الاثنين، 3 مايو 2010

حــليب النــوق و توابعه


حـــليب النــــــوق و مــا أدراك ما حليب النوق، له فوائد عظيمة، و أفضل من حليب البقر، و ينصح بشربه قبل القيام بأي عمل رياضي لأنه يمد الجسم بالطاقة و الحيوية، و على قولتهم " حليب البوش يدخل البطن " و البوش هو النوق..

و من فوائده :-

أنه غني بفيتامين سي بنسبة أعلى خمس مرات من تلك الموجودة في حليب البقر، و حيث أنه يحتوي على دهون غير مشبعة و هي دهون صحية ، و يخفض نسبة الكولسترول في الدم و يساعد في وظائف القلب و الأوعية الدموية.

قليل الدسم، و غني بالكالسيوم، و يساعد في الوقاية من هشاشة العظام..

و من حيث الجمــال فله دور أيضا، حيث أنه مفيد للعظام و الأظافر و الشعر و الأسنان و البشره لإحتوائه على الكالسيوم و الفيتامينات و المعادن، كانوا البدو سابقا يستخدمونة للوقاية من الشمس و ملطف للبشرة.



قصتي مع حليب النوق، بعد أن عرفت فوائده و لكن لم أستطع شربه أبدا، أعرف أن له فوائد عظيمة لصحة الإنسان إلا أنني أحاول أن أشربه و لكن لم أستطع من شربه، بالرغم من أن هنالك منتجات لحليب النوق، إذا لم أكن أريد الطبيعي الطازج من الناقة إلى الطاسة .. !!

لكن هذا المنتج " كــاميلشز " لفتني كثيرا و دائما عندما أصل إلى رف الحليب لا أجد هذا الحليب و عندما أسأل يقال لي لقد نفذ، و كل يوم سأشرب و أجرب ... إلا أن رأيت النكهــــــــــــات ...



نكهت الفراولة و الزعفران و الكاكاو و التمر، أي إذا لم لا تريد طعم الحليب فإختر نكهتك المفضلة، و هذه المرة تشجعت و أخذت حليب النوق بنكهة الفراولة .. " و ما اعرف أشرب أو ما أشرب " و في نهاية المطاف و بعد المشاروااات شربته ولم أتوقع هذا الطعم الرااااائع...
و جربت كل النكــهات قبل أن أشرب الحليب الأبيض الغير ممزوج بالنكهات، و إستمريت عليه حتى جربت الأبيض و أعجبني و هنالك فرق بينه و بين حليب البقر لكن قليل ، و لكن حليب النوق يختلف طعمه بعض الأحيان، و السبب في ذلك أن حليب النوق يتأثر بالأكل اللذي يتناوله ..
و الصراحة حليب النوق من تجربة مني، ممتــــــــــاز و بالذات لمرضى السكر فهو جيد لهم، و يخفض السكر ... !!
كثيرون اليوم يقوولوون لي " وععععع حليب رجااب "نوق" شقى تشربينه "، و أستغرب كثيرا أن الأجانب عرفوا فوائده و هم من أكثر الناس اللذين يشترون هذا الحليب..



و الأجمل تم صنع شوكالاته من حليب النووق، و جربته و كان طعمه حلو أيضا، و أعطيت أمي منه و لم تكن تعلم أنه مصنوع من حليب النوق و أعجبها أيضا و بعد ذلك أخبرتها أنه من حليب النوق، لأنها لا تحب حليب النووق ..


فاليوم أدخل حليب النوق في كل شي .. " عشــان ما تقوولوون ما نحب نشربه، سوولكم كاكاو بعد ".
و الحين بادين يسوون كوفيات بحليب النوق، و عقبال ما يفتح الكوووفي ..


هناك 20 تعليقًا:

  1. واااااو ..
    انا حليب النوق يجينا طاازج لعند بيتنا ..
    من الناقة مباشرة إلى بيتنا ...

