الأحد، 4 أبريل 2010

برنامج الشوط الثالث و دليل على إعتداء أحد الجماهير للاعب نادي النصر..

بـــرنامج الشوط الثالث

برنامج يبث على قناة

دبي الرياضية

هذا البرنــامج ينتقد اللعب و يخرج بعض الأخطاء الصادرة من اللاعبين و مناقشتها و إعادة بعض الأخطاء حتى يتم تحليلها تحليلا كافيا نافيا للجهالة ..

و اليوم طبعا هذا البرنامج كغيره من البرامج الرياضية، يريد أن يحلل ما حصل أثناء لعب النادي الوصلاوي و النادي النصراوي السعودي ..

لكن لم أرى هنالك نقدا أو تحليلا.. !! رأيت إنحيازيه أكثر للنادي الوصلاوي و هذا شي طبيعي ..

و أنا أرى أن المذيع هو الذي يدير و يسيطر، و جمال بو شقر من وجهة نظري لم يوفق هذه المرة، و ياليتني ما شفت هالحلقة و أنا كنت بس جي أجلب القنوات و شفت البرنامج ..

و كانت هنالك مقابلة مع الأمير السعودي نسيت شو إسمه فكان يقوول إنه الجمهور إعتدى على اللاعبين السعوديين و هذا صحيح و الصورة إنتشرت بشكل رهيب .. و بالذات هالصورة، لكن جمال بو شقر كان هني يقول إنه ما في دليل يثبت إنه الجمهور إعتدى على بعض اللاعبين، لكن جمال بو صقر كان مقتنع إنه المدلك أو الأخصائي سوا حركة غير أخلاقية مما أدى إلى تدافع الجمهور على المدلك ..؟؟ وهو ما عنده دليل قاطع و ما في صورة تبين هالحركة اللي صارت..

و هذي الصورة دليل على إعتداء أحد الجماهير على اللاعب النصرواي السعودي




و اللي ما أعجبني أكثر في التحليل الرياضي للشوط الثالث..
وقبل ما أقلكم هالشي بقولكم شي و أبا جوابكم عليه..
إذا كنت في قاعة المحكمة وكنت المتهم و كان القاضي من أقرباء من رفع عليك القضية هل سترضى بالحكم ممن أصدره؟؟ أكيد لا و بطالب بتنحي القاضي على طوول ..
و هالشي اللي ما عيبني ..
أن المذيع إماراتي و اللي مستظيفهم إماراتيين و مصري و ما أدري إذا في حد من دول الخليج ..
لكن يفترض في هذه الحالة أن يكون المذيع من دولة غير دولة الإمارات، لأنه مهما كان أكيد بيحن لناديه و هذا شي طبيعي .. أكيد مرة بيتحمل و مرتين لكن الثالثة ما بيقدر، و نفس الشي للي مستظيفهم يطلعون عن الخط و بعدين يقولوون نحنا كلنا إخوان و حبايب؟
هذا البرنامج تحليلي فلازم يكون على الأقل محلل سعودي واحد متواجد عشان تتفق الآراء إلى أنها لن تتفق مع كرة أبدا ..
و الله لاعت جبووووووودنا من هالسالفة ما يسوا علينا ..
أنا الصراحة أطالب بأنهم ينهون هالمشكلة بأسرع وقت و يفكووون ..

هناك 6 تعليقات:

  1. ما شاءالله عليج رياضيه هههههه

    الصوره ابداااااااااااع لووووول


    مشكوره :)

    ردحذف
  2. هههههه لا ما يخصه، بس ساعات يوم أشوووف شي زايد عن حده أتكلم عنه، و هالموضوع الحين أصلن مثار في الإمارات و السعودية، و اللي ما يعرف في الكورة صار يعرف بسبت هالشي.. !!

    و الصورة مب أنا مصورتنها ماخذتنها من النت ..

    ردحذف
  3. شكلج تحبين الكوره

    لوووووول وصلتني الصوره على الايميل
    هالكوره اخرتها بتفرق بين الدول

    يختي ما احب الكوره ولا سيرتها ..بس احب اشوف عشان اغايض اخواني


    يثلموو ع الموضوع الرياضي ^_^

    ردحذف
  4. ههههههه .. لا أنا ساعات أتابع يعني أشووف خليجي أو إذا الإمارات بتلعب ولا كنوادي لا ما اطالع لكن الصراحة هذي المبارة لو ماشفتيها بتشووفينها غصبن عنج الصراحة من كثر الرمسة اللي تسمعينها و تبين تشووفين شو الصح و شو الغلط .. و نفس ما قلتي آخرتها بتفرق بين الدول، و إنتي شفتي شو إستوا في خليجي اللي كان في الإمارات و عمان.. و المشاكل إلا بين الإمارات و عمان و تقولين بينا ثاااار ههههههههههههههههه .. بس يالله ... الله يهدي الجميع إنشاء الله .. و مشكورة على مرورج الطيب

    ردحذف
  5. ماقول غير الله يهدي القلووووب ويشهد علي الله اني احب الشعب الاماراتي وماراح نسمح لشويه مراهقين وشباب طايش يفرقون بين ها البلدين لان العلاقه بيننا اكبر من كوره علاقه اخوهـ وحب الواحد منا اذا طلع برى ديرته وتغرب يتمنى يشوف خليجي وها الكلام ماراح يحس فيه الا الناس الي جربت الغربه واعرفت معنا اخوه اهل الخليج ونخوتهم ماقول غير الله لا يفرقنا وعسى ايامنا كلها افراااح يارب وتدر الخير ع كل البلدان الخليجيه والعربيه

    ردحذف