الثلاثاء، 20 أبريل 2010

مجلس البزران؟؟ حرية الرااااي إلى السب و القذف ..

لا تلوووووووووموووووني إذا قلتلكم إن الصحفييين ينرفزوووني من الخاااطر مع إحترامي الشديد لهذه المنهة، سواء كان صحفي أو كاتب في جريدة أو مجلة .. و طبعا مب الكل الأغلبية ..

اليوم و أنا يالسه أكمل شغلي، أشوف المسجات اللي توصلني " عن كاتب قطري تكلم عن مجلس الأمة الكويتي " طبعا المسجات كانن من كويتيات ربيعاتي من أيام الجامعة ..

http://www.al-watan.com/data/20100411/innercontent.asp?val=local13_1


و يوم قريت المقال..
أقوول شو هالإسلوووب يمكن هو صح عنده وجهة نظر لمجلس الأمة الكويتي، لكـــن أعتقد في إسلوووب نقد و طرح ..

أذكر مرة كنت حاضرة ندوة القانون و الإعلام في معهد الدراسات القضائية، و حضرت هالندوة لأني أنا لدراستي للقانون و كوني محامية متدربه، أبا أفج حرتي في الإعلامييين ههههههه .. و كانوا يتكلموون إنه كيف القاضي يعامل الصحفي معاملة المجرم، و كانوا مستانسين وااايد بأن الشيخ محمد بن راشد ألغى عقوبة حبس الصحافي، إلا أننا كمحامين معارضين على هالموضووع، لأنه الصحفي دايما يخلط بين حرية الراي و التعبير و بين السب و القذف و هو مايدري ... و هالأموووووور كلها تختلط عنده على أساس حرية الرأي..

مثل ما تشوووفوون هذا اللي كاتب الموضووع و تشبيه مجلس الأمة ب .... و ما خلا شي ما قاله..

أنا الحين ما أتكلم عن الكويت، أتكلم عموووما عن اللي قاعد يستوي و يقوولووون ما عنا حرية راي و تعبير، و المشكلة يسب و يقووول هذا رايي أنا.. أي راااااااااااااي يا باابااا سبيت و تقووول راااااااايييي

أنا فهمت الكاتب شو يبا يقوول، عرفت النقطة اللي يبغي يوصلها، لكن هو بسب سبه و قذفه على مجلس الأمة إختلطت الأموور و ضاع النقد البنــــــاء ..

أنتو لاحظوو في نقاد يوم ينقدوون ينقدون صح و ما يتعدوون الخطووط الحمر و نقدهم يكوون قوي، و في ناس خلطوا كل شي و تعدوا الخطووط الحمر، و أغلبيتهم يخلطون كل شي على أساس الشهرة، و هو مناااك لا يعرف يرمس و لا يركب كلمتين على بعض .. !!

أنا من جي مقهووورة... ياللي دارسين إعلام عرفوا الفرق بين حرية الراي و التعبير و بين القذف الله يخـــــليكم ..!!
لأن الناس صارت ما تسمع و ما تشوووف إلا من الإعلامييييين، و الإعلامي دايما يحب إنه يثير الضجة، فأتمنى إنه هالضجة تكون ممزوجة بالبهارات و التوابل، لكن دون أن تمس بشخصية الإنساااااااااااان .. إنتقد لكن بدون سب

هناك تعليقان (2):

  1. "When you judge people you don't define then, you define yourself."

    كتب بالجمع ان اعضاء المجلس عيال شوارع وأنا أشوف اسلوبه اسلوب الشوارع طاغي!

    He wanted attention and he got it. لكن شنو أضاف له هذا؟

    ردحذف
  2. Seema*

    صح كلامج .. ترا أنا قلت منهم يسبون على أساس حرية الراي لكن هم أساسهم يبون الشهرة .. !! و لقى اللي يباه .. !!

    ردحذف