    بس ما اشربه .. طعمه عادي يعجبني .. ولا يسوي لي حركات نص كم في بطني .. يعني اموري معه تماام .. بس احسه يمتن .. وهالسبب الوحيد الي يخليني ما اشربه ..

    بس من كلاامك بديت اقتنع والله ..
    شكلي بصير اشربه كل يوم قبل لا اروح النادي ..

    وخساره ما شفت عندنا بالسعوديه مثل هالمنتجاات . لكن اذا زرت الامارات قريب ان شاء الله اجرب ابو زعفران .. احس طعمه غريب ومبهر وهندي .. لول

    الا جد آي إم ابي أسألك ..
    لما كنتي تسوين داايت ..
    هل كان فيه دايت معين تتبعينه ولا لا ؟؟
    وهل كان فيه يوم تاخذين في الاسبوع تاخذين فيه عطله وتاكلين ما تشتهيين دون رقابه او خط احمر ؟؟؟

    وشكرا جزيلا

    ردحذف
  2. بالعكس حليب النوق ما يمتن، و على قولتهم شوف عيال البدو و عيال الحضر ههههه الفري بينهم انه البدو جسمهم مشدوود..

    بالعكس وايد زين حليب النوق و أنا شفته ما يمتن و كنت أشربه صبح و مسا و ما أشرب شويه كنت يعني ماشاء الله أشرب و بعد المسا كنت أشربه مع عســل .. !! عـــــادي .. و عن الزعفران و الله ظحكتني على الهندي، أنا شربته مرتين يمكن هو حلو لكن أنا ما حبيته لأنه أحس طعمه على الشكر شوي، على عكس الفراولة كنت دايما أشربه ..


    أما عن النظام اللي كنت أتبعه ..

    أنا نظامي كان تغيير الأكل إلى أكل نظيف، يعني الصبح أسويلي ساندويش من الخبز الأسمر فيه شريحة جبن مع خيار و طماط و أحظ كل اللي في بالي عشان أشبع حتى لو بيض حطيت و كوب حليب النوق، كنت مبتعده تماما عن أي شي غازي، حتى جاهي حليب ودرته لأنه يمتن، و كان الصراحة نظامي عادي حتى الغدا كنت آكل الموجود، إذا كانت هالوجبة دسمة من الخاطر كلها دهن ما آكلها .. أما العشا فكنت أحاول أخليه من وقت يعني ما أتعشى على الساعة 9 .. و عشان ما أيوع .. الساعة 9 أو 9 و نص أروح أسويلي حليب نوق مع عسل كوب كبير و أشربه و والله يشبع و إذا يعت آكل مب مشكلة ما أحرم عمري من الأكل و تعذيب لكن و أنا آكل شوي شوي آكل ما أبلع بس عشان أشبع و أنش على طول .. !!

    بس إنته لا تفكر في الدايت فكر إنك تغير نظام أكلك للأحسن .. يعني خل نظامك هذا العمر كله، و أنا كنت عادي أطلع و أتغدا برع بس الصراحة ما كنت آكل سلطات ، كنت أختار وحبه قليلة السعرات ..

    أول إسبوع إقنع نفسك إنك تبتعد عن أي شي غازي لأنه هو السيبب الصراحة في المتن، و بعدين الفاست فوود يعني لا تقطع فجأة إقطع تدريجيا، شوي شوي، أنا كنت جذي أسوي..!!

    لأنه إذا قطعت فجأة بترد تاكل نفس قبل و أضعاف ..

    جسم الإنسان يحن و يشتاق مثل ما نحن نشتاق لزوارنا كل يوم هو يشتاق ل هالأكل، و يبدأ يعصر النفسية ويقوولك إشتقت للبيبسي و إشتقت للفاست فود، فعشان جي إبتعد عن هالأشياء شوي شوي ..

