في عز الشتا تشووفينه برع بالفانيله عايش حياته .. هههههههه

    بس و الله الحر يهلك.. و أفا عليج بنزلج بوووست عن لهجتنا جانها عايبتنج ..

    =========================

    الأخت سارة

    لووول ما أدري شو نازل عليج اليوم و بعد تقووليلي أختي خخخخخخخخخخ ..

    شكلها جي كل ما ترتفع درجة الحرارة كل ما ترتفع الفوااصل عندج هههههه ..

    الله يعينا كل ما ترتفع درجة الحرارة عندكم هههههه بصك البلوق من فواصلج بتعقد .. خخخخ

    بس أفا عليج بسويلج بوست كامل عن العمل التطوعي و أهدافه و تعريفه و كل شي عنه بالتفصيل الممل خخخخخ و شكلج بتترسيييين الصفحة كلها فوااااصل و بتعقديني من شي إسمه فاااااااصله يا فاصله لوول

    أختج *_*

    AM.SA

    ردحذف
  17. هييه عايبتني
    صح اللي كتبته ؟؟؟
    ههههه

    ردحذف
  18. كان اذا مو خاينتني الذاكره عن وفاة الشيخ احمد بن زايد الله يرحمه.

    هيه و الله تعيبني رمستكم
    اتفق مع خاتونه كلامكم غاوي

    ^^ خخخخ عاد صح اللي كتبته :)

    ردحذف
  19. هي يمكن كان أخوهم متوفي ..


    هههههههههههههههههههههه صح 100% عاده صح نحنا كله حرف هالهاء آخر شي بس ما نقوول خاتونه خخخخخ ..

    قررت أنزل بوست كامل لهجتنا أشووف الكل عايبتنه .. أحس هالمسلسل نشر اللهجة هههههههه ..

    ردحذف
  20. بالنسبه لموضوع التطوع .. يعطيج العافيه وزين تسوين

    وموضه كاس العالم صرت معاهم يمكن لان الجو الالماني جو رياضي وحماسي لووووول بس مااتابع لا .. بس اهتم بالنتيجه خخخخخ

    وموضه درجه الحرارة لاحظت انتشارها بالمدونات

    والحمدلله ماعندي بلاك بيري .. عندي ايفون وبرامج القروبات مسكرة التنبيهات ومرتاحه والا كان ريلي حذف ايفوني من الدريشه لوووول

    وصلني ايميل عن عرض الاماراتيه بالمهرجان .. التذاكر مجانيا للاطفال .... خووش عرض سلميلي على مدهش

    وناطره بوست اللهجه .. مع اني احب لهجتكم من قبل المسلسل ووايد كويتيين يحبونها من قبل المسلسل

    ردحذف