    و أنا اللي ساعدني صراحة المجلات واايد لأنه كانوا يركزن على الأكل برع كيف تاكل، و حتى لو مريت ماكدونالدز يعني بعطيك مثال هم جاطين وجبة ماك جيكن مثلا فيها 500 سعره، إذا إشتهيت خذ هالوجبه لكن بدون كاشاب أو مايونيز يزيدون الطماط .. يعني يقللون من السعرات الموجوده ..
    و بعد النصايح اللي يقدمها المدربين الرياضيين على النت، و إدخل يوتيوب و إكتب " جيليان مايكلز نصايحها زينه و أنا أحب دايما أسمعها " وايد بتستفيد ..


    أما عن الكسر فكنت آخذ عطلة مره في الإسبوع أكسر و آكل اللي أبـــــاه، و أصلن بتلاحظ إنك ما بتاكل واايد .. و بتشبع بسرعه لأنه معدتك تعودت على القليل .. و الأكل النظيف، و حتى البيبسي أشربه لكن إستويت الحين ما اتحمله .. نادر ما أشرب بيبسي ..

    و أنا كنت أخرب أيااام لكن أعوض اليوم الثاني و ثاني الشي الرياضة مهم، على الأقل " المشي " و المشي وايد ينزل .. !!


    و أخيرا يوم بتاكل تلذذ و إنت تاكل حاول إنك تاكل شوي شوي، في البداية صعب لكن بتتعود مع الأيام .. و حاول تاكل سلطات، و أنا ما أحب وايد السلطات، فكنت أحط فيها صووص و هالسوالف أعرف إنه تزيد السعرات لكن لازم آكل سلطة لأنها مفيده لجسمي ..

    ما أعرف إذا قدرت أفيدك .. لكن شل من بالك دايت و قوول بغير نظام أكلي عشان ما تحس نفسك مسجوون في نظام الدايت .. !!

    و إسمحلي طولت عليك وااايد

    ردحذف
  3. حليب النوق o_0

    امممم

    بصراحه
    ماادري

    بس مااتوقع اني راح اقدر اشربه

    بس لان بيني وبين "البعير" عداوه غير معروفة الاسباب


    بس

    ماعندي مشكله اجرب كاكاو النووق^^

    لوووول

    موضوع جميل
    وفيه فوائد
    وكمان دعايا لحليب النوق

    كذا بيني وبينك حسيتك تصلحين تسوين دعايا^^

    ردحذف
  4. مرحبآ حبوبه .,,
    مرت اخوي من يوم صغيره ابوها يشربهآ حليب نوق هيه واخوانها وما شاء الله عليهم عندهم عقل يوزن بلد
    طعمه مب حلو بس هم يدمجونه عند حلبه وجيه عشان يعطي لذه لما تشربينه ..
    بس صج سبحآن الله له فوآئد كثيره
    كل هذا بنعم الله وخيره
    ويعطيج ألف عافيه على الموضوع المفيد =)

    ردحذف
  5. صاجه انا سامعه بفوايد حليب الناقه

    بس ولا مره جربته

    يبيله نجربه بس تهقين أقدر

    إن شاءالله أقدر:)

    ماشاءالله بدور إذا عندنا
    بمركز سلطان إذا في حليب بنكهات

    ردحذف
  6. crazy in freedom
    و الله ظحكتيني، إنتي بتشربين حليب الناقة، شو دخل " البعير " في الموضوووع ههههههههههه ..

    كاكاو النوق تعالي عنا بنطعمج إياه حلو ..


    و الله تدرين كم مره حاولت انزل هالموضووع و خفت الكل يتحسب اني اسوي دعايه، هههههه و انتي الحين تقووليلي دعايا لحليب النوق ههههههه ..
    يالله عقباااااااال ما أسويلج دعايا ههههه ..

    ------------------------------------------------


    كرمالوه هو صح عليه شوي لكن من تشربينه تتعودين عليه .. و أنا دايما أشربه و يا نسكفيه أو عسل .. جربيه حلو ..

    و مشكوووره علة مروورج .. و نورتي .

    --------------------------------------------
    q8 lawyer
    تروومين و الله، بس ما أدري إذا بيكون عندكم هالحليب.. لأنه هالحليب حتى في الإمارات ما تلقينه إلا في دبي أكثر شي و الشارجة، يعني في راس الخيمة ما ينلقى و حتى العين .. بس يمكن وصل الكويت جربي و الله حلوو النكهات..

    ردحذف
  7. وناسه ابي اجربه..

    تصدقين توني ادري انه في معلب للجمعيات ..

    ونكهات محليه زعفران وتمر..

    وهم مسوين منه ككاو وناسه ..

    بدوره وان شاءالله احصله..

    مشكوره وبالعافيه يارب..

    ردحذف
  8. روووروو الشخبوطة..

    بس ما أدري إذا موجوود عندكم في الكويت، هو في دبي في كل مكان ينباع، و الكاكاو تلقينا بالمصنع أو إمارات موول و في محالات تبيعه بعد ..

    لكن حليب الفرولة لذيييذ الصراحة .

    ردحذف
  9. تسلملي على النصاايح الا مفيده ونص وثلاث اربااع
    شكررا

    ردحذف
  10. ههههه العفو، إذا بغيت أي شي، عاادي إسأل في أي وقت

    ردحذف
  11. هههههههههههههه

    ايه هي الناقه زوجة البعير^^
    وكلهم بالهواء سواء
    كلهم أعدائي^^

    لووول

    عقبال ماألف كتاب واخليك تسوين له دعايا
    ^^

    ردحذف
  12. ودي أجربه بس استغفــر الله البقر ويالله :))

    خلاص لما نروح دبي نييب صوايغ حق هنيه ;)

    ردحذف
  13. @@

    تدرين انتاي نفسي بالضبط ماني قادرة اتخيل نفسي اشربه .. يمكن ياتني هالعقدة من شفت ابوي ماسكه بيدة والحليب فوقه رغوة المنظر عقدني وكرهته قبل لا اذوقه

    بس ماعتقد احصل منتجات لبن الابل عندنا بالكويت :\

    هني وعافيه :)
    مسالورد

    ردحذف
  14. crazy in freedom
    هههههه ، أخافج بعد شوي تقووليلي أكره بعد الجزيرة العربية اللي خلفت لنا النووق هههه ..

    و إنشاء الله ليش لا ..

    Q8 teacher

    هههههه ليش زين الحليب .. لازم تجربينه،
    هههه صوايغ حليب عزات خاس لين ماتوصلين الكويت هههههههه

    الوتيــــن
    الله يعينج جان شفتي جي، ههه شكلج موول ما بتشربينه ههههه بس والله يقوولوون فايدته يوم تشربينه على طووول .. بس لو شوو ما اقدر ..

    لا ما أعتقد شي بالكويت، لأنه الامارات مب كلها تلقين هالحليب ..

    ردحذف
  15. معلومه يديده

    ما احب الحليب

    كاكاو بعد ههههههههههه


    شكرا :)

    ردحذف
  16. احلى شي انج نصبتي على امج ووكليتها جوكلت مصنوع منه ههههههههه

    مادري اخاف اذوق هالحليب اتصدقين :<

    يسلموو خيتوو :)

    ردحذف
  17. للتذكير فقط

    هناك شخص يستخدم نكي للرد على المدونات
    فاذا وصلك رد من ابوعبدالملك وفيه شتم وسب فأعلم انه لست انا

    ردحذف
  18. شاي الضحى لازم تشربين حليب .. الله يعينج يوم بتعيزين ههههههه ..

    fisha
    ههههههه هي حليلها ما تدري بس عيبها .. أنا كنت نفسج أخاف، لانه قالولي أول ما تشربينه يتعب و يمشي البطن و من هالكلام بس شفته عادي ..

    أبو عبد الملك ..

    إنشاء الله

    ردحذف
  19. يا سلام

    شكلي انا و الوتين نبي ناخذ وكالته في الكويت

    انا على الاتفاق مع الشركات و التوزيع و هي عليها التسويق

    <<< قط نفسه معاها على طول عشان يضمن التسويق الافضل

    ردحذف
  20. انا كمان جربت حليب النوق وكتير عجبني وكل يوم فطوري حليب نوق مع شوفان

    ردحذف